„როდესაც ბიძინა ივანიშვილს აგინებენ თუ აუგს ამბობენ მასზე, ქვეყენაში ძნელია რამეზე ლაპარაკი. პოზიცია-ოპოზიცია რა შუაშია აქ? მიხედეთ, ხალხო, ერთმანეთს. სიყვარულის გარეშე არ გამოვა არაფერი, დავიღუპებით. პატარა ქვეყანა ვართ, არ გვყავს მილიონიანი ჯარი. რომც გვყავდეს, რად გვინდა, დავხოცოთ და ამოვხოცოთ ხალხი?" - აცხადებს „რეზონანსთან" „ერისიონის" სამხატვრო ხელმძღვანელი ჯემალ ჭკუასელი 20 ივნისს რუსთაველის გამზირზე განვითარებული მოვლენების შესახებ საუბრისას.

„პარლამენტში შეჭრის მცდელობა - ეს იყო კანონის დარღვევა. შეჭრის აკვეთა ჯერ  ხდებოდა პოლიციელების მიერ წინააღმდეგობის გაწევით და ეს კეთდებოდა კანონის ფარგლებში, მაგრამ შემდეგ დაიწყო სპეციალური საშუალებების გამოყენება და იქ დაირღვა კანონონი და არ იყო გამოყენებული პროპორციული ძალა“, - ასე ეხმაურება კონსტიტუციონალისტი ვახტანგ ხმალეძე 20 ივნისს რუსთაველის პროსპექტზე ხელისუფლების მიერ აქციის მონაწილეების დაშლას.

„ქართული ოცნების" ცენტარულ ოფისში პოლიტსაბჭოს სხდომა მიმდინარეობს, რომელსაც პარტიის თავმჯდომარე ბიძინა ივანიშვილი უძღვება. ოფისში ასევე იმყოფებიან პრემიერ-მინისტრი მამუკა ბახტაძე, პარლამენტის თავმჯდომარე ირაკლი კობახიძე, რომელმაც აზერბაიჯანში ვიზიტი შეწყვიტა და მმართველი გუნდის წარმომადგენლები. ამასთანავე, ბელარუსში ვიზიტი შეწყვიტა საქართველოს პრეზიდენტმა, სალომე ზურაბიშვილმა, რომელიც უკვე თბილისში ბრუნდება.

რა გეგმები აქვს ოპოზიციას დარბეული აქციის შემდეგ, „რეზონანსი“ ამის გარკვევას „ნაციონალური მოძრაობის“ წევრ ხატია დეკანოიძესთან შეეცადა. დეკანოიძე აცხადებს, რომ ოპოზიცია მთელი დღის და ღამის განმავლობაშიც მზად იყო მოლაპარაკებაზე წასულიყვნენ, თუმცა მათთან კონტაქტზე არავინ გამოსულა. 

„ხელისუფლებამ ხალხს უნდა მოუსმინოს, ეს არის გამოსავალი, რაც, სამწუხაროდ, გუშინ ვერ დავინახეთ. რა მნიშვნელობა აქვს პროვოკატორს დააბრალებენ თუ დესტრუქციულ ძალებს, გუშინ ჩვენი მოსახლეობა იმ მიდგომას ნამდვილად არ იმსახურებდა, რაც ხელისუფლებამ მათ წინააღმდეგ გამოიყენა. მითუმეტეს იმ განცხადებების შემდეგ, რომელსაც აკეთებდნენ, რომ ცრემლსადენი გაზი და რეზინის ტყვიები მათი მეთოდი არ არის," - აცხადებს „რეზონანსთან" დამოუკიდებელი დეპუტატი დავით ჭიჭინაძე 20 ივნისს რუსთაველის გამზირზე განვითარებული მოვლენების შესახებ საუბრისას.

პარლამენტის შენობაში შეღწევის რამდენიმე მცდელობა, დაპირისპირება სამარლადამცეველებთან, ცრემლსადენი გაზი და რამდენიმე დაშავებული. პლუს, განცხადებები ორივე მხრიდან: „ოცნების" მაღალჩინოსნების განცხადებები იმაზე, რომ რაც პარლამენტის წინ ხდება, ეს არის ანტიკონსტიტუციური და შტურმი სახელმწიფო ინსტიტუტებზე. ოპოზიციიის განცხადებები, რომ ოკუპანტი სახელმწიფოს დეპუტატების პარლამენტში მიმყვანი ხელისუფლება უნდა წავიდეს და სანამ გახარია, კობახიძე და გომელაური არ გადადგებიან, პროტესტი არ შეწყდება.

როგორც კი საჭირო იქნება, მაშინვე გადავდგები, - ამის შესახებ შინაგან საქმეთა მინისტრმა გიორგი გახარიამ პარლამენტის შენობაში ჟურნალისტებს განუცხადა.

"ისევ ჩემი გონიერი და ჭკვიანი ერის იმედი მაქვს, რომ სიტუაცია არ დაიძაბება და შანსს არ მივცემთ ჩასაფრებულ მტერს"- ასე ეხმიანება მომღერალი ირმა სოხაძე პარლამენტში განვითარებულ მოვლენებს, რასაც საზოგადოების მღელვარება მოჰყვა.

თბილისის მთავარ სავაჭრო გამზირზე, მინის თანამედროვე ვიტრაჟებს მაღაზიების მფლობელები რკინის გისოსებით ანაცვლებენ. მაღაზიის მეპატრონეები „რეზონანსთან" აცხადებენ, რომ გაზრდილი კრიმინალის გამო, იძულებულები გახდნენ, რათა უსაფრთხოების დაცვის 90-იან წლებში პოპულარული საშუალება აერჩიათ.

მომხმარებელთა უფლებების დაცვის შესახებ კანონი მეწარმეებისთვის მიუღებელია, მაგრამ არც მომხმარებელთა უფლებების დამცველებს მოსწონთ. მათი აზრით, ახალი კანონი მომხმარებელთა უფლებებს რეალურად ვერ დაიცავს. არსებობს მოსაზრებაც, რომ კანონის მიღება ფასის ზრდას გამოიწვევს, მცირე მეწარმეებს კი ფინანსური ტვირთი დაუმძიმდებათ.

ოკუპანტი ქვეყანის ოფიციალური პირები თავს უფლებას აძლევენ საქართველოში გამომწვევად მოიქცნენ და ამის ერთ-ერთი მიზეზი ისიცაა, რომ ეკონომიკურად ჩვენი ქვეყანა სწორედ ჩრდილოელ მეზობელზეა დამოკიდებული. გარდა იმისა, რომ ექსპორტ-იმპორტში ძირითადად რუსეთზე ვართ დამოკიდებული, მაღალბიუჯეტური კომპანიების უმეტესობა რუს ინვესტორებზეა გადაბარებული. მართალია, ეს პროცესი წინა ხელისუფლების დროს დაიწყო, მაგრამ ტენდენცია არც "ქართული ოცნების" მმართველობის პერიოდში შეცვლილა და ქვეყანა, ფაქტობრივად, რუსეთის ხელის შემყურე გახდა, რის გავლენა პოლიტიკაშიც იგრძნობა.

„რომელი პროტოკოლის უფროსი გაბედავს პარლამენტის თავმჯდომარის პირდაპირი სანქციის გარეშე მის სავარძელში ნებისმიერი ადამიანის ჩასმას, ეს ხომ ზღაპარია?! მინიმუმ სანქცია გაცემული იყო კობახიძის მიერ... ქუცნაშვილი საერთოდ ვის არის, ვის დაკარგვია?! ქუცნაშვილი ვერ მიიღებდა გადაწყვეტილებას...