„ვფიქრობ რომ ეს გარკვეული პოლიტიკური თამაში იყო, მაგრამ ასეა თუ ისე საქართველოს ხელისუფლების მხრიდან გარკვეული დემარში ცოტა ზედმეტიც კი გამოვიდა იმიტომ, რომ ზელენსკის ფრაქციაც კი მთლიანად სააკაშვილს მხარს არ უჭერს, ამიტომ სჯობდა ცოტა პაუზის აღება, კულუალური მუშაობა," -ასე აფასებს „რეზონანსთან" ექსპერტი კავკასიის საკითხებში მამუკა არეშიძე მიხეილ სააკაშვილის მიერ უკრაინაში ვიცე-პრემიერის თანამდებობის შესაძლო დაკავებას და ამაზე საქართველოს ხელისუფლების მხრიდან გაკეთებულ განცხადებებს.

ახალი კორონავირუსით გამოჯანმრთელებულთა რაოდენობა 9-ით გაიზარდა. როგორც პირველი საუნივერსიტეტო კლინიკის დირექტორმა, ლევან რატიანმა ჟურნალისტებთან საუბრისას თქვა, ამ ეტაპზე კლინიკაში სულ 106 პაციენტი მკურნალობს, კოვიდ-ინფექცია კი 81 მათგანს აქვს. ამასთან, დღეს კლინიკიდან 9 გამოჯანმრთელებული პაციენტი ეწერება.

კორონავირუსის პანდემიის დროს, საქართველოდან და ზოგადად რეგიონიდან, იმაზე მეტი კაპიტალის გადინება ხდება, ვიდრე ეს 2008 წლის ომის დროს იყო. საერთაშორისო სავალუტო ფონდის შეფასებით, გლობალურად განვითარებადი ქვეყნებიდან კაპიტალის გადინება 90 მილიარდ დოლარს შეადგენს. ,,რეზონანსთან“ საუბრისას სპეციალისტები ამბობენ, რომ ეს განსაკუთრებით უცნაურია იმ ფონზე, როცა ყველა ქვეყნის ეკონომიკა, ფაქტობრივად, ერთნაირად რეცესიაშია და თანხის დაბანდებისათვის ხელსაყრელი გარემო არსადაა.

იმ მოქალაქეთა წრე, რომლებსაც ტესტირება ჩაუტარდებათ, ფართოვდება. ჯანდაცვის მინისტრ ეკატერინე ტიკარაძის განცხადებით, კორონავირუსზე შემოწმება და ტესტირება მოხუცთა თავშესაფრებსა და იმ პანსიონატებშიც ჩატარდება, რომელთა ბენეფიციარები შეზღუდული შესაძლებლობების მქონე პირები არიან. 

საქართველოში სოციალური უთანასწორობა კიდევ უფრო გაიზრდება. ჩვენს ქვეყანაში სიღარიბის დონე საკმაოდ მაღალია და ეკონომიკურად მძიმე ვითარება, რომელიც ახლა ქვეყანაშია, მდიდრებსა და ღარიბებს შორის სხვაობას კიდევ მეტად გაზრდის. ეკონომისტების გათვლებით, უთანასწორობის მაჩვენებლით, ევროპის ქვეყნებს 2-ჯერ და მეტადაც კი ვუსწრებთ.

შვედეთში კოვიდ-19 ინფექციით გარდაცვლილთა რაოდენობის ზრდასთან ერთად იზრდება დაღუპულთა პროცენტული წილიც. გარდა იმისა, რომ ამ მაჩვენებლით დიდი სხვაობით უსწრებს გერმანიას, ამერიკის შეერთებულ შტატებსა და ირანს, ის მნიშვნელოვნად წინაა თავის მეზობელ ქვეყნებზე. კერძოდ, მილიონ მოსახლეზე კოვიდ 19-ით გარდაცვლილთა რაოდენობით ის მეზობელ ნორვეგიას 6-ჯერ აღემატება, დანიას - 3-ჯერ, ფინეთს კი, არც მეტი, არც ნაკლები - 9-ჯერ.

