საქართველომ კორონავირუსთან საბრძოლველად დაწესებული შეზღუდვების მოხსნა ეტაპობრივად დაიწყო და პრემიერ გიორგი გახარიას განცხადებით, 5 მაისიდან ბათუმი და ქუთაისი გაიხსნება, რამდენიმე დღეში კი თბილისი და რუსთავი. მიუხედავად შეზღუდვების ნელ-ნელა მოხსნისა ქვეყანაში ზუსტი პროგნოზი, როდის იქნება ვირუსის გავრცელებსი პიკური ეტაპი, კვლავ უცნობია, ასევე ვერ ხდება ზუსტი პროგნოზირება, როდის შიძლება ვირუსისი ახალი ტალღა დაიწყოს.

სხვადასხვა ოპტიმისტური პროგნოზების მიუხედავად, საქართველოში კორონავირუსით გამოწვეული სიკვდილიანობის რიცხვი ნელ-ნელა მატულობს, ქართველი სპეციალისტების გათვლებით, ეს ინფექციის პიკური პერიოდია, რომელიც მაქსიმუმ სამ კვირას გასტანს, იმის გამო, რომ კოვიდ-19 ინფექციასთან დაკავშირებით მდგომარეობას სპეციალისტები ახლა სწავლობენ, ისინი დასკვნებს სხვა ქვეყნების უკვე გადავლილი პიკის მიხედვით აკეთებენ.

ახალი კორონავირუსის გამო შემოღებული შეზღუდვები ეტაპობრივად იხსნება და პრაქტიკულად საქართველო კოვიდ-19-თან ბრძოლის კუთხით, ახალ ეტაპზე გადადის; 5 მაისიდან ბათუმსა და ქუთაისში გადაადგილებაზე ყველა სახის შეზღუდვა მოიხსნება და შესაძლოა, კვირის ბოლომდე თბილისისა და რუსთავის გახსნის საკითხიც გადაწყდეს. ამის შესახებ 4 მაისს მთავრობის სხდომაზე პრემიერ-მინისტრმა, გიორგი გახარიამ აღნიშნა.

„პარლამენტი, დიდი ხანია, მკვდარია, სად მიმდინარეობდა აქამდე მოლაპარაკება ოპოზიციასა და ხელისუფლებას შორის - პარლამენტში, პარლამენტის ბუფეტში თუ ეზოში? ერთადერთი ლეგიტიმური ადგილი, სადაც ხელისუფლება და ოპოზიცია ერთმანეთს ელაპარაკებოდნენ, იყო საელჩოები. ანუ ორივემ აღიარა, რომ პარლამენტი ლეგიტიმური აღარ არის“ - ასე ეხმაურება პოლიტოლოგი პაატა ზაქარეიშვილი ოპოზიციის განცხადებას, რომ წყვეტს ბოიკოტს და ითხოვს საპარლამენტო მუშაობის აღდგენას.

პროტოპრესვიტერი გიორგი ზვიადაძე გადაჭრით უარყოფს სოციალურ ქსელებში გავრცელებულ ინფორმაციას, რომ იგი კორონავირუსით იყო ინფიცირებული და განიკურნა, თუმცა მისი ავადმყოფობა საპატრიარქოს მოთხოვნით არ ხმაურდება. ცნობები მამა გიორგის ინფიცირების შესახებ „ფეისბუკში" თეოლოგმა გიორგი ტიგინაშვილმა გაავრცელა.

ქვეყნის მასშტაბით, ბოლო დღეებში ახალ კორონავირუსზე ტესტირებების რაოდენობასაგრძნობლად გაიზარდა, თუმცა, ამის ფონზე ვირუსის ძალიან დაბალი მაჩვენებელი გვაქვს.მაგალითად, 2 მაისს, ტესტირება 1300-ზე მეტ მოქალაქეს ჩაუტარდა, აქედან კოვიდ-19 მხოლოდ 16-ს აღმოაჩნდა. წინა დღეებში კი, როდესაც გაცილებით ნაკლები ტესტირება ტარდებოდა, მატება საშუალოდ 25-27 იყო, რაც, მედიკოსების ნაწილის შეფასებით, ნიშნავს იმას, რომ კორონავირუსის ეპიდემიის პიკი საქართველომუკვე გადაიარა.

