ოკუპირებულ გალის რაიონში მცხოვრებ ეთნიკურ ქართველებს 30 მარტს ახალი სამართლებრივი სტატუსი მიანიჭეს. აფხაზეთის დე-ფაქტო მინისტრთა კაბინეტმა დაამტკიცა "უცხო ქვეყნის მოქალაქეებისთვის ან მოქალაქეობის არმქონე პირებისთვის" ახალი სტატუსის მინიჭების საკითხი.

7-წლიანი ტაიმ-აუტის შემდეგ თვითმმართველობის არჩევნებისთვის რესპუბლიკური პარტია და "თავისუფული დემოკრატები", შესაძლოა, კიდევ ერთხელ გაერთიანდნენ. ამ ეტაპზე აქტიური კონსულტაციები ჯერ არ დაუწყიათ, მაგრამ ერთმანეთის მიმართ სიმპათიას ღიად გამოხატავენ და არც იმას გამორიცხავენ, რომ გაერთიანების საკითხზე აქტიური მოლაპარაკება დაიწყონ.

საკონსტიტუციო სასამართლომ მოსამართლეებისთვის ნახევარი მილიონი ლარის ღირებულების მანქანები შეიძინა. ამასთან დაკავშირებით ინფორმაციას "ნაციონალური მოძრაობა" ავრცელებს. სასამართლოში კომენტარს არ აკეთებენ, საპარლამენტო უმრავლესობის წევრები კი საქმის კურსში არ არიან.

სამშენებლო კომპანია "ცენტრ-პოინტის" დამფუძნებლებმა საპატიმრო, შესაძლოა, უახლოეს მომავალში დატოვონ. ყოველ შემთხვევაში, პროკურატურა მაია რჩეულიშვილს და რუსუდან კერვალიშვილს მორიგებას ყველა დაზარალებულისთვის ზარალის ანაზღაურების პირობით სთავაზობს. საპროცესო შეთანხმებაზე თანახმაა ოჯახი, თუმცა ერთი პირობით - მათ ქონებას ყადაღა მოეხსნას, რომ მოხდეს ინვესტორების შემოყვანა. შესაბამისად, რჩეულიშვილების ოჯახი ქმედითი ნაბიჯების გადადგმას ახლა პროკურატურისგან და სასამართლოსგან ელოდება.

საქართველოში ავტოსაგზაო შემთხვევების სტატისტიკა საგანგაშოა. თითქმის ყოველდღიურად ვრცელდება ინფორმაცია დაზარალებულებისა და გარდაცვლილების შესახებ. იმაზე, რამდენად უსაფრთხოა ქუჩაში გადაადგილება და რა ნაბიჯები უნდა გადაიდგას ამ მიმართულებით, დარგის ექსპერტები უკვე დიდი ხანია აქტიურად საუბრობენ. მათი განცხადებით, თბილისის რამდენიმე რაიონში არის შავი წერტილები, ანუ სახიფათო ადგილები, სადაც ავტოავარიები ხშირად ხდება.

ექსპერტთა კლუბის პრეზიდენტი, პოლიტოლოგი სოსო ცისკარიშვილი ფიქრობს, რომ საერთაშორისო რესპუბლიკური ინსტიტუტის უკანასკნელი კვლევის შედეგი არა კონკრეტული პირების მისამართით, არამედ საზოგადოებაში განწყობის ცვლილებითაა განპირობებული. პოლიტოლოგს არც ის აკვირვებს, რომ პრეზიდენტის, როგორც პოლიტიკური სუბიექტის, რეიტინგმა აიწია, რადგან მიიჩნევს, რომ ის ბოლო პერიოდში უსაფუძვლო და უსამართლო თავდასხმის სუბიექტი გახდა, რასაც საზოგადოებაც კარგად ხვდება.

მმართველი ძალა მაჟორიტარული სისტემის გაუქმებასა და მომდევნო არჩვნების პროპორციული სისტემით ჩატარებაზე დათანხმდა, თუმცა საკუთარი პირობებით. გადაუნაწილებელი მანდატები არის ის საკითხი, რაზეც უმრავლესობა და ოპოზიცია ვერ თანხმდება. "ოცნება" თვლის, რომ დარჩენილი მანდატები მთლიანად პირველ ადგილზე გასულ პარტიას დაემატოს, ოპოზიცია კი მათ გადანაწილებას ყველა ზღვარგადალახულ პარტიაზე ითხოვს.

გამომცემლობებსა და განათლების სამინისტროს შორის დავა მე-6 წელია გრძელდება. ისინი სახელმწიფოს სასკოლო სახელმძღვანელოების უკანონო ბეჭდვასა და მათი საავტორო უფლებების დარღვევაში ადანაშაულებენ, რაც ჯერ საკონსტიტუციო სასამართლოში გაასაჩივრეს, ახლა კი სტრასბურგის სასამართლოში ასაჩივრებენ.

ე.წ. მოსმენების კანონი საკონსტიტუციო სასამართლოში კიდევ ერთხელ გასაჩივრდება, თუმცა ამჯერად ეს შესაძლოა თავად პრეზიდენტმა გააკეთოს. ყოველ შემთხვევაში, კამპანია "ეს შენ გეხება" პრეზიდენტს მოუწოდებს, რომ "მოსმენების კანონთან" დაკავშირებით საკონსტიტუციო სასამართლოს თავად გიორგი მარგველაშვილმა მიმართოს. ხოლო კონკრეტულად რა გადაწყვეტილებას მიიღებს ქვეყნის პირველი პირი, მომავალ კვირას საქართველოში მისი დაბრუნების შემდეგ გახდება ცნობილი.

ცხინვალში "საპრეზიდენტო არჩევნებისთვის" ემზადებიან. მასთან ერთად ერთ კვირაში, 9 აპრილს ოკუპირებულ ტერიტორიაზე "რესპუბლიკისთვის" სახელის გადარქმევასთან დაკავშირებული "რეფერენდუმი" ჩატარდება.

"საერთაშორისო რესპულიკური ინსტიტუტი" ("აირაი") ჩატარებული ბოლო კვლევის შედეგებს და პოლიტიკურ რეიტინგებს ოფიციალურად 3 აპრილს წარადგენს, თუმცა კვლევის შედეგების გარკვეული ნაწილი უკვე ცნობილია.

სამშენებლო კომპანია "ცენტრ პოინტის" დამფუძნებლებმა საპატიმრო შესაძლოა, უახლოეს მომავალში დატოვონ. ყოველ შემთხვევაში პროკურატურა მაია რჩეულიშვილს და რუსუდან კერვალიშვილს ყველა დაზარალებულისთვის ზარალის ანაზღაურების პირობით მორიგებას სთავაზობს. საპროცესო შეთანხმებაზე თანახმაა ოჯახი, თუმცა ერთი პირობით - თუ ნამდვილად მოხდება დაზარალებულების დაკმაყოფილება და არა ბიუჯეტის შევსება.