„ევროპელებისთვის გამაოგნებელია ის, რომ რაზეც შეთანხმდნენ ახლა მასზე უარის თქმა ასე სპეკულატიურად ხდება, ეს არ გვიგულისხმიაო. იქ (შეთანხმებაში) პირდაპირ პრეზიდენტი წერია, ანუ პრეზიდენტი რას აკეთებს, მხოლოდ იწყალებს ხომ?"- ასე აფასებს „რეზონანსთან" კონფლიქტოლოგი პაატა ზაქარეიშვილი პატიმრობაში მყოფი ოპოზიციონერების შეწყალება-არშეწყალების გარშემო ატეხილ აურზაურს. მისი თქმით, „ქართული ოცნების" მხრიდან გადაგდებების მთელი კასკადია, ამჯერად კი პარტნიორი ქვეყნების დიპლომატები „გადააგდეს".

ოპოზიციის მოთხოვნა კვლავ უცვლელია, - გათავისუფლდნენ პოლიტპატიმრები, წინააღმდეგ შემთხვევაში, როგორც ოპოზიციონერი ლიდერები აღნიშნავენ, პარლამენტში არ მივლენ და საკონსიტიტუციო ცვლილებებს მხარს არ დაუჭერენ. თუმცა, უმრავლესობაში ამბობენ, რომ „ევროპული საქართველოსა" და „ნაციონალური მოძრაობის" მხარდსაჭერის გარეშეც შესაძლებელია საკონსტიტუციო ცვლილებების მიღება.

ახალი კორონავირუსის გავრცელების პრევენციის მიზნით შემოღებული აკრძალვების ეტაპობრივად მოხსნა დაჩქარებული წესით გრძელდება. როგორც პრემიერ-მინისტრმა გიორგი გახარიამ 14 მაისს მთავრობის სხდომაზე თქვა, შეზღუდვების შემსუბუქება შეეხება ღია და დახურულ სივრცეში სამზე მეტი ადამიანის შეკრებასაც, თუმცა, ეს არ ვრცელდება ავტომობილით გადაადგილებას.

„ბოლობოლო თუ ასე დარწმუნებულები არიან, რომ გაიმარჯვებენ, მაშინ გაიმარჯვებენ და ჩაიდებენ ისევ სასამართლოს ჯიბეში და ვისაც უნდა, დაიჭერენ, ვისაც უნდა გამოუშვებენ, სულ ექვსი თვეა დარჩენილი, რა ციებ-ცხელება სჭირთ?" - ასე აფასებს „რეზონანსთან" საპარლამენტო უმრავლესობის დეპუტატი ნუკრი ქანთარია 13 მაისს ლეიბორისტული პარტიის ოფისში გამართულ შეხვდრას და შეხვედრიდან გამოსული ოპოზიციის წარმომადგენლების მიერ გაკეთებულ განცხადებებს.

ოპოზიციამ გადაწყვეტილება მიიღო და ერთობლივი შეთანხმების შედეგად გადაწყვიტა, რომ თუ მმართველი გუნდი პატიმრებს არ გაათვისუფლებს, ისინი  საპარლამენტო ბოიკოტს გააგრძელებენ და მთელი პასუხისმგებლობა საარჩევნო სისტემის ვერშეცვლაზე ივანიშვილსა და მის გუნდს დაეკისრება. 

„ხელისუფლება მეტ დათმობაზე არ წავა, გამორიცხულია პატიმრების გათავისუფლება, რადგან ხელისუფლება სასამართლოს გადაწყვეტილებაში ვერ ჩაერევა, მაშინ შენ სახელმწიოფ არ გაქვს და ვერც სხვა ქვეყნა ჩაერევა. ამიტომ სჯობს ოპოზიცია მოემზადოს არჩევნებისთვის. ამ პანდემიის ფონზე ისედაც ბევრ ამომრჩეველს კარგავს," - ასე ეხმაურება პოლიტოლოგი იგორ კვესელავა ჩიხში შესულ საკონსტიტუციო ცვლილებებს.

