ახალი კორონავირუსის გავრცელების კუთხით, საქართველოში კლების ტენდენცია შეინიშნება, რაც, მედიკოსთა ნაწილის შეფასებით, ეპიდემიის პიკის გადავლის მანიშნებელია. თუკი დადებითი დინამიკა შენარჩუნდება, ქვეყანაში პანდემია პრაქტიკულად დამარცხებულად გამოცხადდება. უკვე მე-9 დღეა, ყოველდღიურ სტატისტიკაში, გამოჯანმრთელებულთა რიცხვი ინფიცირების ახალ შემთხვევათა რაოდენობას უსწრებს. კლების ტენდენცია 2 მაისს დაიწყო და მე-9 დღეა გრძელდება.

საქართველოს საპატრიარქოს გადაწყვეტილი აქვს საგანგებო კომისიის შექმნა, რომელიც ექიმებთან კონსულტაციით თავად შეისწავლის არის თუ არა მისაღები მოსახლეობაში კორონავირუსის საწინააღმდეგო აცრების ჩატარება და შესაბამის გადაწყვეტილებას მიიღებს - ამის შესახებ ზუგდიდისა და ცაიშის მიტროპოლიტმა, მეუფე საბამ განაცხადა. ანალიტიკოსი ზაალ ანჯაფარიძე აცხადებს, რომ ამით ეკლესია ქვეყნის ხელისუფლებას მეტად რთულ მდგომარეობაში აყენებს.

როგორ იმოქმედებს ხელისუფლების რეიტინგზე ქვეყანაში არსებული სიტუაცია - ერთის მხრივ წარმატებული ბრძოლა კორონავირუსის ეპიდემიასთან და მეორეს მხრივ, მთავრობის მკაცრი გადაწყვეტილებები, რომელმაც ბევრ ადამიანს სამსახური დააკარგვინა და ბიზნესის ნაწილიც სრიოზული პრობლემეების წინაშე დააყენა. მიუხედავად იმისა, რომ პრემიერმა გიორგი გახარიამ წარმოადგინა როგორც სოციალური დახმარების პაკეტი, ასევე ანტიკრიზისული ეკონომიკური გეგმა, მაინც ისმის კითხვები - წინასაარჩევნოდ კორონავირუსი ხომ არ გახდება პოლიტიკური სურათის რადიკალური ცვლილების მიზეზი და როგორი იქნება ქართული პოლიტიკური ველი პოსტკორონა პერიოდის შემდეგ. 

უკრაინის პრეზიდენტის გადაწყვეტილებით, მიხეილ სააკაშვილი უკრაინის რეფორმების ეროვნული საბჭოს მდივნად დაინიშნა. ვოლოდიმირ ზელენსკის განცხადებით, სააკაშვილმა პრეზიდენტის პოსტზე ყოფნისას საქართველოში კორუფცია დაამარცხა, უკრიანაში კი მისი დანიშვნიდან შედეგს რამდენიმე თვეში ელის. უკრაინულ მედიაში გავრცელებული ინფორმაციით, მიხეილ სააკაშვილი საბჭოს თავის გუნდთან ერთად უხელმძღვანელებს.

საქართველო გახდა მსოფლიოში პირველი ქვეყანა, რომელიც კორონავირუსის გლობალური პანდემიის ფონზე ტურიზმის სექტორს გახსნის. მთავრობის გადაწყვეტილებით, პირველი ივლისიდან ქვეყანა მიიღებს ტურისტებს უცხოეთიდან, რაც ექიმი-ინფექციონისტრის, ირაკლი ხმალაძის შეფასებით, კორონავირუსის გავრცელების კუთხით ქვეყანას გარკვეული რისკის ქვეშ აყენებს, თუმცა, ეს გადაწყვეტილება ეკონომიკური თვალსაზრისით გამართლებულია, რადგან ეპიდემიამ საქართველოს ეკონომიკას სერიოზული დარტყმა უკვე მიაყენა.

არც ისე დიდი ხნის წინ ოპოზიცია საქართველოს ხელისუფლებას კორონავირუსზე მოსახლეობის ტესტირების მცირე მასშტაბების გამო აკრიტიკებდა და შედარებისათვის უკრაინის მოგალითი მოჰყავდა, რომლის ხელისუფლებამაც, მათი ცნობით, ოპერატიულად შეძლო სწრაფი ტესტების საჭირო რაოდენობის შეძენა და უკრაინაში ტრანსპორტირება. თუმცა, ოფიციალური მონაცემებით ირკვევა, რომ მოსახლეობის ტესტირების მასშტაბებით დღეს საქართველო მნიშვნელოვნად უსწრებს უკრაინას. ოპოზიციაში კი დღეს აცხადებენ, რომ საქართველო ამ მხრივ არა უკრაინას, არამედ სხვა ქვეყნებს უნდა შეედაროს.

