თბილისის მერი არაფორმალური და უკანონო ბრძანებების რიგითი შემსრულებელია, ამბობს "მთელ კვირასთან" ინტერვიუში ეკოლოგი და "დემოკრატიის ინსტიტუტის" ხელმძღვანელი ლაშა ჩხარტიშვილი. მისი თქმით, "ქართული ოცნების" ქმედებები ძალიან ემსგავსება "ნაციონალური მოძრაობისას", ხოლო მერის პოსტიდან ნარმანია კი არა, მთლიანად "ქართული ოცნება" უნდა გადადგეს.

ოდესღაც მშვიდი და სტაბილური თურქეთი ბოლო პერიოდში სულ უფრო მეტად ემსგავსება ქაოსით მოცულ ახლოაღმოსავლურ სახელმწიფოს. ტერორისტული აქტები, თავდასხმები ძალოვანი სტრუქტურების წარმომადგენლებსა თუ სამთავრობო ობიექტებზე უკვე აღარავის აკვირვებს. შედეგად, ჩვენი სამხრეთელი მეზობლის ეკონომიკის უმნიშვნელოვანესი დარგი - ტურიზმი - დიდი დარტყმის ქვეშ აღმოჩნდა. წინა წლებთან შედარებით, ქვეყნის ვიზიტორთა რაოდენობამ 40%-ით იკლო.

საქართველოს საგარეო-ეკონომიკური ურთიერთობანი არ განეკუთვნება ქართული ისტორიოგრაფიის "თეთრ ფურცელს" და ამ თემას ბევრი მკვლევარი შეეხო, თუცმა დღემდე ეს საკითხი ბოლომდე გამოკვლეული არ არის, ასე ფიქრობენ ისტორიკოსები.

ქრისტეშობიდან 410 წელს რომის დაცემა ახალი ეტაპის დასაწყისი გახლდათ კაცობრიობის ცნობიერებაში. რომი - მარადიულობის სიმბოლო, რომელიც საუკუნეების მანძილზე პოლიტიკური თუ ესთეტიკური ნორმების კანონმდებელი იყო, ვესტგოთთა ძალისხმევით განადგურდა, თუმცა, ამ პროცესს თავად რომაელებმაც შეუწყვეს ხელი.

"თუკი 8 ოქტომბრის არჩევნები ლეგიტიმური არ გამოდგება, მაშინ გამოდის, რომ ჩვენი თავი კრემლისთვის ჩაგვიბარებია," - ამგვარად აფასებს საპარლამენტო არჩევნების მნიშვნელობას პოლიტოლოგი სოსო ცისკარიშვილი და ამბობს, რომ იგი ბევრი რამის ტექსტი იქნება.

ანალიტიკოსი არჩილ გამზარდია ამბობს, რომ ამომრჩევლის 60%, რომელსაც არც ერთი პოლიტიკური სუბიექტი არ სურს, ჯერ კიდევ მერყეობს, რადგანაც ამ დრომდე არ გამოჩენილა მესამე სერიოზული ძალა, რომელიც მის გადაბირებას შეძლებდა.

წინასაარჩევნოდ რეგიონებში დედაქალაქისაგან განსხვავებული, უფრო რთული სიტუაციაა და პარტიებსაც იქაური მოსახლეობის გულის მოსაგებად მეტი ძალისხმევის გამოვლენა მოუწევთ - ასე აფასებენ პოლიტოლოგები და სოციოლოგები რეგიონებში არსებულ მდგომარეობას და დასძენენ, რომ ეს მოსაზრება უკანასკნელი კვლევების შედეგებითაა გამყარებული.

სისხლიანი გარჩევა ქობულეთში. დაღუპულია ერთი და დაჭრილია 4 კაცი. შემთხვევა რუსთაველის ქუჩაზე მოხდა. ამ დრომდე უცნობია, რა გახდა დაპირისპირების მიზეზი, თუმცა ქობულეთში ადგილობრივები იმაზე საუბრობენ, რომ ჩხუბში მონაწილე პირები ახლო მეგობრები იყვნენ და საფეხბურთო კლუბ "შუქურაში" ერთად თამაშობდნენ. ჩხუბის შედეგად დაჭრილია ოთხი და გარდაცვლილია ერთი ადამიანი.

თბილისის მერის, დავით ნარმანიას გადადგომის მოთხოვნით, "ნაციონალური მოძრაობის" წევრებმა აქცია გამართეს. ისინი ნარმანიას მერობისთვის შეუფერებელ პიროვნებად მიიჩნევენ და აცხადებენ, რომ ასე არა მხოლოდ ისინი, არამედ თბილისის მოსახლეობის უმეტესობა ფიქრობს.

ნეპოტიზმი, შერჩევითი სამართალი, სოციალური პრობლემები - ეს არის მთავარი მოტივები, რომელთა გამოც საქართველოს მოსახლეობას გასაქცევად უჭირავს თვალი. ჩვენ მიერ ჩატარებულმა გამოკითხვამ აჩვენა, რომ რესპოდენტების დიდი ნაწილი უვიზო მიმოსვლის ამოქმედებას მხოლოდ იმიტომ ელის, რომ სამუშაოდ წავიდეს, ზოგიერთს კი სასწავლებლად სურს ევროპაში გასვლა, თუმცა ბევრმა არ იცის იმ შეზღუდვების შესახებ, რომლებსაც ევროკავშირი აწესებს. დემოგრაფები უვიზო რეჟიმის ამოქმედების მოახლოებას შიშით უყურებენ და აცხადებენ, რომ ცვლილება მიგრაციულ პროცესს, ამასთანავე "ტვინების გადინებას" წარმოშობს.

ქართულ ბაზარზე ბოლო სამი-ოთხი თვეა, ფქვილი იაფდება, პურის ფასი კი არ იცვლება. მეპურეებს ფასთან დაკავშირებით აბსოლუტურად ერთნაირი მოსაზრებები აქვთ. ისინი ერთსულოვნად აცხადებენ, რომ პროდუქტის გაიაფებას არ აპირებენ. თუმცა "ხორბლისა და პურ პროდუქტების მწარმოებელთა ასოციაციაში" ფიქრობენ, რომ რეალურად პურის ფასზე ცვლილება შესაძლებელია, რადგან წელს მთელი მსოფლოს მასშტაბით ხორბლის უხვი მოსავალია.

საქართველოში ჩინური ინვესტიციების შემოსვლა 2002 წლიდან დაიწყო, იმ პერიოდში ქვეყანაში მხოლოდ 2,5 მილიონი დოლარი გადმოირიცხა. აგვისტოს ომის შემდეგ 2010 წლამდე სტატისტიკა საქართველოდან ჩინური ინვესტიციების გადინებას აფიქსირებს. 2011 წლიდან ჩინელმა ინვესტორებმა საქართველოსკენ გული ისევ მოიბრუნეს. ჩინური ინვესტიციების რეკორდად 2014 წელი ითვლება, იმ პერიოდში ქვეყანაში 218 მილიონი დოლარი შემოვიდა. 2015 წელს ეს მაჩვენებელი 66 მილიონ დოლარამდე შემცირდა, ხოლო 2016 წლის პირველ კვარტალში ჩინელებს არაფერი შემოუტანიათ, პირიქით, საქართველოდან ჩინეთში 2,5 მილიონი დოლარის კაპიტალი გავიდა.