პროკურატურის მტკიცებით, თამარ ბაჩალიაშვილმა სუცოცხლე თბითმკვლელობით დაასრულა და ამასთან დაკავშირებით დღეს გამართულ ბრიფინგზე გამოძიებამ თავისი დასკვნა წარმოადგინა. ამასვე ამტკიცებენ მისი მეგობარი დეა კაპანაძე, კლასელი ანა კურტანიძე და გარდასვლილის ბებია. სავარაუდოდ, სუიციდის მიზეზად ოჯახურ პრობლემებს ასახელებენ. დეა კაპანაძე აცხადებს, რომ გოგონა მკვლლეობამდე წინა დღით სახლში დაიმუქრა, რომ ისეთ ადგილას წავიდოდა და დაიკარგებოდა, რომ ვერავინ იპოვიდა. ამბობს, რომ ამის შესახებ თამარის გაუჩინარებიდან მეორე დღეს მამამისისგან მოისმინა, რომელიც წუხდა, რომ თამარმა შესაძლოა ეს მუქარა შეასრულა.

2020 წლის საპარლამენტო არჩევნებამდე ორ თვეზე ნაკლებია დარჩენილი. დედაქალაქის რვავე ოლქში მოსახლეობისთვის უკვე ცნობილია პარტიათა დიდი ნაწილის მაჟრიტარობის კანდიდატები. „მე ჯერჯერობით ვერ ვხედავ ისეთ ოლქს, სადაც უკვე გადაწყვეტილია შედეგები", - ასე აფასებს პოლიტოლოგი გია ხუხაშვილი „რეზონანსთან" საუბრისას თბილისის მაჟორისტარულ ოლქებში არსებულ სიტუაციას.

ნატო რუსეთს მოუწოდებს, რომ „ნოვიჩოკის" ჯგუფში შემავალი სამხედრო კლასის ნერვულ-პარალიტიკური ქიმიური აგენტით რუსი ოპოზიციონერის ალექსეი ნავალნის მოწამვლის საკითხი სრულიად გაამჟღავნოს.

ბიზნესმენი კახა ოქრიაშვილი და მისი ახლადშექმნილი პოლიტიკური გუნდი „პროგრესი და თავისუფლება" ოპოზიციურ გაერთიანება „ძალა ერთობაშიას" შეუერთდა, ისინი 2020 წლის საპარლამენტო არჩევნებისთვის ბრძოლას ერთ ბლოკად აპირებენ, ამ ფაქტს ოქრიაშვილის ყოფილი თანამოაზრეები „ქართული ოცნებიდან" „უძღები შვილის დაბრუნებად" აფასებენ.

უკვე რამდნეიმე დღეა ოკუპირებულ ცხინვალში მასობრივი საპროტესტო აქციები მიმდინარეობს. საზოგადოების პროტესტი 28 წლის ინალ ჯაბიევის გარდაცვალებას მოჰყვა. გავრცელებული ინფორმაციით ის მილიციის იზოლატორში წამებით მოკლეს. მომხდარის გამო დე ფაქტო პრეზიდენტმა მთავრობა დაითხოვა, თუმცა მოსახლეობის პროტესტი ამით არ შეწყვეტილა. ცხინვალში მიმდინარე მოვლენებზე, ოპოზიციურ პარტიებზე და დეფაქტო ხელისუფლებაზე „რეზონანსი" შერიგებისა და სამოქალაქო თანასწორობის საკითხებში ყოფილ სახელმწიფო მინისტრს პაატა ზაქარეიშვილს ესაუბრა.

საქართველოში ტურიზზმა ზაფხულის სეზონზე დიდი დარტყმა განიცადა. ეპიდემიოლოგიური ვითარების გართულებისა და კორონავირუსის მეორე ტალღიდან გამომდინარე, გაჩნდა მოლოდინი, რომ ზამთრის კუტორტებზე დამსვენებელები თითქმის არ იქნება.

