ვაკანსიების რაოდენობა მატულობს, მაგრამ რეალური დასაქმების შესაძლებლობა კვლავ მცირეა. სპეციალისტების ვარაუდით, ასე გაგრძელდება მომავალშიც, რადგან ქვეყანას უმუშევრობის დასაძლევად სისტემური მიდგომა არ გააჩნია. თუმცა არის სხვა პრობლემაც, როგორც დასაქმების სააგენტოებში აცხადებენ, ხშირად გამოცხადებული ვაკანსიები ისე იხურება, რომ ადამიანები დასაქმებას ვერ ახერხებენ. დასაქმების სააგენტოების წარმომადგენლები ამის მიზეზად კვალიფიციური კადრების დეფიციტს, ხოლო სპეციალისტები კანონმდებლობის ხარვეზს მიიჩნევენ.

აჭარის ტურიზმის დეპარტამენტის მიერ ჩატარებული კვლევის მიხედვით, ერთი ტურისტის საშუალო დღიური ხარჯი დაახლოებით 451 ლარს შეადგენს. თუ გავითვალისწინებთ იმას, რომ ივლისის ჩათვლით ქვეყანაში უკვე შემოვიდა 1 401 914 ტურისტი, (ვიზიტორების რაოდენობა კიდევ უფრო მეტია, გამოდის, რომ 7 თვის განმავლობაში მთლიანად ტურისტებმა ერთი დღის განმავლობაში ქვეყანას 632,2 მლნ ლარის შემოსავალი მოუტანეს, რაც საშუალოდ 275 მლნ დოლარია. თუ ამას მივუმატებთ ქვეყანაში დარჩენის საშუალო ხანგრძლივობას - 4 დღეს, აქ უკვე ტურისტული შემოსავალი ერთ მილიარდსაც კი აჭარბებს.

მოვალეთა რეესტრში ურჩ გადამხდელთა რაოდენობა ისევ იზრდება, შესაბამისად, მატულობს იმ ადამიანების რიცხვი, ვინც, შესაძლოა, ქონების დაკარგვის საფრთხის წინაშე აღმოჩნდეს. აღსრულების ეროვნული ბიუროს მონაცემებით, რეესტრში ამჟამად 171 900 ჩანაწერია რეგისტრირებული. ეს მაჩვენებელი თითქმის 9 ათასით მეტია ივნისში არსებულ მონაცემზე. მიმდინარე წლის დასაწყისში კი მონაცემი 143 517 შეადგენდა.

საქართველოს დიდ ქალაქებში ავტომობილებით გადაადგილების ისევ მწვავე პრობლემა დგას. გარდა იმისა, რომ იზრდება ადგილობრივი ავტომობილების რაოდენობა, ასევე მკვეთრად მატულობა სატრანზიტო ავტომობილები. საქართველოს გზებს კი ამდენი მანქანის გატარების შესაძლებლობა არ აქვს.

ხორცის იმპორტი მცირდება. ადგილობრივი წარმოება კი იზრდება. ფერმერების განცხადებით, ამ პროცესს ხელი შეუწყო ჯარის ადგილობრივი ხორცის კვებაზე მიღებულმა გადაწყვეტილებამ.

საცხოვრებელი სახლების პროექტირება-დიზაინზე მოთხოვნამ წელს, წინა წელთან შედარებით, დაახლოებით 10-15%-ით მოიმატა. სპეციალისტების განმარტებით, სტატისტიკა არაოფიციალურია, თუმცა არსებულ მდგომარეობასთან ძალიან ახლოსაა. მათი ინფორმაციით, საქართველოში ამ ტიპის მომსახურებაზე მოთხოვნამ ჯერ კიდევ 2008 წლიდან იკლო და მდგომარეობის გამოსწორებას დიდი დრო დასჭირდა.

უკვე მეოთხე წელია, რაც სირიაში სისხლისმღვრელი სამოქალაქო ომი მიმდინარეობს. სხვადასხვა მონაცემებით მან 300 000-მდე ადამიანი, მათ შორის საქართველოს 30-ზე მეტი მოქალაქე შეიწირა.

სამხედრო ექსპერტი ვახტანგ მაისაია ამბობს, რომ რუსეთის მხრიდან საქართველოს ოკუპირებულ ტერიტორიაზე მიმდინარე მასშტაბური სამხედრო წვრთნები ქვეყნისთვის საკამოდ საშიშია, რადგანაც კრემლმა წინასაარჩევნოდ ძალის დემონსტრირება გადაწყვიტა.

"შემთხვევითი არაა, რომ არჩევნებამდე ერთი თვით ადრე საქართველოში ნატოს გენერალური მდივანი სტოლტენბერგი ჩამოდის. ამას არ გააკეთებდა, აუცილებლობა რომ არ მოითხოვდეს. აუცილებლობა კი იმიტომ დადგა, რომ ნატო-ს მოწინააღმდეგეთა რაოდენობა თანდათან კრიტიკულ ზღვარს უახლოვდება," - აცხადებს პოლიტოლოგი სოსო ცინცაძე და დასძენს, რომ საკმაოდ დამაფიქრებელ პრობლემაზე პრორუსული პარტიების მომრავლება და მათი თამამი განაცხადებიც მიუთითებს.

საპარლამენტო არჩევნებამდე დაახლოებით ერთ თვესა და ერთ კვირაზე ცოტა მეტია დარჩენილი და ამ დროისათვის მასში მონაწილე პარტიების უმეტესობას საზოგადოებისათვის არ წარმოუდგენია საარჩევნო პროგრამა, პარტიის ხედვა ან რაიმე სახის დოკუმენტი, რომლითაც იგი გამარჯვების შემთხვევაში იხელმძღვანელებს.

საკონსტიტუციო სასამართლოს ირგვლივ ბარლდებები და დაპირისპირება კვლავ გრძელდება. რამდენიმე დღის წინ უმრავლესობის წევრმა გედევან ფოფხაძემ და "ოცნების" აღმასრულებელმა მდივანმა ირაკლი კობახიძემ განაცხადეს, რომ შესაძლოა, წინასაარჩევნოდ გიორგი პაპუაშვილმა საკონსტიტუციოს მოსამართლეებზე ზეწოლა განახორციელოს.

"წინასაარჩევნო პერიოდში უკვე გამოიკვეთა და სახეზეა პარტიების პოლიტიკური გაკოტრება, გუშინ შექმნილი ბლოკები კი უკვე იშლება" - აცხადებს პეტრე მამრაძე, რომელსაც "მთელი კვირა" წინასაარჩევნო გარემოს თავისებურებებზე გაესაუბრა.