ქვეყანაში ეპიდემიოლოგიური მდგომარეობა თანდათან მძიმდება, კვირის დასაწყისში თუ საშუალოდ ყოველლდღიურად ინფიცირების 40 ახალი შემთხვევა ფიქსირდებოდა, კვირის ბოლოს ეს მაჩვენებელი გაორმაგდა. საქართველო მწვანე ზონიდან უკვე ნარინჯისფერში გადავიდა, მოსახლეობა შეზღუდვებზე ალაპარაკდა, თუმცა ეპიდემიოლოგები ამბობენ, რომ საყოველთაო კარანტისნის გამოცხადების აუცილებლობა ამ ეტაპზე არ დგას. როგორც კორონავირუსთან ბრძოლის შტაბის წევრი და „ქართული ოცნების" მაჟორიტარი დეპუტატი ლადო კახაძე „რეზონანსთან" საუბრისას ამბობს, კარანტინი შესაძლებელია ლოკალურად გამოცხადდეს, იქ, სადაც ეპიდაფეთქებებია.

„ქართულ ოცნებას" უკვე ვერავინ ვერ წამოაძახებს, რომ მან პირველ ოცეულში საბჭოური წარსულით დამძიმებული ადამიანები შეიყვანა, როგორც ეს ადრე ხდებოდა ხოლმე, ასე შეაფასა „რეზონანსთან" ანალიტიკოსმა ზაალ ანჯაფარიძემ ხუთშაბათს „ქართული ოცნების" მიერ წარდგენილი პროპორციული სიის ოცეული.

„ქართულმა ოცნებამ"  საპარლამენტო არჩევნებისთვის პარტიული სიის პირველი ოცეული წარადგინა, სადაც უმრავლესობა ახალი სახეებისგან შედგება.  სიტყვით გამოსვლისას ირაკლი კობახიძემ ხაზი გაუსვა, რომ პარტია უკვე ასახელებს არა პრემიერობის კანდიდატს, არამედ „მომავალ პრემიერს“ - გიორგი  გახარიას. პარლამენტის თავმჯდომარე კი კვლავ არჩილ თალაკვაძე იქნება. 

სპეციალისტები ვირუსის გავრცელების მეორე ტალღას ქვეყანაში  ოქტომბერ-ნოემებრში ვარაუდობდნენ, თუმცა ფაქტია, რომ პანდეემის გავრცელება უკვე დაიწყო. როგორ ხვდება ქვეყანა კორონავირუსის გავრცელების  მეორე ტალღა და არის თუ არა ჯანდაცვის სისტემა ამისთვის მომზადებული?!- „რეზონანსთან“  სპეციალისტები ამბობენ, რომ  ქვეყანაში კორონავირუსიის გავრცელების ზრდა რომ იქნებოდა მოსალოდნელი იყო, რადგანაც ტურისტული სეზონის დაწყების თანავე ამის რიკსი არსებობდა. მათივე თქმით, სამწუახროა, რომ ჯანდაცვის სისტემა ამისტვის სატანადოდ მომზადებული კვლავ არ არის და ტესტირებების  ჩატარება მხოლოდ მაშინ ხდება, როდესაც უკვე პანდემიის აფეთქება იწყება. 

ბოლო ორი თვის განმავლობაში, საქართველოს ეკონომიკის კლება, ერთნიშნა მაჩვენებლამდე დავიდა, რაც ხელისუფლების შეფასებით, პოზიტიური ნიშანია და ეკონომიკა ჯანსაღდება. პარალელურად მთავრობა 2021 წელს ეკონომიკის 5%-იან ზრდას პროგნოზირებს, მიუხედავად იმისა, რომ პანდემიის მეორე ტალღა ძალებს იკრებს და მის კვალდაკვალ, კერძო ბიზნესის მიმართ რეგულაციებიც იზრდება. 

7 სექტემბერს გავრცელებული ინფორმაციის თანახმად, უცნობმა პირებმა ბელარუსის აქციების ლიდერი მარია კოლესნიკოვა მინსკის ცენტრიდან მინივენით გაიტაცეს. 8 სექტემბერს კი ბელარუსის სახელმწიფო ტელეარხმა გამოაცხადა, რომ მარია კოლესნიკოვა ბელარუსი-უკრაინის საზღვარზე 8 სექტემბერს, გამთენიისას დააკავეს მაშინ, როცა ავტომობილით ცდილობდა ქვეყნის დატოვებას. მათივე ინფორმაციიით, კიდევ ორი ოპოზიციონერი - ანტონ როდნეკობი და ივან კრავტსოვი - რომლებიც ასევე იმყოფებოდნენ ავტომობილში, უკვე უკრაინაში არიან.

