თვითმკვლელობის გახშირებულ ფაქტებთან დაკავშირებით შეშფოთებას გამოთქვამს სახალხო დამცველი უჩა ნანუაშვილი და როგორც თავის სპეციალურ განცხადებაში აღნიშნავს, სახელმწიფოს არ გააჩნია ბავშვთა თვითმკვლელობის პრევენციის ერთიანი პოლიტიკა. ამდენად, ვერ ხერხდება პრობლემის გამომწვევი მიზეზებისა და რისკ-ფაქტორების შესწავლა და აღნიშნული ფენომენის აღმოსაფხვრელი პრევენციული ზომების მიღება.

სკოლამდელი განათლების სექტორში, შესაძლოა, რეგულაცია დაწესდეს. ამის შესახებ კანონპროექტი პარლამენტში უკვე ინიცირებულია და განხილვას ელოდება. კანონპროექტის მიხედვით, ჯგუფში ბავშვთა და პედაგოგთა რაოდენობა, სასწავლო პროგრამები, ინკლუზიური განათლების შესაძლებლობა და სხვადასხვა საკითხები კანონით დარეგულირდება. აღნიშნული რეფორმა გაეროს ბავშვთა ფონდისა და ადამიანის უფლებათა დაცვის კომიტეტის მიერ მომზადდა.

ისტორიის საკუთრებად იქცა კიდევ ერთი წელი თავისი გამარჯვებებითა და გადაჭრილი, თუ უფრო მეტად - გადაუჭრელი პრობლემებით, ახალი მთავრობებით და ძველი გამოწვევებით. ახალ წელს კი თავის ეშხს მატებს საშემოდგომო არჩევნები; როგორი შეიძლება იყოს ახალი წელი, რას უნდა ველოდოთ კიდევ თორმეტ თვის განმავლობაში, ამ კითხვით "რეზონანსმა" ანალიტიკოს სოსო ცინცაძეს მიმართა.

"კულუარებში ამბობენ, ახლა მსჯელობა მიმდინარეობს "თავისუფალი დემოკრატების" შემატებაზე... მათი გადასაწყვეტია, რას იზამენ, მთავარია, მათ გამოხატონ სურვილი," - აცხადებს "რეზონანსთან" საუბრისას საპარლამენტო უმრავლესობის წევრი ომარ ნიშნიანიძე. არადა ორი დღის წინ ჩვენთან ინტერვიუში საგარეო საქმეთა ყოფილმა მინისტრმა და ალასანიას გუნდის ერთ-ერთმა მთავარმა წევრმა მაია ფანჯიკიძემ კატეგორიულად უარყო რომელიმე პოლიტიკურ ძალასთან წინასაარჩევნო გაერთიანება. იგივე განცხადება ახალი წლის მიჯნაზე "რეზონანსთან" ინტერვიუში ირაკლი ალასანიამაც გააკეთა.

საქართველო "გაზპრომისგან" 300-400 მლნ კბ/მ ბუნებრივ აირს წამოიღებს. გაფორმდება ერთწლიანი ხელშეკრულება, ხოლო სომხეთში ტრანზიტისთვის ქვეყანა გაზის ნაცვლად, თანხას მიიღებს. დარჩა კიდევ ერთი დეტალი, რაზედაც ენერგეტიკის სამინისტრო არ საუბრობს - "გაზპრომის" მიერ ტრანზიტისთვის გადახდილი თანხა. იქნება იგი 200 მლნ კბ/მ გაზის ღირებულების (10%) ადეკვატური, რომელსაც საქართველო ტრანზიტის საფასურად იღებს? სავარაუდოდ, არ იქნება. საერთაშორისო პრაქტიკა ტრანზიტისთვის 5%-ს ითვალისწინებს. "გაზპრომი" კი ახალი ხელშეკრულების გაფორმებას საერთაშორისო ნორმების გათვალისწინებით მოითხოვს.

