კორონავირუსთან დაკავშირებული საგანგებო მდგომარეობისა და კომენდანტის საათის მიუხედავად, აღდგომის ლიტურგიას მრევლი დაესწრება - შეთანხმება 15 აპრილს საქართველოს მთავრობასა და საპატრიარქოს შორის შედგა, რამაც საზოგადოების დიდი ნაწილის უკმაყოფილება გამოიწვია, რადგან მიიჩნევენ, რომ კრიზისულ პერიოდში ადამიანების მასობრივი შეკრება ინფექციის გავრცელების დიდი რისკია.

საქართველოში სავაჭრო ქსელების 40%-მა მარტის თვის ხელფასები დასაქმებულებზე ვერ გასცა. ქვეყანაში კორონავირუსის პირველი შემთხვევა თებერვლის ბოლოს დაფიქსირდა და უკვე მარტში სავაჭრო სექტორზე უარყოფითად აისახა. საგანგებო მდგომარეობის გამოცხადებამდე, რამდენიმე დღით ადრე კი ვაჭრობიდან მიღებული შემოსავალი 80%-ით დაეცა. ქვეყანაში არსებული რთული ვითარების გამო, დასაქმებულებს ხელფასი უმცირდებათ ანდა საერთოდ ვერ იღებენ.

მთავრობასა და საპატრიარქოს შორის შეთანხმება შედგა. ერთობლივი მოლაპარაკების შედეგად გადაწყდა, რომ სააღდგომოდ ეკლესიები არ დაიხურება, თუმცა მსახურება განსაზღვრული რეკომენდაციების დაცვით ჩატარდება. როგორც მთავრობის ადმინისტრაციაში გამართულ ბრიფინგზე პრემიერის პრესსპიკერმა ირაკლი ჩიქოვანმა განაცხადა, ეკლესიები არ დაიხურება, თუმცა სავალდებულოა დაცული იქნეს დისტანცია და უსაფრთხოების ყველა ზომა. ამასთან პატარა ეკლესიაში იქნებიან მხოლოდ სასულიერო პირები, მრევლი დადგება გარეთ, უსაფრთხოების წესებს კი პოლიცია დაიცავს.

თურქეთში თხილის მწარმოებლები დიდი დილემის წინაშე დგანან - ფაროსანა თურქეთის შავი ზღვისპირეთის 8 რეგიონში უკვე გავრცელდა. შედეგად, თხილის უმსხვილესი მწარმოებელი მოსავლის, მინიმუმ, 30-40%-ით შემცირებას ელოდება. ამ პირობებში  ქართული თხილის საექსპორტო პოტენციალი საგრძნობლად გაიზრდება. ქართველი სპეციალისტები ამბობენ, რომ წელს თხილის ჩაბარების ფასი 30%-ით მოიმატებს.

ამერიკელი 44 წლის ჯენიფერ ჰალერი პირველი მოხალისე პაციენტია, ვისზეც კორონავირუსის ვაქცინა დატესტეს. მას ვაშინგტონის შტატში ვაქცინაცია მარცხენა მხარზე გაუკეთეს, ამჟამად იგი იზოლაციაში იმყოფება ქალაქ სიეტლში. მან ბრიტანულ „ტლეგრაფთან" ინტერვიუში ვაქცინაციის შესახებ ისაუბრა და საზოგადოებას საკუთარი განცდები გაუზიარა.

ბოლო პერიოდში ეროვნული ვალუტის კურსთან დაკავშირებით დადებითი ტენდენცია შეინიშნება. რეკორდული გაუფასურების შემდეგ, უკვე რამდენიმე დღეა, ლარი პოზიციებს იბრუნებს. თუკი გამყარება ასეთი ტემპით გაგრძელდება, შესაძლოა, კურსი 3,0-ს ჩასცდეს. თანაც, როგორც ცნობილია, მაისში საერთაშორისო სავალუტო ფონდი საქართველოს 450 მლნ დოლარს გადმოურიცხავს, რაც, ბუნებრივია, ლარს გამყარებაში დაეხმარება.

