გენერალი დევი ჭანკოტაძე, რომელიც პოლიტიკაში მიდის, ექსპრეზიდენტ მიხეილ სააკაშვილის მართული პირია, აცხადებს „რეზონანსთან" ანალიტიკოსი სამხედრო საკითხებში ვახტანგ მაისაია. მისი თქმით, 7 ნოემბრს დემონსტრანტების დარბევაში ჭანკოტაძეც მონაწილეობდა, ამ პერიოდში იგი გენერალური შტაბის უფროსი იყო. თუმცა, თავად ოპოზიციაში გენერალის გადაწყვეტილებას, შეუერთდეს „ნაციონალურ მოძრაობას", მიესალმებიან და აღნიშნავენ, რომ ჭანკოტაძე გმირია, მასთან გაერთიანება კი პარტიას მხოლოდ სიკეთეს მოუტანს.

„ყველა იმ ადამიანთან, ვისაც პროფესიული გამოცდილება აქვს და პოლიტიკაში თუ საზოგადოებრივ საქმიანობაში წითელი ხაზები არ გადაუკვეთავს, ჩვენ რა თქმა უნდა ვითანამშრომლებთ," - ამის შესახებ „რეზონანსთან" „ლელო საქართველოსთვის" ერთ-ერთმა ლიდერმა კახა კოჟორიძემ, დამოუკიდებელ დეპუტატ თამარ ჩუგოშვილის მათ პარტიასთან შესაძლო თანამშრომლობაზე კომეტირებისას განაცხადა.

წინასაარჩევნო პროცესში წინ წამოიწია ე.წ. კვოტების გადანაწილების საკითხი, თუ ვინ მოხვდება "ქართული ოცნების" სიაში და ვინ დარჩება თამაშგარეთ. თუ ვინ ადგენს ამ სიებს, ამ თემაზე „რეზონანსი" ყოფილ მაჟორიტარს მამუკა არეშიძეს ესაუბრა. მისი თქმით, 2012 წელს პარტიებს მოჰქონდათ სიები და იწყებოდა მსჯელობა. ერთგვარი თათბირი პარტია "ქართული ოცნების" თავმჯდომარე ბიძინა ივანიშვილთან იმართებოდა, თუმცა დღეს ვინ ადგენს ამ სიებს, არ იცის, შესაძლოა ეს იყვნენ უმრავლესობის ლიდერები - კახა კალაძე და ირაკლი კობახიძე.

„საინტერესო და საკითხავი ისაა, არის თუ არა ეს სააკაშვილთან შეთანხმებული, თუ ეს არაა შეთანხმებული, მაშინ პრობლემები იქნება ამ საკითხთან მიმართებაში და შესაძლოა ნიკა მელიას პარტიაში პოლიტიკური საბჭოს თავმჯდომარის თანამდებობა დაატოვებინონ, თუმცა ვნახოთ, ზოგადად სვლა სწორია" - ასე აფასებს „რეზონანსთან" ანალიტიკოსი ვახტანგ ძაბირაძე ნიკა მელიას განცხადებას სხვა ოპოზიციური ძალებისთვის თბილისის ექვსი საარჩევნო ოლქის დათმობაზე.

გაერთიანებული ოპოზიციის თავზე შავი ღრუბელი გროვდება. როგორც ჩანს ოპოზიციაში უკვე დიდი ხანია საერთო მაჟორიტარულ კანდიდატებთან დაკავშირებით ვერ თანხმდებიან.  როგორი იქნება ოპოზიცია არჩევნებზე წარმოდგენილი? - კოალიცია, საერთო მაჟორიტარები თუ დამოუკიდებლად მონაწილეობა, ჯერ კიდევ უცნობია. თუმცა დაპირისპირების აშკარა ნიშნები ჩნდება. 

