ტყიბულის რაიონის სოფელ საწირეში ტრაგედია დატრიალდა. სიმამრმა სიძე მისივე დანით შელაპარაკების დროს მძიმედ დაჭრა, რომელიც რამდენიმე წუთის შემდეგ სახლთან ახლოს გარდაიცვალა. გარდაცვლილი 35 წლის პაატა კ. იყო, მკვლელობაში ბრალდებული კი - 53 წლის მერაბ გ. ბრალდებულის ახლობლები და მეზობლები მკვლელობის მოტივად ოჯახურ კონფლიტს ასახელებენ.

დანგრევის პირას მყოფი ომის ვეტერანთა ჰოსპიტალი დახურვის საშიშროების წინაშეა. ჰოსპიტალში მომუშავე მედპეროსნალისა და ვეტერანთა ნაწილის ინფორმაციით, ვეტერანების საქმეთა სახელმწიფო სამსახურმა კლინიკას დაფინანსება შეუწყვიტა, რის შემდეგაც ჰოსპიტალი საარსებო სახსრების გარეშე დარჩა. როგორც ექიმები ამბობენ, უკვე რამდენიმე თვეა უხელფასოდ მუშაობენ, ვეტერანებს კი საჭირო მედიკამენტები ჰოსპიტალში თავად მიაქვთ. ვეტერანების საქმეთა სამსახურში კი ამ თემაზე კომენტარს არ აკეთებენ.

იუსტიციის მინისტრმა თეა წულუკიანმა მთავრობის გუშინდელ სხდომაზე წარადგინა კანონპროექტი, რომელიც მიზნად ქუჩაში მყოფი და მომუშავე ბავშვების უფლებებს დაიცავს ისახავს. ხშირ შემთხვევაში ასეთ ბავშვებს არ გააჩნიათ საიდენტიფიკაციო დოკუმენტაცია - დაბადებისა და პირადობის მოწმობები, რადგან მათი მშობლები/მეურვეები ბავშვებისთვის დოკუმენტაციის მოწესრიგებას ვერ ახერხებენ, ან არ თვლიან საჭიროდ, რის გამოც ისინი ვერ იღებენ განათლებას, ვერ ერთვებიან სოციალურ და სამედიცინო სახის სახელმწიფო პროგრამებში. აღნიშნული კანონპროექტი კი სოციალურ სააგენტოებს ანიჭებს უფლებას, ასეთი ბავშვებისთვის საჭირო დოკუმენტაციის მისაღებად მიმართონ იუსტიციის სამინისტროს, რომელიც უფასოდ მოემსახურება მათ და დაუმზადებს ყველა საჭირო დოკუმენტს, რის შემდეგაც საშუალება ექნებათ ყველა სახელმწიფო პროგრამით ისარგებლონ.

საქართველოს საინტერნეტო მისამართების ქართულ ენაზე დარეგისტრირების უფლება მიენიჭა - ამის შესახებ ინფორმაციას საინფორმაციო ტექნოლოგების განვითარების ცენტრი ავრცელებს. აღნიშნულ საკითზე გადაწყვეტილება მინიჭებული სახელებისა და ნომრების ინტერნეტ-კორპორაციამ მიიღო და საქართველოს ოფიციალურად მიენიჭა უფლება, რომ "გე" დაბოლოებით, საინტერნეტო მისამართები მხედრული ანბანით დაწეროს.

ინგა ხალვაში

სპეციალურად "რეზონანსისთვის" ბათუმიდან

გისაუბრიათ ნახატთან? გაჩერებულხართ რომელიმე ტილოს წინაშე, დაგიგდიათ მისთვის ყური? თუ მსგავსი რამ მომხდარა, თქვენ დიდი ქმნილების წინაშე მდგარხართ. წარმოიდგინეთ - ერთ საგამოფენო სივრცეში ათეულობით ქმნილების არსებობა. დაუჯერებელია? თურმე შესაძლებელი ყოფილა. ასეთი გამოფენა ბათუმში გაიმართა. მხატვარმა ვახტანგ (ბესო) ბესელიამ გრაფიკული სურათების სერია, სახელწოდებით, "გრაფიკული ფურცლები" წარმოადგინა.

