თამბაქოზე გაძვირების შემდეგ, ქვეყანაში კონტრაბანდამ არნახულად იმატა. "ეისითი იმპაქტის" კვლევის მიხედვით, ამ მიზეზით საქართველოში წლიურად 10%-ით მოიმატა თამბაქოს არალეგალურმა შემოდინებამ აზერბაიჯანიდან, 34%-ით კი თურქეთიდან. სპეციალისტები კი პირდაპირ ამბობენ, რომ ახლა უკვე თუთუნის გაძვირება კონტრაბანდას კიდევ უფრო გაზრდის.

ჯანდაცვა კიდევ მეტად გაძვირდება. მიზეზი, სამედიცინო მომსახურებაზე ერთიანი ტარიფებია - ამიერიდან სახელმწიფო ერთნაირ ფასს გადაუხდის ყველა კლინიკას, რომელიც ჩასაყოველთაო ჯანდაცვის პროგრამაში ჩაერთვება. კლინიკების შემდეგ ამ ფაქტს, სადაზღვეო კომპანიები აპროტესტებენ. მათი შეხედულებით, ეს კიდევ მეტად გააძვირებს ქვეყნაში ისედაც ყველაზე ძვირ მომსახურებას.

ქვეყნაში დაძაბული პოლიტიკური პროცესები ეკონომიკაზეც მძიმედ აისახა. ლონდონის საფონდო ბირჟაზე, ოთხივე ქართული კომპანიიის აქციები გაუფასურდა. სპეციალისტები მიიჩნვენ, რომ ეს ქვეყნის შიგა არასტაბილურობითაა განპირობებული და სანამ საქართველოში მსგავსი ვითარებაა, ეკონომიკურ განვითარებას პერსპექტივა არ აქვს.

ათასგვარი დაპირების მიუხედავად, ლარი გაუფასურებას განაგრძობს. ბოლო პერიოდში ეროვნულმა ბანკმა და მთავრობამ ერთად არაერთი ნაბიჯი გადადგეს ინფლაციისა შესაჩერებლად და ეროვნული ვალუტის გასამყარებლად, მაგრამ არათუ გამყარება, დასტაბილურებაც ვერ მოხერხდა და ოფიციალური გაცვლითი კურსი ისტორიულ მინუმუმს მიუახლოვდა. ფინანსისტების პროგნოზით, ლარი გაუფასურების მაქსიმალურ ნიშნულს 10 დეკემბრამდე მიაღწევს.

ეროვნული ბანკი, სავარაუდოდ, საბანკო რეგულაციების შერბილებას დაიწყებს. ცვლილება პირველ რიგში სესხის ოდენობაზე დაწესებულ ზღვარს შეეხება და 200 000-ლარიან ლიმიტს დასწევს, თუმცა, როგორც საბანკო სფეროს სპეციალისტები აღნიშნავენ ამით რეალურად არაფერი იცვლება, რადგან ამ ტიპის სესხს ბანკები რეგულაციების გვერდის ავლითაც იოლად გასცემდნენ. საქმე ისაა, რომ სესხების გასაცემად მოქმედებს სპეციალური სქემა, რომლის მეშვეობითაც არსებული შეზღუდვით ბანკებს დიდად არ უზარალიათ.

,,ოცნების" ხელისუფლება, რომელმაც 8 წლის განმავლობაში სათამაშო ბიზნესის რეკლამის შეზღუდვა ვერ მოახერხა, მიუხედავად არაერთი დანაპირებისა, აზარტულ თამაშებს ახალ გზას უხსნის. უმრავლესობის ყოფილი წევრის თქმით, მთავრობა, სანაძლეო თამაშების დაკანონებას გეგმავს.

