საქართველოს სასტუმროების უმრავლესობაში არ არსებობს უსაფრთხოების ელემენტარული ნორმები და მათი ძირითადი ნაწილი ადვილად აალებადი მასალებით არის მოპირკეთებული - ამის შესახებ "რეზონანსთან" ჯანმრთელობისა და შრომის უსაფრთხოების ექსპერტები საუბრობენ, რომლებიც ამბობენ, რომ ქვეყანაში არ ფუნქციონირებს სამსახურები, რომელთაც სამშენებლო და სახანძრო უსაფრთხოება ევალებათ.

დამოუკიდებლობის 97-ე წლისთავიც სამხედრო აღლუმის გარეშე ჩაივლის, თუმცა, როგორც ორგანიზატორები ამბობენ, იქნება სახალხო დღესასწაული. თვითმმართველ 12 ქალაქში გაიმართება მთელი რიგი საზეიმო ღონისძიებები. თბილისში ყველა სამინისტრო წარმოდგენილი იქნება საკუთარი პროექტებით. საღამო გალაკონცერტით და ტრადიციული ფეიერვერკით დასრულდება.

სასოფლო-სამეურნეო მიწების უცხოელებზე მიყიდვის შესახებ კანონპროექტი ისევ ჰაერშია გამოკიდებული. პარლამენტში ჯერ პროექტის საბოლოო ვერსიაზეც კი ვერ შეჯერებულან. კანონის დამტკიცებამდე უცხოელები მიწას უპრობლემოდ იძენენ.

ეროვნული ბანკის პრეზიდენტი ლარის დევალვაციაზე კომენტარს ისევ არ აკეთებს და ამბობს, რომ დეტალებზე მომავალ კვირას პარლამენტში ანგარიშის წარდგენისას ისაუბრებს. მანამდე კი ქადაგიძის ქმედებებს კანონმდებლები ისევ აკრიტიკებენ. დეპუტატთა აზრით, ლარის დევალვაციის ერთ-ერთი მიზეზი სწორედ ეროვნული ბანკის დაგვიანებული რეაქცია გახდა.

ევროპის რეკონსტრუქციისა და განვითარების ბანკის ყოველწლიური ფორუმი დაიწყო. საქართველოს დედაქალაქი 4 ათასზე მეტ ადამიანს მასპინძლობს. აღნიშნული ფორუმის ფარგლებში, ევრობანკი 5-წლიან სამოქმედო სტრატეგიას დაამტკიცებს. საქართველოს კი ეძლევა საშუალება, წარმოაჩინოს საკუთარი შესაძლებლობა ეკონომიკის განვითარების კუთხით.

ქვეყანაში მომსახურება გაძვირდა. სხვადასხვა სფეროში ფასმა 5-10%-ით მოიმატა. კომპანიებში აცხადებენ, რომ რთული გადაწყვეტილება ლარის გაუფასურების გამო მიიღეს.

სახელმწიფო დუმაში არ გამორიცხავენ, რომ რუსეთმა განაახლოს კუბასთან სამხედრო-ტექნიკური თანამშრომლობა და ასევე დაიწყოს მუშაობა ლურდოსის რადიოლოკაციური ცენტრის აღდგენასთან დაკავშირებით, რომელიც მდებარეობს კუბის დედაქალაქ ჰავანასთან ახლოს.

დღეს ჩემპიონთა ლიგის ნახევარფინალის განმეორებითი მატჩი გაიმართება, სადაც ფინალის საგზურისთვის მადრიდის "რეალი" და ტურინის "იუვენტუსი" იბრძოლებენ. შეგახსენებთ, რომ ამ კლუბების პირველ შეხვედრაში "სამეფო კლუბი" სტუმრად 1:2 დამარცხდა.

ქართული ავეჯის ექსპორტს პრობლემა აქვს. ადგილობრივი ნაწარმი უმეტესწილად აზიის ქვეყნებში იყიდება, თუმცა ბოლო დროს მოთხოვნა შემცირდა, რის გამოც კომპანიებმა ექსპორტი შეამცირეს, ზოგმა საერთოდაც გაურკვეველი პერიოდით შეაჩერა.

ყაზახეთიდან, რომელიც საქართველოსთვის ერთ დროს მთავარი ინვესტორი ქვეყანაც კი იყო, ინვესტიციები მკვეთრად მცირდება. გახშირდა შემთხვევა, როდესაც ყაზახურ კომპანიებში სხვადასხვა სახის პრობლემა იქმნება. სპეციალისტები მიუთითებენ, რომ ხშირ შემთხვევაში ეს ყაზახური მენეჯმენტის ბრალია.

საქართველოში, შესაძლოა, ბუნებრივი აირის ტარიფი შემცირდეს, ელექტროენერგიის კი გაიზარდოს. დენის გაძვირების შემთხვევაში, როგორც ენერგეტიკის მინისტრი აცხადებს, მთავრობა სუბსიდირებას განახორციელებს. ამასთან, კალაძე ტარიფების გადახედვასთან დაკავშირებით კომპანიების განაცხადს ლარის გაუფასურებით ხსნის, თუმცა ამბობს, რომ "არანაირი პანიკის საფუძველი არ არსებობს".

ეროვნული ვალუტა გაუფასურებას განაგრძობს. შესაბამისად, საზოგადოება აღნიშნულთან დაკავშირებით უფრო მეტ განმარტებას ითხოვს. ეროვნულმა ბანკმა პასუხისმგებლობა მოიხსნა და ამბობს, რომ იგი მხოლოდ ფინანსურ სტაბილურობასა და ინფლაციაზეა პასუხისმგებელი. მიზნობრივი ინფლაცია კი 5%-ია, სტატისტიკის ეროვნული სამსახური კი 3%-ზე ნაკლებს აჩვენებს. იყო თუ არა სწორი, როდესაც საქართველო ინფლაციის "თარგეთირების" მოდელზე გადავიდა ან რამდენად სწორად განისაზღვრა 5%-იანი ინფლაციური ზღვარი?