რუსეთის მიერ საქართველოს ოკუპირებულ რეგიონებში დიდი რაოდენობით სამხედრო ტექნიკა შევიდა - ამის შესახებ ინფორმაცია ანალიტიკოსმა სამხედრო საკითხებში ვახტანგ მაისაიამ „რეზონანსს" მიაწოდა. მისივე თქმით, რუსები ოკუპირებულ აფხაზეთსა და ცხინვალში სამხედრო წარმომადგენლობას კიდევ ზრდიან. თუ რა ტექნიკაზეა საუბარი და რეალურად, რისთვის ემზადებიან ოკუპანტები, ამ დეტალებზე მაისაია საუბრობს.

მიუხედავად იმისა, რომ ახალი კორონავირუსი ოფიციალურად უკვე 6 თვეა არსებობს, მეცნიერებმა დღეს ცოტა რამ იციანი ამ ვირუსის შესახებ, თუნდაც, რამდენად იცვლის სახეს კლიმატური ზეგავლენისას და კლავს თუ არა მაღალი სიცხე კოვიდ-19-ს. დღევანდელ მედიცინას, რომელიც მაღალგანვითარებულ დარგად ითვლება, რეალური დასკვნების გაკეთება არ შეუძლია და რაიმე კონკრეტული მიღწევა ამ მიმართულებით, სამწუხაროდ არ გააჩნია.

"არა მგონია, "ოცნებამ" გახარიას თანამდებობიდან გათავისუფლებას, რაიმე არგუმენტი მოუძებნოს. ან, რატომ უნდა გადაგეს გახარია, ეს ჩემი აზრით არალოგიკური იქნება. თუმცა, "ქართული ოცნება" და ივანიშვილი ლოგიკას არ ექვემდებარება"- ასე ეხმაურება პოლიტოლოგი ვახტანგ ძაბირაძე პრემიერ-მინისტრის გიორგი გახარიას შესაძლო გადადგომის თაობაზე მედიაში გავრცელებულ ინფორმაციას.

თბილისში ყვავების ადამიანებზე თავდასხმის რამდენიმე შემთხვევა დაფიქსირდა, ამის ამსახველი ვიდეოკადრები სოციალურ ქსელშიც კი გავრცელდა. კადრებში კარგად ჩანს მათი აშკარა აგრესიულობა, რის გამოც შეშინებული მოქალაქეები ყვავებისგან თავის დაღწევას ცდილობენ და კივილ-წივილით გარბიან.

მიმდინარე წლის წინასაარჩევნო კამპანია მალე აქტიურ ფაზაში შევა, სადაც, ანალიტიკოსთა ნაწილის თქმით, ოპოზიციის მთავარი გზავნილები და დაპირება უკეთესი ეკონომიკური მდგომარეობის შექმნა იქნება. ახალი კორონავირუსის პანდემიამ ქვეყანაში სერიოზული ეკონომიკური პრობლემები შექმნა და სწორედ ამ კრიზისის დაძლევის ერთგვარ გეგმაზე გააკეთებს აქცენტს ოპოზიცია. ის ეცდება მთავარი ბერკეტი ამ კუთხით აამუშაოს და, ხელისუფლებასთან შედარებით, უპირატესობაც მოიპოვოს.

„მათი პოლიტიკაში შემოსვლა კარგს არაფერს მოიტანს. არ მინდა, ცუდად გამომივიდეს, მაგრამ დღევანდელი წინასაარჩევნო პროცესი ძალიან წააგავს გერმანიის ვაიმარის რესპუბლიკის ბოლო არჩევნებს. ღმერთმა არ ქნას, რომ სიტუაცია დაპირისპირებამდე მივიდეს", - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია „ქართული მარშის" პოლიტიკაში მოსვლის გადაწყვეტილებასა და 2020 წლის საპარლამენტო არჩევნების პროცესში ჩართვას.

„ეს იყო დროებითი გაერთიანება და ნათელაშვილის ფანჩატური დარჩა ფანჩატურად. სხვა პერპექტივა არ ჰქონდათ, რადგან ყველა მათგანს აქვს მხოლოდ უაზრო პრეტენზიები პირველობაზე" - ასე ეხმაურება პოლიტოლოგი იგორ კვესელავა „გაერთიანებულ ოპოზიციაში" საერთო მაჟორიტარების პროექტის ჩავარადნის პროცესს.