ოქტომბერში დიზელის საწვავის იმპორტი მნიშვნელოვნად გაიზარდა, ხოლო საწვავის ყველაზე დიდი მომწოდებელი კვლავ რუსეთია. ნავთობპროდუქტების იმპორტიორთა კავშირის ინფორმაციით,  2019 წლის იანვარ-ოქტომბრის თვეების განმავლობაში საქართველოში ბენზინისა და დიზელის საწვავის იმპორტმა შეადგინა 890,9 ათასი ტონა, რაც 19,3 ათასი ტონით, ანუ 2,1%-ით ნაკლებია 2018 წლის ანალოგიური პერიოდის მაჩვენებელთან შედარებით (910,2 ათასი ტონა). მათ შორის, 2019 წლის იანვარ-ოქტომბერში ბენზინის საწვავის იმპორტმა შეადგინა  456,3  ათასი ტონა, რაც გასული წლის ანალოგიური პერიოდის მაჩვენებელს 4,5 ათასი ტონით, ანუ 1,0%-ით აღემატება.

2019 წელს რუსეთიდან ელექტროენერგიის იმპორტი 425%-ით გაიზარდა. ბოლო წლების განმავლობაში საქართველოდან რუსეთში ღვინის ექსპორტიც რეკორდულად მატულობს. ასევე ჩრდილოელი მეზობელი პირველია ტურისტების ნაკადის მიხედვით ქვეყენაში. რუსეთია საქართველოს უმთავრესი ხორბლის მომწოდებელი და წლიდან წლამდე იუმჯობესებს პოზიციებს ნავთოპროდუქტების ბაზარზე. მთავრობა თითქოს მუდმივად ბაზრების დივერსიფიცირებაზე საუბრობს, რეალურად კი საქართველოს ეკონომიკა უფრო მეტად "ებმის" რუსულს.

მომხმარებლის რაოდენობაში მოტყუება, სახელმწიფოსათვის გადასახადის დამალვა და უსაფრთოხების წესის დარღვევა - სწორედ ასე აღწევს თხევადი გაზგასამართების დიდი ნაწილი ბაზარზე არაბუნებრივად დაბალ ფასს. მომხმარებელი კი ბოლო დროს სხვა ტიპის საწვავიდან აქტიურად გადადის მის მოხმარებაზე, ამ დროს, როგორც მომხმარებლების და ნაწილობრივ სპეციალისტებიც აღნიშნავენ, ჩასხმის დროს თითქმის ყველა კომპანია იტყუება.

მიუხედავად იმისა, რომ ეროვნულმა ბანკმა ლარის გასამყარებლად, მთავრობასთან ერთად, არაერთი ნაბიჯი გადადგა ვალუტის გამყარება ვერ მოხერხდა. ამიტომ მთავრობა თავის ყველა ადრინდელ პრინციპზე უარს ამბობს და რეგულაციებს ძველ ნორმებში აბრუნებს. ახალი ინიციატივა ლარში გასაცემ სესხებზე 200 ათასი ლარიდან 100 ათასამდე ჩამოწევის თაობაზე ფინანსიტების აზრით არ იქნება საკმარისი ეროვნული ვალუტის გასამყარებლად.

ქვეყნის ერთ-ერთი უმთავრესი პრობლემა დღესდღეობით უმუშევრობაა, რის გამოც მოსახლოება მასობრივად გადის ქვეყნიდან, თუმცა სტატისტიკის ეროვნულ სამსახურის მონაცემებით, უმუშევრობის დონე რეკორდულად დაბალ მაჩვენებელზეა და 2019 წლის მესამე კვარტალში, 11.1%-მდე შემცირდა. აღნიშნული ციფრი 2018 წლის ანალოგიურ პერიოდთან შედარებით 1.1 პროცენტული პუნქტით ნაკლებია. ეკონომისტები ამბობენ, რომ ეს ციფრები ილუზიური და შელამაზებულია. ქვეყანაში უმუშევრობის დონე ბევრად მაღალია.

სავაჭრო ქსელებსა და დისტრიბუტორებს შორის დიდი ხნის წინ გაჩენილ დაპირისპირებას ბოლო არ უჩანს. მდგომარეობა წლების წინ გართულდა, მაგრამ ბოლო რამდენიმე თვეა დაძაბულობამ პიკს მიაღწია. მცირე და დიდი სავაჭრო ქსელები დისტრიბუროტებს დავალიანებებს არ უფარავენ ან უკეთეს შემთხვევაში ვალდებულებას დაგვიანებით ასრულებენ. სუპერმარკეტების ვალი დისტრიბუტორების მიმართ მილიონი ლარია.