უახლოეს მომავალში ადამიანის უფლებთა ევროპული სასამართლო ყოფილი პრემიერ-მინისტრის, ამჟამად პატიმრობაში მყოფი ვანო მერაბიშვილის საქმესთან დაკავშირებით გადაწყვეტილებას ხელახლა გამოიტანს. დიდმა პალატამ საქმის განსახილველად პირველი სხდომა 8 მარტს დანიშნა.

"ვფიქრობ, საკმაოდ დიდია იმის ალბათობა, რომ საკონსტიტუციო სასამართლომ ე.წ. მოსმენების კანონთან დაკავშირებით ისეთივე გადაწყვეტილება მიიღოს, როგორც შარშან", - ამბობს "რეზონანსთან" საუბრისას კონსტიტუციონალისტი ვახტანგ ხმალაძე. მისივე თქმით, ის მოდელი, რომელსაც პარლამენტი ამტკიცებს, არასწორია.

უზენაესი სასამართლოს მიერ "რუსთავი 2"-ის საქმეზე გადაწყვეტილების მიღებამდე მთელი დღის განმავლობაში პროცესები შემდეგგვარად ვითარდებოდა - გადამწყვეტი ბრძოლა "რუსთავი 2"-ისთვის - უზენაეს სასამართლოში ტელეკომპანიის საქმის მორიგი პროცესი გაიმართა, ეზოში კი ტრადიციული საპროტესტო მიტინგი.

ქვეყნის პრეზიდენტს 2018 წელს მოსახლეობა აირჩევს, შემდგომ არჩევნებზე (2023 წელს) კი - პარლამენტი, - როგორც ირაკლი კობახიძემ განცხადა, "ეს არის საბოლოო წერტილი" და ოპოზიციის კრიტიკის მიუხედავად, ის არ შეიცვლება.

"უზენაესი სასამართლო ყველაზე მაღალი ინსტანციაა და შესაბამისად, მის გადაწყვეტილებას გარკვეული პრეცედენტის სტატუსი მიეცემა... ამით ფაქტობრივად, შესაძლოა ქვეყანაში ისეთი ქონების გადანაწილება დაიწყოს, როგორიც ჯერ არ გვინახავს, რადგან ყველა დაიწყებს გახსენებას, როდის რა აქვს გაყიდული, დაიწყებს მტკიცებას, რომ მას ეს აიძულეს და ა.შ", - ამბობს "რეზონანსთან" საუბრისას ანალიტიკოსი გია ხუხაშვილი ტელეკომპანია "რუსთავი 2"-ის თემაზე მიღებული გადაწყვეტილების კომენტირებისას.

დღეს, ხუთშაბათს უნდა გადაწყდეს, როდის დაინიშნება წმინდა სინოდის სხდომა, სადაც ჭყონდიდის მიტროპოლიტის, პეტრე ცაავას საკითხი (ეკლესიის შიდა პრობლემების გასაჯაროებას გამო) უნდა დაისვას და სინოდმა უნდა გადაწყვიტოს, გამოიძიებს მეუფეს მიერ გახმოვანებულ ბრალდებებს თუ თავად მეუფეს დააკისრებს რაიმე სანქციას.

ტელეკომპანია "რუსთავი 2"-ის საქმე დასასრულს უახლოვდება. დღეს უზენაეს სასამართლოში მორიგი სასამართლო პროცესი გაიმართება და არ არის გამორიცხული, გადაწყვეტილება დღესვე გახდეს ცნობილი. მესამე ინსტანციაში გამარჯვების შემთხვევაში ქიბარ ხალვაში არხზე სადავეების აღებას შეძლებს. სწორედ ამიტომ "რუსთავი 2" დღეიდან საგანგებო რეჟიმზე გადადის და სასამართლო პროცესის პარალელურად უზენაესის ეზოში საპროტესტო აქციაც დაანონსეს.

"თუ იმაზე ვლაპარაკობთ, რომ "რუსთავი 2" ხელისუფლებას ძალიან უშლის ნერვებს და ამით "ოცნება" ბედნიერი იქნება - კი, ალბათ, ასე იქნება. მაგრამ ნამდვილად ვერ ვიტყვი, ხელს ვერ დავადებ, რომ ქიბარ ხალვაში არის ხელისუფლების წარმომადგენელი", - ამბობს "რეზონანსთან" საუბრისას, ტელეკომპანია "რუსთავი 2"-ის დამფუძნებელი დავით დვალი.

8 წლის სენაკელი ბიჭის გაუჩინარების ფაქტზე, დაუხმარებლობის მუხლით 30 წლამდე ასაკის მამაკაცი დააკავეს. მოზარდი სახლიდან 23 თებერვალს გავიდა და მისი კვალი მდინარე ტეხურთან ქრება, სადაც ის სავარაუდოდ, ფსიქიკური პრობლემების მქონე მეზობელთან ერთად იმყოფებოდა. მშობლები შვილის მკვლელობაში სწორედ მას ადანაშაულებენ და აცხადებენ, რომ ბიჭი ჯერ მოკლა, შემდეგ კი მდინარეში გადააგდო.

მეცხრე მოწვევის პარლამენტში ორი წლის ვადით ტერიტორიული მთლიანობის აღდგენის დროებითი კომისია შეიქმნა, რომელსაც მხარი 96-მა დეპუტატმა დაუჭირა. აღნიშნული კომისიის ხელმძღვანელად უმრავლესობის დეპუტატი გედევან ფოფხაძე დაინიშნა.

"დადგა კიდევ ერთი გაზაფხული, თუმცა ტრადიციული ხალისისა და იმედ-ოპტიმიზმის გარეშე; "მაგარ" ფასებზე (ეტყობა ამას გულისხმობდა "მაგარ წელში" პრემიერი), დონდლო ლარზე, ევერესტამდე ასული უმუშევრობაც კი დაგვავიწყა უპრეცედენტოდ ემოციურმა და საზარელმა სკანდალმა - ორ კვირაზე მეტია, რაც "ყურებზე დგას" ქვეყანა და ბრძოლის ველიდან ყოველი ახალი ინფორმაციასავით ელოდება ახალ-ახალ ჭორ-მართალ დეტალებს საპატრიარქოს ირგვლივ ატეხილ ქარიშხალზე. გარე სამყარო კი თავისი, იქაც კრიზისებით დახუნძლული, ცხოვრებით ცხოვრობს და როგორც აქამდე არ ეცალა ჩვენთვის, ასევე დღესაც ვერ იცლის" - ამბობს პოლიტოლოგი სოსო ცინცაძე, რომელსაც "რეზონანსი" "ციანიდის საქმესთან" დაკავშირებულ მოვლენებზე ესაუბრა.

საქართველოს მოქალაქეებისთვის ევროკავშირის წევრ ქვეყნებში უვიზო მიმოსვლის შემოღებასთან დაკავშირებულ რეგულაციას ბრიუსელში ხელი ოფიციალურად მოეწერა. განახლებული რეგულაცია რამდენიმე დღეში ოფიციალურ ჟურნალში გამოქვეყნდება და 20 დღის ვადაში საქართველოს მოქალაქეები შენგენის ზონაში 90- დღიანი ვიზიტით გამგზავრებას უვიზოდ შეძლებენ.