ბელორუსის პრეზიდენტი ასიათასიანი საპროტესტო გამოსვლების ფონზე, რუსეთის პრეზიდენტს ვლადიმირ პუტინს სოჭში შეხვდა. როგორც რუსული საინფორმაციო სააგენტოები შეხვედრის დეტალებს ახმაურებენ, ბელარუსის პრეზიდენტმა პუტინს მხარდაჭერისთვის მადლობა გადაუხადა და განუცხადა, რომ ბელარუსი „უფროს ძმასთან, რუსეთთან უფრო ახლოს უნდა იყოს", პუტინი კი მინსკს 1.5 მილიარდი დოლარის სესხის უზრუნველყოფას დაპირდა.

სასტიკი მკვლლეობა თურქეთში - 33 წლის თამთა ჯანჯღავა, სავარაუდოდ ყოფილმა ქმარა მოკლა. გოგონას ორი დღის განმავლობაში ახლობლები და მეგობრები ეძებდნენ. ის პოლიციამ საცხოვრებელ სახლში გარდაცვლილი ნახა. მას რამდენიმე ჭრილობა ცივი იარაღით აქვს მიყენებული. ყოფილ ქმარს კი თურქეთის პოლიცია ამ დრომდე ეძებს.

ზუგდიდში როგორც მმართველ გუნდს, ისე ოპოზიციას გამარჯვების იმედი აქვს - ამ ოლქში „ქართულ ოცნებიდან" მაჟორიტარ კანდიდატი ირაკლი ჩიქოვანი იბრძოლებს, ხოლო გაერთიანებული ოპოზიცია კი კანდიდატს კვირის განმავლობაში დაასახელებს.

ორშაბათს კორონავირუსის რეკორდული დღიური მაჩვენებელი, 165 ახალი შემთხვევა დაფიქსირდა, სპეციალისტები ბოლო დღეების მაღალ მონაცემებზე საუბრისას იმედოვნებენ, რომ ამ რაოდენობას ჯანდაცვის სისტემა მოერევა, თუმცა, არ გამორიცხავენ იმასაც, რომ ქვეყანაში კოვიდ-19-ის უკონტროლო გავრცელება მოხდეს, რამაც შესაძლოა პოლიტიკური პროცესების პარალიზებაც გამოიწვიოს.

„გამორიცხული არაფერია. „ოქროს ნატეხები“ არც ხელისუფლებაში არავინ არის და ოპოზიციაში ხომ მთლად ისეთი ხალხია, რომელიც ყველაფერს კადრულობს“, - ასეთია „ქართული ოცნების“ დეპუტატის რევაზ არველაძის შეფასება მიმდინარე საარჩევნო კამპანიის ფარგლებში უკვე მომხდარი რამდენიმე ინციდენტის შესახებ, რომელშიც ოპოზიციური პარტიები ხელისუფლების აქტივისტებს ადანაშაულებენ. 

„როგორც დარგის სპეციალისტი ვთვლი, რომ  ბათუმის ჩაკეტვა არ არის საჭირო და არც იგეგმება. ვირუსის ყველაზე მაღალი მაჩვენებელი ბათუმშია, სადაც ზაფხულში შიდა ტურიზმის განსაკუთრებით დიდი კონტიგენტი იყო. ძირითადი ნაწილი, რაც გამოვლინდა, ყველა უსიმპტომოები იყვნენ“, - განაცხადა „რეზონანსთან“ აჭარის ჯანდაცვის ყოფილმა მინისტრმა და „ქართული ოცნების“ მაჟორიტარობის კანდიდატმა ზაალ მიქელაძემ.