დაღესტანში კორონავირუსის გავრცელების კუთხით სიტუაცია კრიტიკულია, თუმცა ხელისუფლების კონტროლის ქვეშ მყოფი მედია რეალურ სურათს მალავს. მოსახლეობის დიდ ნაწილს პნევმონია აქვს. საავადმყოფოებში ადგილები არ არის. მინიმალურია ხელოვნური სუნთქვის აპარატების რაოდენობაც. მედპერსონალის დიდი ნაწილიც ასევე ინფიცირებულია, რაც დამატებით პრობლემებს ქმნის. ასევე მნიშვნელოვნად გაზრდილია სიკვდილიანობა, თუმცა ადგილობრივი ხელისუფლება ცდილობს ეს კორონავირუსის ეპიდემიას არ დაუკავშიროს და გარდაცვალების მიზეზად უბრალოდ პნევმონიას ასახელებს.

ვინ მოკლა სასტიკად საგარეჯოს რაიონის სოფელ ყანდაურაში 5 ადამიანი -ადგილობრივებს და მოკლულთა ნათესავებს ეს კითხვა კვლავ აქვთ. მიუხედავად იმისა, გამოძიებამ მორიგი ეჭვმიტანილი დააკავა, სოფელ ყანადურაში „რეზონანსთან“ აცხადებენ, რომ გამოძიება თავიდანვე არასწორად წარიმართა და ამის გამო, შესაძლოა, ნამდვილი მკვლელის კვალს ვერც ვერასდროს მიაგნონ. 

მსოფლიოში ახალი კორონავირუსის მეორე ტალღაზე კიდევ ერთხელ ალაპარაკდნენ. მეტიც - ემზადებიან იმისთვის, რომ კოვიდ-19-ის მეორე ტალღას მსოფლიო საზოგადოება მომზადებული შეხვდეს. გერმანული მედია წერს, რომ ნატო კორონავირუსის მეორე ტალღისთვის ემზადება. ექიმი-ინფექციონისტი ირაკლი ხმალაძე რეალურს უწოდებს ვირუსის ახალ აფეთქებას და „რეზონანსთან"აღნიშნავს, რომ ყველა ვირუსულ ინფექციას განმეორება ახასიათებს, განსაკუთრებით მაშინ, როდესაც საზოგადოების ქცევა ისეთივე თავისუფალია, როგორიც მანამდე იყო.

„რეკორდული ტესტირების ჩატარება ძალიან კარგია, მაგრამ, ჩემი აზრით, პიკს ჯერ არ გადაუვლია. გადავლაზე უნდა ვილაპარაკოთ მაშინ, როცა ყველას გასინჯვა მოხდება და პლუს ახალი შემთხვევები აღარ იქნება" - ასე აფასებს „რეზონანსთან" ინფექციონისტი ირაკლი ხმალაძე, დაავადებათა კონტროლისა და საზოგადოებრივი ჯანდაცვის ცენტრის ხელმძღვანელის, ამირან გამყრელიძის განცხადებას.

„ვხედავთ, რომ ავტომობილებზე შეზღუდვები რაც იყო, მოიხსნა. ვფიქრობ რომ შემდეგი ეტაპი უნდა იყოს დიდ ქალაქებთან მიმართებაში შეზღუდვის მოხსნა და თანდათან უნდა მივყვეთ."- ამის შესახებ „რეზონანსთან"პარლამენტის ჯანდაცვის კომიტეტის თავმჯდომარემ, დიმიტრი ხუნდაძემ ისაუბრა, რომელიც მიიჩნევს, რომ კორონავირუსთან დაკავშირებული შეზღუდვების შერბილება, ან მოხსნა მხოლოდ ეპიდ-ვითარებაზეა დამოკიდებული.

რა ხდება „ტვ პირველში“ და აპირებს თუ არა არხის დამფუძნებელი წინასაარჩევნოდ სარედაქციო პოლიტიკის შეცვლას - ეს კითხვა მედია ექსპერტებში მას შემდეგ გაჩნდა, რაც საზოგადოებისთვის ცნობილი გახდა, რომ ტელეკომპანიის საინფორმაციო სამსახურს ნინო ჟიჟილაშვილი აღარ უხელმძღვანელებს. მან ამის შესახებ მედიასთან 1 მაისს ისაუბრა და მიღებული გადაწყვეტილება იმით ახსნა, რომ ტელეკოპმანიის მენეჯმენტსა და მას შორის აზრთა სხვადასხვაობაა და გარკვეულ საკითხებზე მათი მოსაზრება არ დაემთხვა.