თბილისსა და სხვა დიდ ქალაქებში ადგილობრივი სურსათი ძალიან ძვირია, ამ დროს კი რეგიონებში გლეხები საკუთარ ნაშრომს მინიმალურ ფასადაც ვერ ყიდიან. ეს არის ქალაქების ჩაკეტვის შედეგი, რომელიც მთავრობამ, შეზღუდვების შემსუბუქების მიუხედავად, არ გააუქმა და დიდი პრობლემა შეუქმნა როგორც მწარმოებელ და სასოფლო-სამეურნეო პროდუქციის მომყვან ხალხს, ასევე - მომხმარებლებსაც.

"სააკაშვილის შანსების შეფასება მიჭირს, მაგრამ დანიშვნის შემთხვევაშიც, თუ ის ოფიციალურად ჩამოვა საქართველოში, მას დააპატიმრებენ საქართველოს კანონმდებლობის შესაბამისად, რადგან სხვა ქვეყნის მოქალაქეობა და დაკავებული თანამდებობა იმუნიტეს არ ქმნის. სხვა საქმეა, დაკავების შემდეგ, ის შეიძლება გადასცენ უკრაინის ხელისუფლებას" - ასე ეხმაურება ექსპერტი პეტრე მამრაძე სააკაშვილის შესაძლო დანიშვნას უკრაინის ვიცე-პრემიერად.

სისხლიანი გარჩევა სასულიერო პირებს შორის და დაკავებული მღვდელი, რომელსაც იარაღის შეძენა-შენახვის მუხლი დაუმძიმდა და მას გამოძიება ახლა განზრახ  მკვლელობის მცდელობას ედავება. გამოძიების ინფორმაციით, მამა დავითმა ცეცხლსასროლი იარაღიდან მამა საბას მკვლელობა სცადა. თავადპირველად მედიასთან მამა საბამ აღნიშნული ინფორმაცია არც დაადასტურა, არც უარყო  და თქვა, რომ ის, როგორც სასულიერო პირი, ამბის საიდუმლოდ შენახვის უფლებას იტოვებს, თუმცა იქვე დაამატა, რომ ის დაჭრილი არ არის. 

სპეციალურმა საგამოძიებო ჯგუფმა, რომელიც 2014 წელს დონბასში მალაიზიის კუთვნილი ბოინგ MH17-ის ჩამოგდების საქმეს იძიებს, დანაშაულის მთავრი ფიგურანტი დაასახელა, რომელიც რუსეთის ფედერალური უშიშროების სამსახურის, ე.წ. ფეესბეს, მოქმედი გენერალია. ამის შესახებ ბიბისის რუსული ბიურო იუწყება.

„თითოეულ პაციენტთან მკურნალობის საკითხი წყდება ინდივიდუალური მიდგომით, რადგან კოვიდი მრავალსახოვანი დაავადება, ახალია, ძალიან ბევრი ისეთი თვისება და გართულება აღმოაჩნდა, რომელიც აქამდე არ იყო ცნობილი, როგორც ჩვენთვის ასევე მსოფლიოში საერთოდ ექიმებისთვის," - ამის შესახებ თბილისის ინფექციური საავადმყოფოს დირექტორმა თენგიზ ცერცვაძემ დღეს გამართულ ბრიფინგზე განაცხადა.

ქართულ ხელნაწერებს 16 საუკუნოვანი ისტორია აქვს. ისინი გადაწერილია როგორც საქართველოს, ის მის ფარგლებს გარეთ არსებულ ეკლესია-მონასტრებში. ხელნაწერების უდიდესი ნაწილი პალესტინაში და ბიზანტიის ქართულ მონასტრებში, ასევე სირიაში შავი მთის მონასტერში მოღვაწე ბერების მიერ არის შესრულებული და დღეს როგორც საქართველოს, ასევე უცხოეთის ცნობილ საცავებში ინახება. მარტო საფრანგეთის ნაციონალურ ბიბლიოთეკაში 32 ქართული ხელნაწერია დაცული.