ეროვნული ვალუტის გამყარებას რესპონდენტების ნაწილი ვერ გრძნობს და აცხადებს, რომ იმავე ხარჯს ეწევიან, რაც ლარის გაუფასურების პერიოდში ჰქონდათ. ზოგიერთი კი ამტკიცებს, რომ სავალუტო ცვლილებამ მათ ჯიბეზე დადებითი გავლენა უკვე იქონია. ისინი ამას ზოგიერთ საკვებ პროდუქტზე, ჰიგიენურ საშუალებებზე, საწვავზე ფასის კლებით ხსნიან. უმეტესობა კი სარგებელს ბანკთან მიმართებაში ნახულობს. ფასის კლებაზე საუბრობენ მოვაჭრეებიც. ბოლო რამდენიმე დღეა, ზოგიერთ პროდუქტზე ცვლილება შეინიშნება.

2020 წელს საქართველოს საკუთარი, შედარებით იაფი ბენზინი ექნება. მთლიანად შეიცვლება სანავთობო ბაზარზე თამაშის წესები, ვინაიდან ქვეყანაში მსხვილი ნავთობსაწარმო გაჩნდება. მთავარია, მთავრობის გეგმა ნავთობგადამამუშავებელი ქარხნის მშენებლობასთან დაკავშირებით ახლა მაინც შესრულდეს. ყაზახების, ირანელებისა და აზერბაიჯანელების შემდეგ, ამჯერად შავიზღვისპირეთში ქარხნის მშენებლობა შვეიცარიაში რეგისტრირებულმა კომპანიამ იტვირთა.

"რაკია ჯორჯიას" 20 მილიონი დოლარის უკანონოდ დაუფლებაში ედავებიან. ამ დროისთვის კომპანიის საკუთრებაში არსებული "შერატონ მეტეხი პალასი" და სხვა აქტივები დაყადაღებულია. უფლებრივი შეზღუდვის ეს ფორმა თბილისის საქალაქო სასამართლომ ავსტრიულ კომპანია მშ2 ზფკეტუკთ პქირ-სა და "რაკია ჯორჯიას" შორის მიმდინარე სასამართლო დავის ფარგლებში გამოიყენა, როგორც სარჩელის უზრუნველყოფის ღონისძიება.

"სამეგრელოში ოპოზიციის გამარჯვება ძალთა ბალანსზე არ იმოქმედებს. თუმცა "ნაციონალებს" მიეცათ საშუალება, ეჩვენებინათ, რომ ისევ ძალა აქვთ, შეუძლიათ გარდატეხის შეტანა და ხელისუფლებაში დაბრუნება. სამეგრელოში "ოცნებას" ძალიან სერიოზული პრობლემები აქვს," - ამბობს "რეზონანსთან" საუბრისას პარტიის "დაიცავი საქართველო" ლიდერი კახა მიქაია და ხელისუფლებას რამდენიმე რჩევას აძლევს.

ოქტომბრის არჩევნებში პარლამენტის მანდატების "საკონტროლო პაკეტის" მოპოვების შესაძლებლობა არც ერთ პოლიტიკურ პარტიას არ აქვს, თუკი ოქტომბრამდე რაიმე სკანდალური, გარდამტეხი მოვლენა არ მოხდება და, როგორც პოლიტოლოგები ვარაუდობენ, უმრავლესობის მოპოვებისთვის "ქართულ ოცნებას" პოსტსაარჩევნო კოალიციის შექმნისათვის ძალაუფლების სხვისთვის გადანაწილება და დიდი გარიგებები აუცილებლად მოუწევს. ამ გარიგებებში მთავარი გასაღები კი, დიდი ალბათობით, პაატა ბურჭულაძის პოლიტიკური ძალა შეიძლება გახდეს.

24 მაისს ივანე ჯავახიშივილის სახელობის სახელმწიფო უნივერსიტეტში დაპირისპირება მოხდა. "აუდიტორია 115" აცხადებს, რომ მის წევრს, სტუდენტ ცოტნე ცხვედიანს 20-მდე ადამიანი ფიზიკურად გაუსწორდა. ცხვედიანის თქმით, მას თსუ-ის სტუდენტური თვითმმართველობის წევრებმა სასტიკად სცემეს.

საკვლევ-საკონსულტაციო ცენტრ "ფსიქო-პროექტის" დამფუძნებელი, სოციოლოგი ზურაბ ბიგვავა ჩატარებული შუალედური არჩევნების შედეგების გაანალიზებით ასკვნის, რომ ოქტომბრის საპარლამენტო არჩევნებში "ქართული ოცნება" დამაჯერებელ გამარჯვებას მოიპოვებს. ამის თქმის საფუძველს კი მას ის აძლევს, რომ 9 ოლქიდან, სადაც არჩენები გაიმართა, 7-ში სახელისუფლებო პარტიამ მოიგო.

პაატა ბურჭულაძის ახალი პოლიტიკური მოძრაობის "სახელმწიფო ხალხისთვის" პარტიული ყრილობა კვირის ბოლოს, 28 მაისს გაიმართება, სადაც საზოგადოებას გუნდის შემადგენლობის შესახებ ახალ ინფორმაციას ამცნობენ.

ხურჩაში მოკლულ გიგა ოთხოზორიას საქმეზე საქართველოს შინაგან საქმეთა სამინისტრო "ინტენსიურ გამოძიებას" აწარმოებს. მინისტრი გიორგი მღებრიშვილი პირობას დებს, რომ მუხანათური მკვლელობა დაუსჯელი არ დარჩება და დამნაშავეს პასუხი აუცილებლად მოეთხოვება, თუმცა გამოძიების დეტალებზე საუბრისაგან თავს იკავებს. თავის მხრივ, საქმის გამოძიება, ყოველ შემთხვევაში, ფორმალურად, აფხაზეთის დეფაქტო მთავრობამაც დაიწყო.

უკვე მეხუთე დღეა, რაც გორის რაიონის სოფელ ბობნევიდან გაუჩინარებულ 4 წლის ბიჭუნას ეძებენ. 20 მაისს ის ბოლოს მისმა 5 წლის ძმამ და თანატოლებმა სოფლის ცენტრში ნახეს, რის შემდეგაც ბავშვის კვალი გაქრა.

შავი ზღვის საერთაშორისო უნივერსიტეტში კულტურის მე-3 საერთაშორისო ფესტივალი გაიმართა, სადაც ამავე უნივერსიტეტის სხვადასხვა ეროვნების სტუდენტებმა მიიღეს მონაწილეობა.

სამეგრელოს ერთ სოფელში, კორცხელში კვირას ჩატარებული არჩევნები იყო ერთგვარი გენერალური რეპეტიცია, რომელმაც ერთმნიშვნელოვნად აჩვენა ის, რომ არც თუ მშვიდობიანი არჩევნები გვექნება ოქტომბერში და რომ წინასაარჩევნო პერიოდსა და კენჭისყრის დღეს ისევ გველოდება ქვების სროლა, ჯოხებითა და მუშტებით თავ-პირის მტვრევა, გინება და ურთიერთბრალდებები პროვოკაციების მოწყობასა თუ ზონდერჯგუფების გამოყენებაზე.