საზოგადოების 50-ზე მეტი წარმომადგენელი პრეზიდენტისგან თბილისის ყოფილი მერის, გიგი უგულავას გათავისუფლებას ითხოვდა, რაზეც მარგველაშვილმა უარი თქვა. მისი განცხადებით, შეწყალების მექანიზმი არ ანაცვლებს არც სამართალწარმოებას, არც გამოძიებას და არ ემსახურება პოლიტიკურ მიზანშეწონილობას, და არც ერთ მსჯავრდებულს პრივილეგიურ მდგომარეობაში არ აყენებს.

საპოლიციო გამოსახლების გაუქმება საბანკო სექტორის მომსახურებას გააძვირებს. სამაგიეროდ, იგი ქვეყანაში კერძო საკუთრების უფლების დაცვას აამაღლებს. საბანკო სექტორში უკვე ალაპარაკდნენ, რომ საპროცენტო განაკვეთები მოიმატებს. სპეციალისტებს მიაჩნიათ, რომ პრეზიდენტმა გადაწყვეტილება სოციალური ფაქტორის გათვალისწინებით მიიღო, რითაც ბიზნესს დარტყმა მიაყენა.

თბილისელების უმეტესობა ძვირადღირებული პროდუქტის შეძენას ვერ ახერხებს. წელს გოჭი, დედალი, ინდაური და ნიგოზი მათთვის ფუფუნება იქნება. "რეზონანსი", მყიდველებთან ერთად, მოვაჭრეებსაც ესაუბრა. როგორც მათ აღნიშნეს, შარშანდელთან შედარებით, წელს მოთხოვნა საგრძნობლად შემცირებულია. ამის მიზეზი ეკონომიკური კრიზისია.

რამდენიმე დღეში დაგროვებითი საპენსიო რეფორმის კონცეფცია მთავრობას გადაეგზავნება. თუკი მთავრობა ამ კონცეფციას მოიწონებს, შემდეგ მომზადდება საკანონმდებლო ცვლილებები, რომელიც პარლამენტმა უნდა დაამტკიცოს. ჯერჯერობით უცნობია, რამდენ კანონში გახდება ცალილებები საჭირო.

"საყოველთაო აღშფოთება, რომელიც სააპელაციო სასამართლოში ლევან მურუსიძის უვადოდ არჩევამ გამოიწვია, ეფუძნება იმას, რაც ხელისუფლებამ გაამჟღავნა - აპირებს საპარლამენტო არჩევნების გაყალბებას. სასამართლოში გასაჩივრების შემთხვევაში კი იქ ეყოლება მურუსიძე, რომელიც გაყალბებას არ ცნობს და დააკანონებს არჩევნების შედეგებს," - ამბობს "რეზონანთან" საუბრისას ა/ო "ადამიანის უფლებათა პრიორიტეტის" ხელმძღვანელი ლია მუხაშავრია.

მერიამ ბაგა-ბაღებში საჩუქრების მიტანა დააგვიანა, ამის მიზეზად თბილისის საბავშვო ბაგა-ბაღების მართვის სააგენტოს შესყიდვების სამსახურმა გადატვირთული მოძრაობა დაასახელა. მათივე თქმით, ამის გამო კომპანიას სანქციები დაეკისრება. როგორც საკრებულოს დეპუტატმა, "ნაციონალური მოძრაობის" წევრმა სევდია უგრეხელიძე "რეზონანსთან" საუბრისას აღნიშნა, სანქციები გამოსავალი არ არის და ამით არაფერი შეიცვლება.

მიმდინარე საფეხბურთო წელი უიღბლო აღმოჩნდა მიუნხენის "ბაიერნის" ფორვარდ ფრანკ რიბერისთვის - მარტიდან მოყოლებული დღევანდლამდე მას მოუწია ეცხოვრა ფეხბურთის გარეშე. მარტში ის-ის იყო მოირჩინა ტრავმა და თითქოს წარმატებით დაუბრუნდა მინდორს "გლადბახთან" თამაშისას, რომ ზაგრების "დინამოსთან" ჩემპიონთა ლიგაზე დაპირისპირებისას ისევ დაშავდა. ეს ტრავმა უფრო სერიოზული და ხანგრძლივი აღმოჩნდა.

"მომავალი პრემიერის მესიჯები მხოლოდ და მხოლოდ წინასაარჩევნო კამპანიის ნაწილია, რადგან ახალ გუნდს გაცილებით რთული პროცესი ელოდება, ვიდრე 2012 წლის არჩევნები იყო.

ფრაქცია "თავისუფალი დემოკრატების" თავმჯდომარის ირაკლი ჩიქოვანის განცხადებით, პარტია ახალი მთავრობის მხარდაჭერას არ აპირებს, რადგანაც ქვეყანაში პრობლემების მოსაგვარებლად სრულიად ახლებური მიდგომა და შემადგენლობაა საჭირო.

ნამახვანის ჰესების კასკადის ახალი პროექტით კასკადის მიმდებარე ტერიტორიის ნაწილი აღარ დაიტბორება, ხოლო ელექტროსადგურების ჯამური სიმძლავრე 17 მეგავატით შემცირდება. გარემოს დამცველები და ენერგეტიკოსების ნაწილი "ხუდონის" პროექტის შეცვლასაც ითხოვენ, თუმცა ენერგეტიკის სამინისტროში პროექტის გადაკეთებას კატეგორიულად გამორიცხავენ.

კოსმეტიკური კომპანიების ნაწილი გაყიდვის წასახალისებლად აგრესიულ მარკეტინგულ კამპანიას მიმართავს. ბოლო რამდენიმე წელია ისინი ძვირადღირებულ კოსმეტიკურ მომსახურებას მომხმარებელს ტელეფონის საშუალებით ჯერ "უფასოდ" სთავაზობენ, შემდეგ კი კომპანიაში მისულს 2000-4000 ლარიანი კოსმეტიკური საშუალებების ყიდვას "აიძულებენ". რაც არანაკლებ საგანგაშოა, სპეცილურად შემუშავებული სქემის განხორციელებაში მონაწილეობენ ბანკებიც, რომლებიც კომპანიის წარმომადგენელთა მიერ "შეკერილ" მოქალაქეებს უპრობლემოდ უმტკიცებენ განვადებას.

ერთი წლის განმავლობაში ეროვნული ვალუტა 36%-ით გაუფასურდა, ინფლაციამ მიზნობრივ 5%-იან მაჩვენებელს გადააჭარბა და დღეს 6,3%-ს შეადგენს. ამ დროს კი საარსებო მინიმუმი მხოლოდ 3,8%-ით გაიზარდა. სტატისტიკის ეროვნული სამსახურის მონაცემებით, ერთ შრომისუნარიან ადამიანს არსებობისთვის თვეში 165,7 ლარი სჭირდება, ოჯახს კი სულ რაღაც 277,9 ლარი.