საქართველოში კორონავირუსის შემთხვევები დღითდღე რეკორდულია ქვეყნისთვის, ყოველდღიური გამოვლინება უკვე სამნიშნა რიცხვებია. 12 სექტემბერს ქვეყნისთვის რეკორდული 158 ახალი შემთხვევა გამოვლინდა, 13 სექტემბერს კი 152 ინფიცირების ფაქტი დადასტურა. შემთხვევბის ძირითადი ნაწილი აჭარას უკავშირდება. „თუ მთავრობა ექიმებთან ერთად ჩათვლის, რომ რაღაც ზონა შემთვევების მატებას ვერ უძლებს და ჩასაკეტია, ჩაიკეტება, როგორც ეს მესტიის შემთხვევაში მოხდა", - ასე ეხმოანება აჭარაში შექმნილ სიტუაციას კორონავირუსთან ბრძოლის ფონდის წევრი და საპარლამენტო უმრავლესობის დეპუტატი ლადო კახაძე „რეზონანსთან" საუბრისას.

„ჯერჯერობით არის ისე, როგორც არის და არ ვაპირებთ სრულად ონლაინ რეჟიმზე გადასვლას. ღმერთმა არ ქნას, რომ კატასტროფული ვითარება შეიქმნას ვირუსის გავრცელებასთან დაკავშირებით“, - ასეთია პარლამენტის განათლების კომიტეტის თავმჯდომარის, გენადი მარგველაშვილის პასუხი კითხვაზე, არის თუ არა მოსალოდნელი კორონავირუსით დაინფიცირებულთა ზრდის მაჩვენებლის გამო სკოლებში სასწავლო პროცესის კიდევ უფრო გადავადება და განათლების სისტემის მთლიანად ონლაინ სწავლებაზე გადასვლა.

„ასე არ ხდება. პრემიერად მოხვედი და წინასწარ აცხადებ, რომ 2 წელი ვიქნები.... ეს განცხადება, პირდაპირ გეტყვით, უპასუხისმგებლობაა“, - განაცხადა „რეზონანსთან“ პოლოტიკის ექსპერტმა გია ხუხაშვილმა.

ვისცერალური გაცხიმოვნება ანუ მუცლის არეში გამოხატული ჭარბი ცხიმოვანი ქსოვილი ერთ-ერთი გავრცელებული და მნიშვნელოვანი პრობლემაა პაციენტებისათვის. წელის გარშემოწერილობა, წონა, სიმაღლე და სხეულის მასის ინდექსი (BMI) არის მაჩვენებლები, რომელთა დარღვევაც ასოცირებულია ნივთიერებათა ცვლის დარღვევასთან და ინსულინრეზისტენტობის გამოვლენასთან. ამასთან დაკავშირებით ჩნდება არაერთი კითხვა.

ჩვენი გაზეთის მკითხველებს პასუხობს კლინიკა ენმედიცის ექიმი-ენდოკრინოლოგი თამარ ჩადუნელი.

„იმედი მაქვს, რომ დებატებს დათანხმდება, რადგან მმართველ პარტიაში სხვა სუბიექტებს საუბრის უნარიც კი არ აქვს, თუმცა გახარიას საუბრის უნარი მას ნამდვილად გააჩნია, შეიძლება ითქვას არტისტი მეგრელია", - ასე აფასებს „რეზონანსთან" საუბრისას ჟურნალისტი და ანალიტიკოსი არჩილ გამზარდია „სტრატეგია აღმაშენებლის" ლიდერის გიორგი ვაშაძის მიერ პრემიერ-მინისტრ გიორგი გახარიას დებატებში გაწვევას.

რუსეთის 1917 წლის ბოლშევიკური რევოლუციის ლიდერი ვლადიმირ ლენინის ნეშტი შესაძლოა მოსკოვის წითელ მოედანზე მდებარე მავზოლეუმიდან გამოიტანონ და სასაფლაოზე დაკრძალონ. ხელისუფლებამ მავზოლეუმის ახალი დანიშნულებით გამოყენებაზე კონკურსი გაოაცხადა და მიუხედავად იმისა, რომ პირდაპირი განცხადება ლენინის დაკრძალვაზე არ გაკეთებულა, ხელისუფლებასთან დაახლოებული პირები მინიშნებას აკეთებენ, რომ ეს საკითხი დღის წესრიგში დგას.