ბრიტანელმა მეცნიერებმა კორონავირუსით დაავადებულ პაციენტებზე დაკვირვების შედეგად შეიმუშავეს ფორმულა, რომლითაც კორონავირუსული ინფექციისგან პაციენტის გადარჩენის შანსების გამოთვლაა შესაძლებელი - ამის შესახებ ცნობილი ბრიტანული გამოცემა „მირორი" იტყობინება. მეცნიერები მიიჩნევენ, რომ ამ ფორმულით ბევრი ადამიანის სიცოცხლეს გადაარჩენენ, რადგან მკურნალობის მეთოდი უფრო ინდივიდუალური იქნება.

ვალების მომსახურებისთვის ბიუჯეტიდან დიდძალი ფული გადის. იმ ფონზე, როცა ქვეყანა ეპიდემიასთან ბრძოლის წინა ხაზზეა, საგარეო ვალის დაფარვაზე 6 თვეში ნახევარ მილიარდ ლარზე მეტი დაიხარჯა და ეს მაჩვენებელი მომავალ წლებში კიდევ გაიზრდება. გარდა იმისა, რომ საგარეო ვალის ზრდა ბიუჯეტს ტვირთად აწვება, როგორც სპეციალისტები აღნიშნავენ, ამით საქართველოს საკრედიტო რეიტინგს ექმნება პრობლემა, რადგან შესაძლოა, მომდევნო პერიოდში ქვეყანას ვალები გაუძვირდეს და ინვესტორებისთვსიაც ნაკლებად მიმზიდველი გახდეს. ამ 2020 წლის 6 თვეში მთავრობამ საგარეო ვალის დაფარვაზე 623 მილიონ ლარამდე დახარჯა. 2020 წლის 30 ივნისის მდგომარეობით, მთავრობის საგარეო ვალის ნაშთი 18,010.1 მლნ ლარია. გარდა ამისა, 454,327.1 ათასი ლარი წარმოადგენს ძირითადი თანხის დაფარვას, ხოლო 168,490.0 ათასი ლარი - პროცენტის თანხას.

იმპორტირებული პროდუქცია, გაძვირებას იწყებს. მიზეზი, ბოლო დღეებში, კვლავ გაუფასურებულ ეროვნულ ვალუტასთან ერთად, რეგულაციებიცაა, რომელიც ინფექციის მეორე ტალღის პრევენციისათვის ხელისუფლებამ დააწესა. დისტრიბუტორთა ასოციაციაში ამბობენ, რომ თუ კურსი 3.10-ს გადასცდება, პროდუქციაზე ფასის მატება, გარდაუვალი იქნება. 

ტელეკომპანია „რუსთავი 2"-ის დაკვეთით დაკვეთით Survation-ის მიერ ჩატარებულ კვლევის მიხედვით, გამოკითხულთაგან უმრავლესობა, 55,7%, ამბობს, რომ ხვალ თუ არჩევნები იქნება, ხმას „ქართულ ოცნებას" მისცემს, რაც იმას ნიშნავს, რომ თუ არჩევნების შედეგები ამ კვლევას დაემთხვა, ხელისუფლებას "ოცნება" პრობლემების გარეშე შეინარჩუნებს. ამაზე ოპოზიციურ პარტიებში ამბობენ, რომ კვლევა არასანდოა.

კვლევის თანახმად, „ნაციონალურ მოძრაობას" კი 16,2%. მესამე ადგილზე გიორგი ვაშაძის „სტრატეგია აღმაშენებელია", რომელსაც გამოკითხულთა 6,0 % უჭერს მხარს, მას მოჰყვება „ევროპული საქართველო" 5,6%-ით, შემდეგ ლეიბორისტული პარტია 4,5 %ით, და „პატრიოტთა ალიანსი" 3,9 %-ით.

ნავალნი „ნოვიჩოკის" ახალი უცნობი სახეობით მოწამლეს, რომელიც ბოროტმოქმედების გეგმით თვითმფრინავშივე უნდა მომკვდარიყო - ამ დასკვნამდე მივიდნენ გერმანელი სპეციალისტები, იტყობინება გამოცემა Die Zeit.

ხუთშაბათს კორონავირუსის დღიური რეკორდული ნიშნული, 57 ახალი შემთხვევა დაფიქსირდა. სპეციალისტების აზრით, კოვიდშემთხვევების ყოველდღიური ნახტომისებური ზრდა და უცნობი წყაროების მატება, მიანიშნებს იმაზე, რომ „საშიშ ეტაპზე გადავდივართ", მთავრობის სხდომაზე, რომელიც დისტანციურ რეჟიმში ჩატარდა, განხილვის მთავარი საკითხი ეპიდვითარება იყო.