საქართველოსთვის ვიზალიბერალიზაციის საკითხზე შეჩერების მექანიზმის დამტკიცებამდე რამდენიმე დღე რჩება. როგორც ცნობილია, ევროკავშირის ელჩები აღნიშნულზე გადაწვეტილებას 22 თებერვალს მიიღებენ. მანამდე კი სტრასბურგში, ევროპარლამენტში ევროკავშირი-საქართველოს ასოცირების საპარლამენტო კომიტეტის მეოთხე სხდომა გაიხსნა, რომლის მუშაობაშიც საქართველოს პარლამენტისა და ევროპარლამენტის მუდმივმოქმედი დელეგაციები მონაწილეობენ.

გასულ კვირას სტუდენტთა და დასაქმებულთა ნაწილმა მშრომელთა უფლებების უხეში დარღვევა ხალხმრავალი მანიფესტაციებითა და მსვლელობით გააპროტესტა. საჯარო მიმართვები გაავრცელეს რუსთავის "აზოტის", სუპერმარკეტების ქსელ "ფრესკოსა" და წიგნების მაღაზიების ქსელ "ბიბლუსის" თანამშრომლებმაც, რომლებიც დამსაქმებელთა მხრიდან მათი უფლებების უხეშ დარღვევაზე საუბრობენ.

"ქურდი მეუფე, ვინც მილიონებს იპარავს, ბევრ რამეზე წავა, რომ ეს ფული შეინარჩუნოს. ფული ადამიანს აფუჭებს. მაფიაში მკვლელობები იმიტომ ხდება, რომ ფულის ნაკადებზე კონტროლი და გავლენები შეინარჩუნონ. აქაც ასეა და რას ნიშნავს, ქურდი მეუფე არ არის დიდი პრობლემა? სწორედ ქურდი და ბანდიტი მეუფეა მკვლელობაზე წამსვლელი," - აცხადებს თეოლოგი ლევან აბაშიძე და საპატრიარქოს დიდ ფინანსებზე საუბრობს.

საპატრიარქოსთან დაკავშირებული უპრეცედენტო სკანდალური საქმის, სავარაუდოდ პატრიარქ ილია ||-ის შესაძლო მკვლელობის მომზადების ირგვლივ, დღითი დღე უფრო მეტი კითხვა ჩნდება. მაგალითად, სახალხო დამცველმა რუსთავის ციხეში დეკანოზ გიორგი მამალაძესთან შეხვედრის შემდეგ ჟურნალისტებს განუცხადა, რომ "რაღაცები ლოგიკაში არ ჯდება", მამალაძე უარყოფს საწამლავის ფლობას და თავს მსხვერპლად მიიჩნევს.

2017 წლის იანვარში ექსპორტი 45%-ით გაიზარდა. მთავრობა ირწმუნება, რომ შემოდგომისთვის ეს მაჩვენებელი კიდევ უფრო მოიმატებს. მათ ოპტიმიზს მაინცდამაინც არ იზიარებენ სპეციალისტები, რადგან ექსპორტის საშუალო წლიურ მაჩვენებელთან შეფარდებით ზრდა თვალშისაცემი არ არის.

საწვავის ფასი ლამის ყოველდღიურად იცვლება. იანვრიდან მოყოლებული, საწვავი 35 თეთრით გაძვირდა. გარდა ამისა, ნავთობპროდუქტების ღირებულებაზე მნიშვნელოვანი გავლენა მოახდინა საერთაშორისო ფასმა და ლარის კურსმა, რამაც გარკვეულწილად მოხმარების შემცირება გამოიწვია, რასაც იმპორტიორებიც ადასტურებენ.