„ამ სიტუაციიდან ყველაზე ეფექტურად ჩინეთი გამოვიდა, კორონავირუსთან ბრძოლას წარმატებით გაართვა თავი. ის როგორც ეკონომიკური, ასევე სამხედრო თვალსაზრისით საკმაოდ მაღალ საფეხურზეა. მსოფლიო წესრიგი პანდემიის შემდეგ, ალბათ, შეიცვლება და ტრიპოლარული-სამპოლუსიანი გახდება, ანუ გლობალური პოლიტიკური პროცესებისა და უსაფრთხოების სისტემის განმსაზღვრელი ამერიკა, ჩინეთი და რუსეთი გახდება", - ას აფასებს „რეზონანსთან"ექსპერტი უსაფრთხოების საკითხებში ვახტანგ მაისაია კორონავირუსული პანდემიის ფონზე გეოპოლიტიკურ სიტუაციას.

„ამ უბედურებამ, საბედნიეროდ გამოაჩინა „ნაციონალების" და მათი სატელიტი პარტიების უსახური სახე. გიჟად არიან, არ იციან საიდან მიუდგნენ და ცილი როგორ დასწამონ მთავრობას. არა მხოლოდ მთავრობას, თავს ესხმიან ექიმებს, ეკლესიას" - ასე ეხმაურება ისტორიკოსი გიორგი ოთხმეზური ახალი კორონავირუსის გამო შექმნილ ვითარებას.

ახალი კორონავირუსის გავრცელების პრევენციის მიზნით, სააღდგომოდ თბილისსა და სხვა დიდ ქალაქებში შეიძლება, სასაფლაოები დაიკეტოს. კონკრეტულად რომელ ქალაქებს შეეხება აღნიშნული, ჯერჯერობით უცნობია. „რეზონანსი" დაუკავშირდა მთავრობის ადმინისტრაციას, სადაც გვითხრეს, რომ ამის შესახებ ინფორმაცია ამ ეტაპზე არ აქვთ და როგორც კი ხელმისაწვდომი გახდება, საზოგადოებას გააცნობენ.

საგანგებო მდგომარეობის გაგრძელების შემდეგ, არ არის გამორიცხული, კიდევ სხვა აკრძალვები დაწესდეს და კარანტინის წესები უფრო გამკაცრდეს. ვრცელდება ინფორმაცია, რომ, არ არის გამორიცხული, თუკი ვირუსის გავრცელებამ იმატა და სიტუაცია უკონტროლო გახდა, ქვეყანა საერთოდ 24–საათიან სრულ კარანტინზე გადავიდეს.

ახალი კორონავირუსის პიკის გადავლის შემდეგ, რომელიც საქართველოში, სპეციალისტების თქმით, უკვე დაიწყო, ცხოვრება ჩვეულ რიტმს დიდი ხნის განმავლობაში ვერ დაუბრუნდება. მედიკოსთა ნაწილი მიიჩნევს, რომ მსოფლიო საზოგადოებას კოვიდ-19-თან ერთად მოუწევს თანაცხოვრება, როგორც ეს წითელასა და ღორის გრიპის შემთხვევაში მოხდა.

ბრწყინვალე შვიდეულის თითოეული დღე ქრისტიანებისთვის განსაკუთრებულად მნიშვნელოვანია და ყველა საეკლესიო წესს თავისი ელფერი აქვს. წითელი პარასკევი, იესოს ქრისტეს ჯვარცმის დღე ყველაზე მძიმე მარხვის დღეა და მორწმუნენი მთელი დღის განმავლობაში საზრდელს არ მიიღებენ ან მხოლოდ - პურსა და წყალს. დიდ პარასკევს სერობა მაცხოვრის ჯვარცმიდან გარდამოხსნას ეძღვნება. გარდამოხსნა ტაძრის შუაგულში სამი დღის განმავლობაში რჩება, რადგან მაცხოვარი სამი დღე იყო საფლავში.