თაკო მათეშვილი

თურქეთის უდიდეს ქალაქ სტამბულში მომხდარ აფეთქებას, ოფიციალური ვერსიით, 10 ადამიანი ემსხვერპლა, 15 კი დაშავდა. მართალია, ეს წლეულს თურქეთში მომხდარი პირველი ტერაქტია, თუმცა ბოლოდროინდელ სტატისტიკას თუ გადავხედავთ, სიტუაცია უმძიმესია. შარშან ქვეყანაში ექვსი ტერაქტი მოხდა, მათგან სამი სტამბულში.

ვერა, საბურთალო, აღმაშენებლის გამზირი, გლდანი, ისნისა და სამგორის მეტროს მიმდებარე ტერიტორია - "რეზონანსთან" რესპონდენტები იმ უბნებს ასახელებენ, სადაც გამწვანებული ზონების სიმცირეა. თბილისელები ამბობენ, რომ ჩაბეტონებულ უბნებში ცხოვრება განსაკუთრებით ზაფხულში ჭირს. საბურთალოს მცხოვრებთა დიდი ნაწილი რეკრეაციულ ადგილებში მიმდინარე მშენებლობის შეწყვეტას ითხოვს.

აზიურ ბირჟებზე თუ მეზობელ ქვეყნებში მიმდინარე ნეგატიური პროცესები, შესაძლოა, საქართველოს საინვესტიციო პოტენციალზე უარყოფითად აისახოს. გამორიცხული არ არის, ჩინეთიდან, რუსეთიდან, აზერბაიჯანიდან თუ თურქეთიდან პირდაპირი უცხოური ინვესტიციების მოცულობა მკვეთრად შემცირდეს. თუ გავითვალისწინებთ, რომ შარშან საქართველოს საინვესტიციო მონაგარში ამ ქვეყნების წილი 57%-ს შეადგენდა, ცხადია, რომ დანაკარგი საკმაოდ სერიოზული იქნება.

თუკი ლარის გაუფასურება ისევ გაგრძელდება, მცირე და საშუალო ბიზნესი, შეიძლება, საქმიანობის შეწყვეტის საფრთხის წინაშე აღმოჩნდეს. მეწარმეები შიშით შესცქერიან იანვარში დაწყებულ კურსის მერყეობას. ისინი ჯერ აპირებენ პირველ ეტაპზე შეამცირონ თავიანთი ბიზნესის მოცულობა. თუ ამან შედეგი ვერ გამოიღო, მაშინ მცირე მეწარმეები იძულებულნი იქნებიან მუშაოება შეაჩერონ.

შვეიცარიის ქალაქ ციურიხში "ოქროს ბურთის" დაჯილდოვების ცერემონიალი გაიმართა. წითელ ხალიჩაზე ერთიმეორის მიყოლებით გამოჩნდნენ საფეხბურთო ვარსკვლავები. ღონისძიების დაწყებამდე ჟურნალისტების წინაშე წარსდგნენ "ოქროს ბურთის" კანდიდატები - კრიშტიანუ რონალდუ, ნეიმარი და ლიონელ მესი.

სპორტსმენებისა და მსახიობების გარდა, "ქართულ ოცნებას" პოლიტოლოგები ზოგიერთი პარტიის გაშვებასაც ურჩევენ. ამ პარტიებში გოგი თოფაძის "მრეწველებსა" და გუბაზ სანიკიძის "ეროვნულ ფორუმს" გულისხმობენ და ამბობენ, რომ კოალიციაში მათი ყოფნით მმართველ გუნდს არათუ არაფერი ემატება, არამედ აკლდება კიდეც, რადგან ამ პარტიების წარმომადგენლების სკანდალური განცხადებები მთელი კოალიციის რეიტინგზე უარყოფითად მოქმედებს.

საქართველოს ენერგეტიკის სამინისტრო "გაზპრომთან" ერთწლიანი ხელშეკრულების გაფორმებაზე მუშაობს. ამასთანავე, "გაზპრომს" სურვილი აქვს, რომ სომხეთში გაზის ტრანზიტის საფასურად საქართველოს ფული გადაუხადოს. ამ დროს ჩვენ ქვეყანას ბუნებრივი აირი უფრო მეტად სჭირდება. რუსულ გაზთან დაკავშირებული რებუსები ნელ-ნელა იხსნება და პოლიტიკური შანტაჟის სურათი კიდევ უფრო მეტად იკვეთება.