მიუხედავად იმისა, რომ თამბაქოზე აქციზის გადასახადი გაიზარდა და მომხმარებელთა უმრავლესობა შედარებით იაფფასიანი სიგარეტის მოხმარებაზე გადავიდა, თამბაქოს ბიზნესი მაინც ფართოვდება. ამის ერთ-ერთი დამადასტურებელი მაგალითი ბიზნესმენ თემურ ჭყონიას თამბაქოს ბაზარზე შემოსვლაა. გარდა ამისა, დიდი ომი გაჩაღდა ორ უმსხვილეს კომპანიას - "ფილიპ მორისსა" და "თბილისის თამბაქოს" შორის. თამბაქოს ბიზნესში ადგილის დამკვიდრებისთვის ბრძოლას, სპეციალისტები მისი მაღალი შემოსავლიანობით ხსნიან.

როგორც ისტორიკოსები ამბობენ, სწორედ 1945 წლის იალტის სამშვიდობო კონფერენციაზე გადაწყდა ომისშემდგომი ევროპის ბედი. რა თქმა უნდა, დღევანდელ სტატიაში ამ ისტორიული კონფერენციის მნიშვნელობაზე და მის შედეგებზე საუბარს არ ვაპირებთ, მხოლოდ რამდენიმე კულუარულ ამბავს გავიხსენებთ მკითხველთან ერთად.

"სოციალურ ქსელში ჩემს მიერ გავრცელებული ინფორმაცია, რომელიც პარტიარქის შესაძლო ლიკვიდაციას ეხებოდა, არ გახლდათ წყაროს მიერ მოწოდებული, ეს იყო ჩემი მოსაზრება, რომელზეც თავშივე ვთქვი, რომ შესაძლოა ან იყო რეალისტური ან არა, მას მხოლოდ პრევენციის მიზანი ჰქონდა," - აცხადებს "რეზონანსთან" საუბრისას ანალიტიკოსი არჩილ გამზარდია, რომელმაც სოციალურ ქსელში ერთი თვის წინ დაწერა, რომ შესაძლოა პატრიარქის ქორეპისკოპოს იაკობის ლიკვიდაცია მზადდებოდა, ხოლო რამდენიმე დღით ადრე კი დაწერა, რომ პატრიარქი სერიოზული რისკის ქვეშ იყო და შესაძლოა იგეგმებოდა მისი ლიკვიდაციაც.

სამხრეთ ოსეთის დე ფაქტო რესპუბლიკის პრეზიდენტმა ლეონიდ თიბილოვმა სამხრეთ ოსეთისთვის "ისტორიული სახელის - ალანიას" დაბრუნებაზე რეფერენდუმის გამართვის შესახებ განკარგულებას ხელი მოაწერა. აღნიშნული რეფერენდუმი 2017 წლის 9 აპრილს სამხრეთ ოსეთის დე ფაქტო რესპუბლიკის საპრეზიდენტო არჩევნების პარალელურად გაიმართება. სპეციალისტებს მიაჩნიათ, რომ ეს საქართველოს მთავრობის მისამართით გაჟღერებული ღია გზავნილია, ხოლო უმოქმედობის შემთხვევაში შესაძლოა მას მძიმე შედეგი მოჰყვეს. მათი თქმით, ამგვარი რეფერენდუმი შესაძლოა ანექსიის წინაპირობაც გახდეს.

გივი თარგამაძის ავტომობილის აფეთქების საქმეზე ბრალდებული ბორის ჩაგუნავა საპატიმროდან თავისუფალია. თბილისის საქალაქო სასამართლომ მას სასჯელის ზომად 4 წლით თავისუფლების აღკვეთა მიუსაჯა, რაც პირობით 6 წლის გამოსაცდელი ვადით ჩაეთვალა. აღნიშნულ ინფომაციას "მოძრაობა თავისუფლებისთვის - ევროპული საქართველოს" ლიდერი გიორგი კანდელაკი ავრცელებს და გადაწვეტილებას "შოკისმომგვრელს" უწოდებს.

"რუსთავი 2" სიტყვის თვისუფლებისა და დამოუკიდებლობის დასაცავად აქციის გამართვას გეგმავს. ამათან, არხის გენერალური დირექტორის ნიკა გვარამიას თქმით, ის არც შსს-ში გამოკითხვაზე მისვლას აპირებს, რადგან არ აქვს იმ უწყების ნდობა, რომელიც ექსპეტიზის მონაცემებს აყალბებს.