საქართველოს მოქალაქეობის საგანმონაკლისო წესით მინიჭების კრიტერიუმები იცვლება. როგორც პრეზიდენტის ადმინისტრაციაში აცხადებენ, სულ უფრო მზარდია იმ პირთა რიცხვი, რომელთაც მოქალაქეობის მინიჭება სურთ. ამიტომ კიდევ უფრო მეტი სიფრთხილის გამოჩენა და მიდგომების სრულყოფაა საჭირო.

პოლიტოლოგი სოსო ცისკარიშვილი აცხადებს, რომ ვენეციის კომისიის პრეზიდენტმა ჯანი ბუკიკიომ "ქართულ ოცნებას" განაჩენი გამოუტანა. მისი თქმით, ბუკიკიოს განცხადებას სხვა საერთაშორისო ორგანიზაციების მხრიდან ექნებაც გამოძახილი, ეს კი იმას ნიშნავს, რომ უცხოელი პარტნიორები საქართველოს მიმართ ინტერს დაკარგავენ.

პრეზიდენტთან ერთად საპარლამენტო უმრავლესობას კონსტიტიციის გადახედვისკენ ახლა უკვე ვენეციის კომისიის თავმჯდომარე ჯანი ბუკიკიო მოუწოდებს. ორი მოსმენით დამტკიცებულ კანონპროექტში გარკვეული ცვლილებების ასახვა სამართლებრივად მეტ-ნაკლებად შესაძლებელია, თუმცა, დიდი ალბათობით, "ქართული ოცნების" გუნდი ამის გაკეთებას არ აპირებს და ხელს ტრადიციულად ოპოზიციისკენ იშვერს.

სეპარატისტული აფხაზეთის დელეგაცია სომხეთის გავლით მთიან ყარაბაღში იმყოფებოდა. მიუხედავად იმისა, რომ 27-28 აგვისტოს სტეპანაკერტში შეხვედრების ამსახველი ფოტომასალა აფხაზეთის დე ფაქტო საგარეო უწყებამაც გაავრცელა, რატომღაც თბილისიდან ოფიციალური ერევნის მისამართით ხმამაღალი პროტესტი და ახსნა-განმარტებების მოთხოვნა ამ ფაქტს არ მოჰყოლია.

ცესკო "ქრისტიან-კონსერვატიული პარტიის" წევრებს სამტრედიის საოლქო საარჩევნო კომისიის შენობაში ძალით შეჭრასა და კომისიის წევრებისთვის საქმიანობის ხელის შეშლაში ადანაშაულებს. პარტიის ლიდერი შოთა მალახშია ამ ყველაფერს დეზინფორმაციას უწოდებს. უფრო მეტიც, ის ხელისუფლებას არჩევნების გაყალბებაში ადანაშაულებს. თუმცა, არ უარყოფს, რომ მისი პარტიის წარმომადგენელი ოლქში ნამდვილად იმყოფებოდა და ყველაფერს აფიქსირებდა ვიდეოკამერით.

პრეზიდენტი მმართველ გუნდს კიდევ ერთხელ აკრიტიკებს და კონსტიტუციის მიღების პროცესის დაუყოვნებლივ შეწყვიტისკენ და სამუშაო პროცესში დაბრუნებისკენ მოუწოდებს. თავის მხრივ, ოპოზიცია ვენეციის კომისიას მიმართავს და აღნიშნავს, რომ მათ სურთ სტრასბურგის შეხვედრაზე დასწრება და კონსენსუსი, თუმცა, ამის წინააღმდეგი ხელისუფლებაა.

ამერიკული გამოცემა "უოლ სთრით ჯორნალის" ინფორმაციით, ტრამპის საარჩევნო შტაბის ყოფილი ხელმძღვანელი პოლ მანაფორტი ბევრად უფრო დიდხანს მუშაობდა რუსეთთან, ვიდრე ოფიციალურად აღიარებს და დიდი ანაზღაურების საფასურად პუტინის ხელისუფლების ინტერესების წინ წამოწევასა და ლობირებას ეწეოდა არა მარტო უკრაინაში, არამედ საქართველოსა და მონტენეგროშიც.

"სტრასბურგში ჩასვლა და ხელისუფლებასთან ერთად მოლაპარაკების მაგიდასთან დაჯდომა, თუნდაც ვენეციის კომისიის შუამდგომლობით, ეს უკვე ხელისუფლებისთვის გარკვეული პლუსია საიმისოდ, რომ თქვას - მართალია, მძიმედ, მაგრამ დიალოგი მაინც მიმდინარეობს", - აცხადებს ანალიტიკოსი ზაალ ანჯაფარიძე და აღნიშნავს, რომ ბარიერის დაწევის ინიციატივა ხელისუფლების მხრიდან იყო კარგად გათვლილი სატყუარა დაბალრეიტინგიანი პარტიებისთვის.

გაერთიანებული პროფკავშირების თავმჯდომარის არჩევნები ახლოვდება. მიუხედავად იმისა, რომ ჯერ მხოლოდ ორი კანდიდატია, დაძაბულობა თანდათან პიკს აღწევს. სპეციალისტების აზრით, პროფკავშირებში ძირეული ცვლილებები აუცილებელია. ამ ორგანიზაციის სამუშაო პროცესი ვერნაირ კრიტიკას ვერ უძლებს.

წლებია, ოკუპირებულ აფხაზეთში სეპარატისტული რეჟიმი ქართულ ენაზე განათლების მიღებას კრძალავს და ქართველ მოსწავლეებსა და მასწავლებლებს, რომლებმაც რუსული არ იციან, დიდი სიძნელით უწევთ რუსულად სწავლება. ამ ახალი სასწავლო წლიდან, გალის მსგავსად, ქართულად სწავლება აიკრძალა ოკუპირებული ცხინვალის რეგიონის ახალგორის სკოლებშიც 1-ლიდან მე-4 კლასის ჩათვლით. 5 წელიწადში გალში ქართული კლასი საერთოდ აღარ იარსებებს, ახალგორში კი 7 წელიწადში გახდება ყველა კლასი რუსულენოვანი.

სამხედრო ძლიერების 2017 წლის რეიტინგში საქართველო 133 სახელმწიფოს შორის 82-ე ადგილზეა, სამხრეთ კავკასიაში კი მეორე ადგილი უჭირავს. თუმცა, ამ გლობალური სამხედრო რეიტინგის სიზუსტეს, რომელიც კომპანია "გლობალ ფაიაპაუერმა" შეადგინა, ქართველი ექსპერტების ნაწილი ეჭვქვეშ აყენებს. მათი თქმით, აღნიშნული რეიტინგი ჰგავს კრედიტქულას, რომელიც ფორის სახით მიანიჭეს საქართველოს და რეალურად, სამხედრო ძალის თვალსაზრისით, საქართველო კარგ მდგომარეობაში ნამდვილად არ იმყოფება.