რუსეთი ერთ-ერთ მნიშვნელოვან მოკავშირეს კარგავს ბოლივიის სახით, სადაც ხავერდოვანი რევოლუციის შედეგად ხელისუფლება იცვლება - ევო მორალესი, რომელიც 14 წლის განმავლობაში იყო ბოლივიის პრეზიდენტი, იძულებული გახდა თანამდებობა დაეტოვებინა და მექსიკის მიერ შეთავაზებულ პოლიტიკურ თავშესაფარს დათანხმებოდა.

ერთიანი ტარიფები სამედიცინო მომსახურეობაზე - ამიერიდან სახელმწიფო ერთნაირ ფასს გადაუხდის ყველა კლინიკას, რომელიც ჩართული იქნება საყოველთაო ჯანდაცვის პროგრამაში. სპეციალისტთა აზრით, სერვისების გათანაბრება სწორი ნაბიჯი არ არის, რადგან შესაძლოა, ზოგიერთი კლინიკამ ვერ გაუძლოს და დაიხუროს ანდა ჩამოყალიბდეს სქემა, რომლის მიხედვითაც მედპერსონალის ხელფასს შეუმცირებს, ხოლო მომსახურების ხარისხს დაბლა დასწევს.

„ვფიქრობ, რომ როდესაც ამხელა შემოსავალი გაქვს, პენსიაზე საერთოდ უარი უნდა თქვა."- ასე აფასებს „რეზონანსთან" საპარლამენტო უმრავლესობის დეპუტატის კახა ოქრიაშვილი დაგროვებითი საპენსიო სისტემიდან მის გასვლას.

„ბატონმა გია ვოლსკიმ, უმრავლესობის ლიდერმა, ფრაქციების თავმჯდომარეებს და მათ შორის ბატონ დიმიტრისაც სთხოვა, ამ ერთსაათიან შესვენებაზე მის კაბინეტში შეკრებილიყვნენ; იქ ალბათ რაღაც გადაწყვეტილება იქნებოდა მიღებული. საუბარი იქნებოდა იმაზე, რა შეიცვალა იმის შემდეგ, რაზეც შეთანხმება მოხდა," - აცხადებს „რეზონანსთან" უმრავლესობის დეპუტატი ზაზა ხუციშვილი მისი თანაგუნდელის, დიმიტრი ხუნდაძის განცხადების შესახებ საუბრისას, რომ კენჭისყრის განახლებამდე უმრავლესობის სხდომა უნდა გაიმართოს.

ბოლო ოთხი წლის განმავლობაში, უცხო ქვეყნის მოქალაქეებიდან, ყველაზე მეტი ბიზნესკომპანია საქართველოში ირანის მოქალაქეებმა დააფუძნეს. 2015-2018 წლებში, საქართველოში უცხო ქვეყნის მოქალაქეთა მიერ რეგისტრირებული სამეწარმეო სუბიექტების 31% ირანის ისლამური ქვეყნის მოქალაქეების მიერაა ჩამოყალიბებული. რატომ აქტიურობენ ასე განსაკუთრებით უცხოელები? არსებობს ეჭვი, რომ ირანელები 100 დორარად კომპანიებს, ინვესტორის სტატუსის მისაღებად აფუძნებდნენ და რეალურად სხვა განზრახვა უდევთ გულში.

საქართველოში უძრავი ქონების უცხოელ მყიდველებს შორის რუსეთის მოქალაქეები ლიდერობენ. ისინი მასიურად ყიდულობენ საქართველოში უძრავ ქონებას - ბინები, მიწის ნაკვეთები და ა.შ. უცხოელებზე გაყიდული ქონების 40% სწორედ რუსებზე მოდის. ანალიტიკოსთა გარკვეული ნაწილი მიიჩნევს, რომ რუსეთმა ეს შესაძლოა პროვოკაციის მოწყობის მიზნით გამოიყენოს, თითქოს საქართველოში რუსეთის მოქალაქეებსა და მათ მიერ შეძენილ ქონებას საფრთხე ემუქრებათ, შედეგად კი მიმართონ სამხედრო ძალას.

საქართველოში ცხოვრება გაძვირდა და ზამთრის წინ გაუსაძლისიც გახდა. ვითარება უკვე იმდენად მძიმეა, რომ მოსახლეობას თვიდან თვემდე თავის გატანა უჭირს. ეკონომისტების აზრით, მალე დაბალშემოსავლიან ადამიანებს მთელი შემოსავალი გაძვირებული სურსათის ყიდვისთვის დასჭირდება და სხვა ღირებულს ვეღარაფერს შეიძენს.

„სამივე მოსმენით, ვიდრე კენჭისყრა არ იქნება ჩატარებული  და კანონპროექტი მიღებული, მანამდე იმის თქმა, რომ გადავედით პროპორციულ საარჩევნო სისტემზე, სწორი არ არის; რადგან დიდია ალბათობა, რომ რომელიმე მოსმენის დროს პროექტი ჩავარდეს“, - ასე ეხმაურება კონსტიტუციონალისტი ვახტანგ ხმალაძე პარლამენტში საკონსტიტუციო ცვლილებებთან დაკავშირებით დაწყებულ განხილვას, რომელიც ხმაურის ფონზე მიმდინარეობს.

დაახლოებით ერთ საათში პარლამენტში პროპორციულ არჩევნებზე გადასვლათან დაკავშირებით კენჭისყრა გაიმართება. საპარლამენტო უმრავლესობის რამდენიმე დეპუტატებმა პროპორციულ სისტემაზე გადასვლაზე უკმაყოფილება გამოთქვა, რის გამოც გაჩნდა ეჭვი, რომ „ქართული ოცნება" კანონპროექტის ჩაგდებას აპირებს.

სოფელ ყანდაურაში მომხდარი უმძიმეს მკვლელობაში ბრალდებული პაპაც და შვილიშვილიც მოსამართლემ გირაოთი გაათავისუფლა. კითხვა, თუ ვინ მოკლა 5 ადამიანი, ისევ უპასუხოდაა. სასტიკი მკვლელობების საქმე შესაძლოა პროკურატურას სრულიად დაეშალოს და საქმეში რეალური ბრალდებული აღარ ჰყავდეს. 

აფხაზური საზოგადოების ნაწილი აფხაზეთის ომის დასრულებიდან 26 წლის შემდეგაც კი პოლიტიკოსებს იმის მიხედვით აფასებს, რომ ვინ რამდენი ქართველი მოკლა. ამის მაგალითია სოხუმის ახალი ე.წ. მერი კან კვარჩია, რომლის მთავარ დამსახურებადაც „ქვეყნის წინაშე" ომის დროს ქართველი ტყვეების მასობრივი დახვრეტა გამოაცხადეს.

„ეს ადამიანები ოკუპანტებმა გუშინ, ჩვენი კონტროლირებადი ტერიტორიიდან გაიტაცეს და ჯერჯერობით არ დაბრუნებულან,ისინი ე.წ. სასამართლოს ელოდებიან და ჯარიმის გადახდის შემდეგ, იმედია სახლებში მალევე დაბრუნდებიან. სავარაუდოდ, მათ დაბრუნებას ამ კვირის ბოლომდე ველოდებით", - ასეთი ინფორმაცია მოაწოდა „რეზონანსს" ანტისაოკუპაციო მოძრაობა „ძალა ერთობაშიას" ლიდერმა დავით ქაცარავამ საქართველოს კონტროლირებადი ტერიტორიებიდან ოკუპანტების მიერ მწყემსების გატაცების თაობაზე.