„ჩვენ მივიღეთ „ქართული ოცნების" დროშაზე აღმართული მურუსიძის პორტრეტი. „ქართული ოცნების" სახე საბოლოოდ გახდა ლევან მურუსიძე და დეპუტატობის კანდიდატთან დებატებშიც კი მურუსიძე შეჰყავთ," - აცხადებს ანალიტიკოსი გია ხუხაშვილი.

უკრაინის ახლად არჩეულმა პრეზიდენტმა ვლადიმირ ზელენსკიმ რუსეთის პრეზიდენტ ვლადიმირ პუტინს კიდევ ერთი მწვავე რეპლიკა ესროლა. თქვა, რომ რუსეთსა და უკრაინას შორის საერთო მხოლოდ რამდენიმე ათას კილომეტრიანი საზღვარია.

მედია იტყობინება, რომ სირიაში 4 რუსი სამხედრო მოსამსახურე ისლამისტმა მეამბოხეებმა დახოცეს, თუმცა რუსეთის თავდაცვის სამინისტროში ირწმუნებიან, რომ მედია და სოციალური ქსელები სიცრუეს ტირაჟირებენ, აღნიშნული ინფორმაცია ყალბია და სიმართლეს არ შეესაბამება.

შს მინისტრ გიორგი გახარიას გამოსვლას პარლამენტში, როგორც მოსალოდნელი იყო, პოზიცია-ოპოზიციას შორის დიდი შეხლა-შემოხლა მოჰყვა. ყველაზე მწვავე კამათი ნაციონალ ნიკა მელიასა და "ოცნების" ლიდერებს შორის გაიმართა.

უფრო და უფრო აქტიურდება ხმები იმის თაობაზე, რომ "ოცნებაში" აქტიურად განიხილება ვადამდელი საპარლამენტო არჩევნების ჩატარების საკითხი და ამის აუცილებლობაში პარტიის თავმჯდომარე ბიძინა ივანიშივლიც დაარწმუნეს.

"საქართველოს იურისდიქციის ქვეშ მყოფ ვერც ერთ ტერიტორიაზე პოლიციის კანონიერ ქმედებას ვერავინ შეზღუდავს, ამის შესახებ პარლამენტში „მინისტრის საათის" ფარგლებში შს მინისტრმა გიორგი გახარიამ განაცხადა. მან ასევე ოპონენტებს მოუწოდა, სენსიტიურ თემებს მეტი პასუხისმგებლობით მოეკიდონ.

მწარმოებლებსა და იმპორტიორებს სხვადასხვა პროდუქტის ნარჩენის მართვაზე ზრუნვა თვითონვე მოუწევთ. ასეთ ვალდებულებას მათ ,,ნარჩენების მართვის კოდექსი" აკისრებთ, რომლის მიხედვითაც საქართველოში მწარმოებლების გაფართოებული ვალდებულება 2019 წლის 1 დეკემბრიდან დაინერგება.

თბილისის მერიის მხრიდან სამშენებლო კომპანიებზე რეიდების ჩატარებამ შეიძლება, ზოგიერთი ობიექტის დემონტაჟი გამოიწვიოს. მერია შრომის უსაფრთხოებაზე კონტროლის გაძლიერებას იწყებს. სპეციალისტების შეფასებით, დარღვევები იმდენად მასშტაბურია, რომ რეიდები მასობრივ დაჯარიმებას გამოიწვევს. სამშენებლო პროცესის შეფერხების თავიდან აცილების მიზნით, ბიზნესს ხარვეზის გამოსწორების ვადა უნდა მიეცეს.

თამბაქოს ბიზნესს წესები ტექნიკურ დონეზეც უმკაცრდება. სიგარეტის, თუთუნისა და ელექტროსიგარეტის ან ნებისმიერი სახის თამბაქოს სარეალიზაციოდ გატანამდე დეტალური ინფორმაცია პროდუქტის შესახებ ჯანდაცვის სამინისტროს უნდა წარედგინოს, წინააღმდეგ შემთხვევაში ჯარიმა 5 000 ლარია.

„თავდაცვის კუთხით, ამერიკა აკეთებს იმას, რაც მას შეუძლია. ბოლო პერიოდში თავდაცვის კუთხით, რაც კი რაიმე გაკეთდა, აშშ-სთან ახლო თანამშრომლობით გახდა შესაძლებელი," - აცხადებს „რეზონანსთან" ანალიტიკოსი და „საქართველოს პოლიტიკის ინსტიტუტის" დირექტორი კორნელი კაკაჩია აშშ-საქართველოს სტრატეგიული თანამშრომლობის ქარტიის შესახებ საუბრისას, რომელიც 2009 წლის 9 იანვარს გაფორმდა და მნიშვნელოვან დოკუმენტად არის მიჩნეული.

ანაკლიის პორტის მშენებლობა შესაძლოა შეფერხდეს, ანდა ჩაიშალოს - ამას "TBC ბანკთან" დაკავშირებული პროცესების განვითარების შედეგად ანალიტიკოსები ვარაუდობენ. ის, რომ ანაკლიის პორტის მომავალი შესაძლოა დაზარალდეს, თავად მამუკა ხაზარაძეც არ გამორიცხავს.

„ქართული ოცნება" კიდევ ერთმა დეპუტატმა, ლევან კობერიძემ დატოვა. კობერიძე უკვე მე-9 დეპუტატია, ვინც 2019 წელს საპარლამენტო უმრავლესობის რიგებიდან წავიდა. ვინ იქნება შემდეგი? საპარლამენტო კულუარებში ამბობენ, რომ რიგში კიდევ 2 დეპუტატი დგას, ვინც შეიძლება „ოცნება" დატოვოს.