2015 წელს იმპორტის ვარდნამ ექსპორტს 212 მილიონი დოლარით გადააჭარბა, თუმცა საგანგაშო მონაცემები დაფიქსირდა დეკემბერში, როდესაც იმპორტი 270 მილიონი დოლარით გაიზარდა და უარყოფითი სავაჭრო სალდო თითქმის გაორმაგდა. ეკონომისტები ხელისუფლებას მოუწოდებენ, რომ ამ მაჩვენებელს სერიოზული ყურადღება მიაქციონ.

ეროვნული ბანკის პრეზიდენტი პარლამენტს მისი ანგარიშის მოსმენას სთხოვს. ფინანსურ ბაზარზე არასტაბილური მდგომარეობისა და ლარის გაუფასურების ფონზე, წესით, პარლამენტი ეროვნული ბანკის მიმართ მეტ ყურადღებას უნდა იჩენდეს, მაგრამ როგორც სხვა დანარჩენი მიმართულებით, ხელისუფლება აქაც პასიურობას იჩენს.

ქვეყანაში შექმნილი ეკონომიკური მდგომარეობიდან გამომდინარე, მოსახლეობის, ძირითადად, ახალგაზრდების უმრავლესობა ცდილობს საკუთარი საქმე წამოიწყოს. ასეთი აქტივობა დიდ თანხას არ უკავშირდება. ფინანსური კრიზისის გამო მცირე ბიზნესის დაწყებას ბევრი ვერ რისკავს, თუმცა არიან ადამიანები, რომლებიც ეროვნული ვალუტის გაუფასურებას არ უშინდებიან და თავიანთ მინი-წარმოებას ანვითარებენ, თუნდაც სახლის პირობებში.

მოგების გადასახადის შესაძლო გაუქმებაზე მთავრობაში კიდევ ერთხელ ალაპარაკდნენ. საუბარია ესტონურ მოდელზე, რომელიც მოგების გადასახადის დაბეგვრას მხოლოდ მოგების განაწილების შემთხვევაში ითვალისწინებს. პრემიერი გიორგი კვირიკაშვილი აცხადებს, რომ კანონპროექტი პარლამენტს უახლოეს პერიოდში წარედგინება და მას მხარს უმრავლესობასთან ერთად, ოპოზიციაც დაუჭერს. ინიციატივა მოსწონს ოპოზიასაც, თუმცა ყველაფერი იმაზე იქნება დამოკიდებული, თუ რას ჩაწერს მთავრობა პროექტში.

ორგანიზმზე ზამთრის ყინვა და უამინდობა მძიმედ აისახება, რაც მეტეოდამოკიდებულებას იწვევს. ცუდ ამინდში ქრონიკულმა ავადმყოფებმა თავი ფიზიკურ დატვირთვას უნდა აარიდონ. უამინდობისას უმჯობესია, რომ სახლიდან გარეთ საერთოდ არ გავიდნენ.

მიშელ პლატინსა და ზეპ ბლატერს ფიფას ეთიკის კომისიამ რვა წლით აუკრძალა ფეხბურთში საქმიანობა. მანამადე უფრო საინტერესო სკანდალი აგორდა - ფიფას ახლად არჩეული პრეზიდენტი ბლატერი თანამდებობიდან გადადგა, რის შემდეგაც მიშელ პლატინი ფიფას პრეზიდენტის პოსტზე ყველაზე რეალური კანდიდატად მოიაზრებოდა. თუმცა, პლატინი ეთიკის კოდექსის დარღვევაში დამნაშავეებად ცნეს, მიზეზი კი ის იყო, რომ მიშელმა 2 მილიონამდე დოლარი 2011 წელს უკანონოდ მიიღო.

ასაკის, სქესისა და პროფესიის მიუხედავად მთელი საქართველო ზაზა ფაჩულიას მხარდასაჭერად გაერთიანდა - საქართველოს საკალათბურთო ნაკრების კაპიტანს ისტორიული შანსი აქვს, რომ ნბა-ს "ყველა ვარსკვლავის" მატჩზე მოხვდეს.