ლაგოდეხის ტყეში დაკარგულ სამ მონადირეს უკვე რუსეთის ტერიტორიაზე, დაღესტანში ეძებენ. მანამდე მედიაში გავრცელდა ინფორმაცია, რომ 28 დეკემბერს დაკარგული მონადირეები რუსმა მესაზღვრეებმა დააკავეს და ისინი დაღესტნის ტერიტორიაზე იმყოფებიან, რაც არ დადასტურდა.

საავტომობილო გზებზე არსებული მდგომარეობის შესახებ ინფორმაცია ყოველდღე იცვლება, რისი მიზეზიც მაღალმთიან რეგიონებში არსებული უამინდობაა. გუშინდელი საღამოს მონაცემებით, მცხეთა-სტეფანწმინდა-ლარსის საავტომობილო გზის მლეთა-კობის მონაკვეთზე ქარბუქისა და ზვავსაშიშროების გამო, ყველა სახის ავტოტრანსპორტის მოძრაობა აიკრძალა. ზვავი ჩამოწვა მლეთა-გუდაურის გზაზე. ჩამოწოლილი ზვავის შედეგად არავინ დაშავებულა. გზებზე არსებული ვითარების გასარკვევად "რეზონანსი" საქართველოს რეგიონული განვითარებისა და ინფრასტრუქტურის სამინსიტროს დაუკავშირდა.

აზერბაიჯანში სავალუტო კრიზისია. ბანკები უცხოურ ვალუტას მხოლოდ იმ პირებს აძლევენ, რომელთაც მოთხოვნად ვალუტაში დეპოზიტი აქვთ განთავსებული. ასევე რთული მდგომარეობაა ყაზახეთში. შესაბამისად, არსებობს საშიშროება, რომ საქართველოდან დოლარის გადინება დაიწყოს, რაც რთულ მდგომარეობაში ჩააყენებს ლარსაც. სპეციალისტების განცხადებით, მთავრობამ და ეროვნულმა ბანკმა ერთად უნდა იმუშაონ, რათა ქართულ ვალუტას მოსალოდნელი საფრთხე თავიდან ააცილონ.

აზერბაიჯანული და ირანული მედია საქართველოსა და ირანს შორის მოლაპარაკების გარკვეულ დეტალებზე საუბრობს. ენერგეტიკის სამინისტროში კი ირწმუნებიან, რომ ჯერ გარკვეული არაფერია. ექსპერტების განცხადებით, რომ ახლო პერსპექტივაში ირანიდან გაზის იმპორტის შესაძლებლობა არ არის და აღნიშნულ მოლაპარაკებას სხვა სხვა სარჩული აქვს. არადა, გავრცელებული ინფორმაციით, წელიწადში შეიძლება 3-5 მილიარდი კუბური მეტრი ირანული გაზი 220 დოლარად მივიღოთ.

ახალი წლიდან ზოგიერთი სახეობის სიგარეტის მკვეთრად გაძვირებამ მომხმარებლების გაღიზიანება გამოიწვია. არანაკლებ რთულ მდგომარეობაში არიან თამბაქოს რეალიზატორები. სიგარეტის ფასის ნახტომისებური მატება სწორედ მათ ბრალდებათ, რასაც ისინი კატეგორიულად უარყოფენ. ცალკე საკითხია ისიც, რომ იანვრიდან თამბაქოს ნაწარმზე აქციზის განაკვეთმა მოიმატა. საბოლოო ჯამში, ბაზარმა დიდ წნეხს ვერ გაუძლო.

სახელმწიფო ტენდერებში მონაწილე კომპანიების მიერ შესრულებული სამუშაოების საკითხი კვლავ კრიტიკის საგანია. მიუხედავად კანონმდებლობაში შეტანილი ცვლილებებისა, დღემდე კომპანიები ნაკისრ ვალდებულებას დროულად ვერ ასრულებენ. ამაში დამნაშავე მხოლოდ შემსრულებელი არ არის და ხშირად პრობლემის მიზეზი შემსყიდველი ორგანიზაციის მიერ შედგენილი სატენდერო სქემა ხდება.

ნიუკასლის უნივერსიტეტის მეცნიერები გვირჩევენ, რომ სპირტიანი სასმელების დალევის შემდეგ, ნაბახუსევზე ნახშირწყლებით მდიდარი საკვებისგან, მაგალითად, პურ-ფუნთუშეულის მიღებისგან თავი შეიკავოთ. მეცნიერთა აზრით, ცილების აღსადგენად არაქისის კარაქი კარგი საშუალებაა.

მადრიდის "რეალის" ახალი მთავარი მწვრთნელი ზინედინ ზიდანი მწვრთნელის რანგში ჟურნალისტების წინაშე პირველად წარდგა. როგორც ფრანგმა სპეციალისტმა პრესკონფერენციაზე განაცხადა, სურს, რომ ის შანსი გამოიყენოს, რომელიც "სამეფო კლუბმა" მისცა.

ირაკლი ღარიბაშვილის საიდუმლოებით მოცული გადადგომის შემდეგ აქტუალურია კითხვა თუ რა მისიით წავიდა ხელისუფლებიდან ყოფილი პრემიერი, რა დავალება მიიღო ბიძინა ივანიშვილისგან და მიიღო თუ არა იგი საერთოდ.

"მინდა მკაფიოდ განვაცხადო, რომ თუკი ჩემი დიპლომატიურ სამსახურში დაბრუნება გადაწყდება, ეს არა რომელიმე პარტიისა თუ პოლიტიკური ჯგუფის, არამედ ჩემი პირადი არჩევანი იქნება", - აცხადებს "რეზონანსთან" საუბრისას ლევან მიქელაძის სახელობის ფონდის აღმასრულებელი დირექტორი და საგარეო საქმეთა მინისტრის ყოფილი მოადგილე დავით ზალკანიანი, რომელიც უახლოეს დღეებში კვლავ ამ თანამდებობას დაიკავებს.

საქართველოში განქორწინების რაოდენობა იზრდება, განსაკუთრებით კი ეს მაჩვენებელი დედაქალაქშია საგანგაშო. 2015 წლის პირველი 6 თვის მონაცემების მიხედვით თბილისში ქორწინების 50 პროცენტი განქორწინებით დასრულდა. სპეციალისტების ინფორმაციით, ქორწინება-განქორწინებას შორის ზღვარმა ბოლო წლებში დასაშვებ ნორმას საგრძნობლად გადააჭარბა.

ნინი ქეთელაური

საქართველოს კათალიკოს-პატრიარქის ილია ||-ის 2016 წლის საშობაო ეპისტოლე ყოველდღიური ცხოვრების ზოგიერთ ასპექტს შეეხება და ძირითადი აქცენტი ადამიანთა ურთიერთობებსა და სიყვარულზე კეთდება.