კიბერშეტევა საქართველოს ჯანდაცვის სამინისტროზე, რომლის უკანაც კიბერ უსაფრთხოების სპეციალისტი და ანალიტიკოსი  რუსული სპეცსამსახურების კვალს ხედავენ. მათი თქმით, ეს არის გარკვეული მზადება რაღაც უფრო დიდი დივერსიისთვის და არ გამორიცხავენ, რომ წინასაარჩევნოდ მსგავსი თავდასხმები უფრო გახშირდეს. რა წაიღეს ჰაკერებმა და რაში სჭირდებათ ლაბორატორიიდან მოპარული ინფორმაცია? - სპეციალისტები ამბობენ, რომ ამ მასალებიდან ფეიკ ინფორმაციას გააკეთებენ, რომელსაც სხვადასხვა საიტებზე განათავსებენ და დაიწყებენ იმის  მტკიცებას, რომ საქართველო მომწამვლელ ნივთიერებებს ქმნის. 

ექსპრეზიდენტ მიხეილ სააკაშვილის საქართველოში ჩამოსვლა-არჩამოსვლის საკითხი ხელისუფლებასა და ოპოზიციას შორის, ისევე როგორც თავად ოპოზიციის შიგნით ერთგვარი საჯილდაო ქვა გახდა. განსაკუთრებით ცხარე დებატები და დაპირისპირებაც კი ოპოზიციის სხვადასხვა ფრთას შორის გაჩაღდა. განსაკუთრებით მას შემდეგ, რაც ოპოზიციის ნაწილმა, პირველ რიგში კი „ნაციონალურმა მოძრაობამ" მის პრემიერობაზე დაიწყო საუბარი.„ აი, იმ ოპოზიციონერ პოლიტიკოსებს, ქოცების პარალელურად და უნისონში მიშას თავს რომ ესხმით, არ გრცხვენიათ?" - ასე ეხმიანება ოპოზიციის, მათ შორის ყოფილი თანამოაზრეების მიერ სააკაშვილის კრიტიკას ფეისბუქზე „ნაციონალური მოძრაობის" ერთ-ერთი ლიდერი გიორგი ბარამიძე რომელიც ასევე მიიჩნევს, რომ წინასაარჩევნოდ სააკაშვილის არგამოჩენა „ქოცური აზრია".

რამდენიმე დღის წინ ბორჯომში „გირჩის" ორგანიზებით გამართულ შეხვედრაზე, ოპოზიციური პოლიტიკური პარტიების ნაწილმა სხვადასხვა საკითხები განიხილა, მათ შორის, მართლმსაჯულების დარგში. როგორც „ნაციონალური მოძრაობის" ერთ-ერთმა ლიდერმა ხატია დეკანოიძემ თქვა, პარტიებმა მის ინიციატივასაც დაუჭირეს მხარი, რაც სახელმწიფო უსაფრთხობის სამსახურის გაუქმებას და არჩევითი შერიფების ინსტიტუტის დამკვიდრებას ისახავს მიზნად. სფეროს ექსპერტები „რეზონანსთან" საუბრისას ამ ინიციატივის შესაძლო რისკებზე საუბრობენ.

ბოლო 5-6 წლის განმავლობაში წელს პირველად მოხერხდა თხილის წარმოების გაზრდა და ფასითაც ყველა კმაყოფილია. როგორც თხილის მიმღები პუნქტები, ასევე გლეხები პროდუქტის კიდევ მეტად გაძვირებას ელოდებიან. ამ მხრივ იმედისმომცემია პრემიერ-მინისტრ გიორგი გახარიას განცხადებაც, რომელიც მოსახლეობას დაპირდა, რომ გვერდით დაუდგება, რომ მოსავალი საუკეთესო ფასად გაიყიდება.

პროკურატურამ გიორგი შაქარაშვილის განზრახ მკვლელობასთან დაკავშირებით გამოძიებისთვის ცრუ ინფორმაციის მიწოდების ფაქტზე ერთი პირი დააკავა. ასეევე  პროკურორმა შაქარაშვილის ექსპერტიზის პასუხებზე ისაუბრა და განაცხადა, რომ გამოძიების ვერსია ექსპერტიზის დასკვინათც მყარდება. დაღუპულის ბიძა, რომელიც ოჯახის ინტერესებს გამოხატავს, ამბობს, რომ ამ დასკვნით ყველა კითხვას პასუხი გაეცა და პროკურატურის ვერსია კიდევ უფრო გამყარდა.

„ველოდებით პასუხებს და პასუხის მიხედვით დავგეგმავთ შემდეგ ნაბიჯებს. მივიღებთ გადაწყვტილებას კლინიკის დაკეტვასთან დაკავშირებით თუ არა", - განაცხადა „ავერსის" კლინიკების დირექტორმა დიმიტრი ჯორბენაძემ „რეზონანსთან" საუბრისას.