„ამერიკის საგარეო პოლიტიკის ეროვნული ინტერესების ერთ-ერთ მიმართულებას ამერიკული ბიზნესინტერესების დაცვა წარმოდგენს (მსოფლიოს ნებისმიერ წერტილში) და არ გამოვრიცხავ, რომ ჯიმ რიშის განცხადების უკან ამერიკული ბიზნესინტერესებიც იყოს. გერმანელი ევროპარლამენტარის განცხადება კი შესაძლოა, პარტიული სოლიდარობისთვის იყოს გაკეთებული", - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია ბოლო ორი დღის განმავლობაში საქართველოს სტრატეგიული პარტნიორების წარმომადგენლების მხრიდან „ქართული ოცნების" მისამართით გაკეთებულ კრიტიკულ განცხადებებს.

ჯანდაცვის სამინისტრო „ბიოზეკის" ტესტების შეძენის პროცესი შეჩერების შესახებ ერთგვარ განმარტებას აკეთებს. უწყებამ ჰოლანდიური წარმოების 30 ათასი ტესტი, რომელიც სინამდვილეში ჩინური წარმოების აღმოჩნდა, აღარ შეიძინა. ჯანდაცვის მინისტრის მოადგილის, თამარ გაბუნიას თქმით, ხელშეკრულების გაუქმება გამოიწვია იმან, რომ ტესტების მიწოდება გაწერილ ვადაში ვერ მოხდა. მის სანდოობასთან დაკავშირებით ეჭვის საფუძველი სამინისტროს არ ჰქონია.

ქვეყანაში შექმნილი ეკონომიკური ვითარებიდან გამომდინარე აუცილებელია, რომ ახალი კორონავირუსის გავრცელების პრევენციის მიზნით გატარებული შეზღუდვები იმაზე ადრე მოიხსნას, ვიდრე მთავრობის გეგმის მიხედვით არის გაწერილი. ამის შესახებ „რეზონანსთან" ექიმი-ინფექციონისტი ირაკლი ხმალაძე საუბრობს. მისივე თქმით, საქართველოში გამოსწორებული ეპიდვითარება ამის რეალური საფუძველს გვაძლევს.

„შეთანხმების მეორე ნაწილი პრობლემური გახდა, რადგან მხარეები სხვადასხვანაირად აღიქვამენ და ითხოვენ იმ შეთანხმების შინაარსს და პათოსს, რომელიც 8 მარტს დაიდო. შეხვედრის მთავარი მიზანი იყო საარჩევნო სისტემა და მის დაახლოება პროპორციულთან. მთავარი თემის მიბმა ამ ე.წ. პოლიტპატიმრების საკითხთან, ხელოვნური და შეუსაბამოა," - ასე აფასებს „რეზონანსთან" საუბრისას ანალიტიკოსი ზაალ ანჯაფარიძე ბოლო დღეებში ხელისუფლებასა და ოპოზიციას შორის არსებულ გაუგებრობას 8 მარტის შეთანხმებასთან დაკავშირებით.

„მგონია, რომ საკითხი ორ ნაწილად უნდა გაიყოს - საკონსტიტუციო ცვლილებები და პატიმართა საკითხი. ამ ორი საკითხის ერთმანეთზე მიბმა, ვფიქრობ, რომ ოპოზიციისთვის მომგებიანი არ იქნება იმ შემთხვევაშიც კი, თუ ხელისუფლება იძულებული გახდა და რაღაც დათმობებზე წავიდა და პატიმართა საკითხი გადაწყვიტა", - ასე აფასებს „რეზონანსთან" საუბრისას ანალიტიკოსი ვახტანგ ძაბირაძე ოპოზიციის შესაძლო სამოქმედო გეგმას, რომელიც 8 მარტს მმართველ პარტიასთან გაფორმებულ შეთანხმებასა და ე.წ პოლიტპატიმრების გათავისუფლებაზე ხელისუფლების უარს უკავშირდება.

ახალი კორონავირუსის გავრცელების პრევენციის მიზნით, საქართველოში გატარებული შეზღუდვების ეტაპობრივმა მოხსნამ შესაძლოა კოვიდ-19-ის მორიგი აფეთქება გამოიწვიოს. მიუხედავად იმისა, რომ ქვეყანაში ამ კუთხით საკმაოდ დადებითი დინამიკა შეინიშნება, მედიკოსების ნაწილი საზოგადოებას მოუწოდებს, გაცემული რეკომენდაციები დაიცვან, რომ ვირუსის ახალი შემთხვევები თავიდან იქნას არიდებული.