ბოლო 24 საათის განმავლობაში ცხინვალის რეგიონში კორონავირუსით ინფიცირების 2 ახალი შემთხვევა გამოვლინდა, აფხაზეთში კი - ერთბაშად 6. თუმცა, თბილისში აცხადებენ, რომ ვითარების გაუარესება ცხინვალში უფრო მეტადაა მოსალოდნელი, ვიდრე აფხაზეთში, რასაც თავისი ობიექტური მიზეზები აქვს.

ახალ საარჩევნო მოდელზე (120/30) გადასვლის ჩავარდნის საფრთხე დღეის მდგომარეობით არ არსებობს, თუმცა ყველაფერი ეპიდსიტუაციაზეა დამოკიდებული, - ასე ეხმაურება საპარლამენტო უმრავლესობის წევრი ნუკრი ქანთარია ოპოზიციის ეჭვს, რომ საპარლამეტო არჩევნების ახალი სისტემით ჩატარების შეთანხმება ჩავარდება და მმართველი პარტია ამას კორონავირუსის ეპიდემიას დააბრალებს.

თუ უკრაინაში ახალ პოლიტიკურ თანამდებობაზე დანიშნული მიხეილ სააკაშვილი ღიად ჩაერევა საქართველოს შიდა საქმეებში, ეს აუცილებლად უარყოფითად აისახება უკრაინა-საქართველოს ურთიერთობებზე - ამის შესახებ „რეზონანსთან" საუბრისას პოლიტოლოგმა ვახტანგ ძაბირაძემ განაცხადა. მისი თქმით, ერთია, როდესაც სააკაშვილი ოპოზიციური „ნაცმოძრაობის" ლიდერის რანგში აკრიტიკებს საქართველოს მთავრობას და სულ სხვა კონტექსტი იქნება, თუ იგივეს უკვე უკრაინის რეფორმების აღმასრულებელი კომიტეტის თავმჯდომარე მიხეილ სააკაშვილი გააკეთებს.

„ოსური მხარე პროპაგანდას ეწევა და იმის დემონსტრირებას ახდენს, რომ „ჩვენ ეთნიკურ ქართველებს კი არ ვერჩით... აი, ძეგლი აღვაგდინეთ. ჩვენ ვერჩით ქართულ პოლიტიკას... მოსკოვიდან გარკვეული ინსტრუქცია არებობს იმისა, რომ შეაკეთონ, შეალამაზონ, გააუმჯობესონ ის ძეგლები თუ მემორიალური ადგილები, რომელიც მოქალაქეებს მეორე მსოფლიო ომის გმირებს ახსენებს. რამდენად ეფექტური იქნება ოსების ეს პროპაგანდისტული ნაბიჯი, საკითხავია, მაგრამ მათ ეს მიზანი ჰქონდათ", - ასე აფასებს „რეზონანსთან" საუბრისას შერიგებისა და სამოქალაქო თანასწორობის ყოფილმა მინისტრმა, პაატა ზაქარეიშვილმა მეორე მსოფლიო ომის დროს დაღუპული ქართველი ჯარისკაცის, გიორგი ბერუაშვილის ბიუსტის აღდგენა ცხინვალში.

როგორ აპირებს საქართველოს ხელისუფლებას  პანდემიის გამო დაზარალებული ეკონომიკის აღდგენას?!-ცნობილი ხდება, რომ ხელისუფლების მთავარი იმედი ტურიზმისკენაა მიმართული და გახარიამ მთავრობის სხდომაზე კონკრეტული სამოქმედო გეგმა წარმოაადგინა.   

ევროპარლამენტარის ღია წერილსა და მიმართვას, რომ საქართველოს ხელისუფლებამ ოპოზიციასთან 8 მარტს მიღწეული შეთანხმება უნდა შეასრულოს, ანალიტიკოსთა ნაწილი „ქართულ ოცნებაზე" განახლებულ ზეწოლად აფასებენ. ეს არის ერთგვარი შეხსენება, რომ საქართველოს მთავრობას ოპოზიციურ სპექტრთან გარკვეულ დათმობაზე წასვლა მოუწევს, რაც საარჩევნო კოდექსში ცვლილებების შეტანასა და იმ პირთა გათავისუფლებას ითვალისწინებს, რომელიც ოპოზიციის მოთხოვნათა ნუსხაში შედის.