საქართველოს კიდევ ერთი რთული წელი ელის. თუ გავითვალისწინებთ, რომ 2015 წელს ქვეყნის ეკონომიკაში თითქმის არც ერთი სისტემური პრობლემა არ გადაჭრილა, სავარაუდოდ, ის მომავალ წელსაც გამოწვევად დარჩება ქვეყნისთვის. ასეთია ინფლაცია, ლარის კურსი, ეკონომიკური ზრდა და სხვა, რომლის მოგვარების პერსპექტივა ნაკლებად ჩანს, მით უმეტეს, წინ არჩევნებია და პოლიტიკურთან ერთად, ეკონომიკური რისკებიც გაიზრდება.

ერთწლიანი გაუფასურების შემდეგ ეროვნული ვალუტა ბოლო რამდენიმე კვირაა სტაბილურობას ინარჩუნებს. გუშინ ლარი მცირედით გამყარდა კიდეც და ერთი დოლარი 2,3949 ნიშნულზე დაბალანსდა. სპეციალისტების თქმით, იმ შემთხვევაში, თუ სებ-ი მის ხელთ არსებულ ყველა ბერკეტს გამოიყენებს და სავალუტო ინტერვენციებსაც განახორციელებს, ეროვნული ვალუტა აღარ გაუფასურდება. თუმცა რა ნიშნულზე დაბალანსდება ლარი მომავალი 2-3 თვის განმავლობაში, ამის ზუსტი პროგნოზირება საბანკო სფეროს სპეციალისტებს უჭირთ.

ავიაკომპანია "ბელავიას", წინა წელთან შედარებით, მგზავრთა ნაკადი წელს 40%-ით შეუმცირდა. საქართველოში "ბელავიას" წარმომადგენლობის დირექტორი ვახტანგ მეზურნიშვილი ამ ფაქტს ეკონომიკური კრიზისით და კონკურენციით ხსნის. ავიაკომპანია 2016 წელს გაუქმებული რეისების განახლებას გეგმავს.

როგორი იქნება წითელი მაიმუნის წელი და რა უნდა გაითვალისწინოს 12 ნიშნის ქვეშ დაბადებულმა თითოეულმა ადამიანმა - ამის შესახებ "რეზონანსთან" ინტერვიუში ასტროლოგი გიორგი რამიშვილი საუბრობს.

ახალი წლის დადგომასთან ერთად, მეკვლეებს თითქმის ყველა ოჯახში განსაკუთრებული მოლოდინით ხვდებიან, რადგან ქართული ტრადიციის მიხედვით, მიიჩნევა, რომ მომდევნო წლის ავკარგიანობა სწორედ პირველ სტუმარზეა დამოკიდებული. "რეზონანსი" ტრადიციული წინასაახალწლო გამოკითხვით შეეცადა გაერკვია, თუ რომელ პოლიტიკურ ფიგურას მიიჩნევენ თბილისელები ყველაზე ფეხბედნიერად 2016 წლის ახალ წელს და ვის ისურვებდნენ მეკვლედ საკუთარ ოჯახებში.

ვაკის პარკში "პარტიზანული მებაღეობის" ორგანიზებით საპროტესტო აქცია გაიმართა. პარტიზანები ამბობენ, რომ ამ პროტესტით უნდათ მერიას თავი შეახსენონ და გაახსენონ მის მიერვე გაცემული დაპირებები, თუმცა ეს უკანასკნელი მათ მოთხოვნებს უპასუხოდ ტოვებს. "პარტიზანების" თქმით, ისინი მერიას კონკრეტული გადაწყვეტილების მისაღებად ვადას 30 იანვრამდე აძლევენ, წინააღმდეგ შემთხვევაში, საპროტესტო აქციების გამართვას აპირებენ.

"ბარსელონას" ფეხბურთელი, 28 წლის ჟერარ პიკე მსოფლიო ფეხბურთის ისტორიაში ყველაზე გამორჩეული მცველია - 27 ტიტული აქამდე არცერთ მცველს არა აქვს მოგებული. პიკე 34 წლამდე აპირებს პრიმერა-დივიზიონში თამაშს, მერე კი ამერიკულ ფეხბურთსაც დააჭაშნიკებს, სადაც ევროპული ფეხბურთისათვის დევიდ ბექჰემმა გაჭრა ფანჯარა.

პოლიტოლოგი სოსო ცისკარიშვილი დარწმუნებულია, რომ ირაკლი ღარიბაშვილს თავის შემაჯამებელ მოხსენებაში ბიძინა ივანიშვილი უფრო მეტჯერ რომ ეხსენებინა, მადლობა ადრინდელივით გადაეხადა და უვიზო რეჟიმის შემოღებასთან დაკავშირებულ პუტინის ინიციატივაზეც გაემახვილებინა ყურადღება, დღეს ისევ პრემიერი იქნებოდა.

პარლამენტის რიგგარეშე გამართულ პლენარულ სხდომაზე გუშინ პრემიერ-მინისტრობის კანდიდატი ოპოზიციის შეკითხვებს მთელი დღის განმავლობაში პასუხობდა. დეპუტატების საპასუხოდ გიორგი კვირიკაშვილმა რამდენიმე მნიშვნელოვანი გზავნილი გაახმოვანა, რომელიც პრემიერობის შემთხვევაში მის მიერ შერჩეულ მართვის პოლიტიკასა და სამომავლო გეგმებს ეხებოდა.

"ახალი მემარჯვენეების" წევრი მამუკა კაციტაძე აცხადებს, რომ მართალია, მურუსიძე სს სამართლის განხრის სპეციალისტია და სააპელაციო სასამართლოში ადმინისტრაციულ დავებს არ განიხილავს, მაგრამ არჩევნების პერიოდში ხელისუფლება მას გამოიყენებს იმისთვის, რომ სხვა მოსამართლეებზე ზეგავლენა მოახდინოს.

უვადო მოსამართლედ ლევან მურუსიძის არჩევის წინააღმდეგ გამართულ აქციაზე, რომელშიც არასამთავრობო ორგანიზაციები და პოლიტიკური ოპოზიციის წარმომადგენლები მონაწილეობდნენ, პოლიციამ ირაკლი კაკაბაძე და ბეჟან გუნავა დააკავა. ინციდენტთან დაკავშირებით აქციის ერთ-ერთმა ორგანიზატორმა, "დემოკრატიული ინსტიტუტის" დამფუძნებელმა ლაშა ჩხარტიშვილმა მოითხოვა, რომ დაკავებულები გაეთავისუფლებათ ან ისიც დაეკავებინათ. გარდა ამისა, ჩხარტიშვილმა "რეზონანსისთვის" მიცემულ ინტერვიუში განაცხადა, რომ იუსტიციის უმაღლეს საბჭოს დაშლისა და მურუსიძის წინააღმდეგ 10 იანვრიდან საპროტესტი აქციების ფართომასშტაბიანი კამპანია დაიწყება.

როგორი იყო 2015 წელი საქართველოს შიდა პოლიტიკაში და რა მიღწევებით ხვდება მთავრობა მომავალ წელს, ამ საკითხებზე "რეზონანსი" ექსპერტს და ანალიტიკოსს, დემურ გიორხელიძეს ესაუბრა.