8-9 თებერვალს ჟენევაში შედგება პირველი სამმხრივი - ქართულ-რუსულ-შვეიცარიული შეხვედრა, სადაც განიხილება კონკრეტული დეტალები, თუ 1-ლი მარტიდან როგორ გააკონტროლებენ ტვირთბრუნვას შვეიცარიელი მებაჟეები საქართველოს სამ დერეფანზე, მათ შორის აფხაზეთის და ცხინვალის რეგიონის გავლით.

კონსულტაციების მესამე რაუნდი მმართველ პარტიაში - რა ვერ გაიგეს და რაზე შეთანხმდნენ ე.წ. ამბოხებული დეპუტატები. უზენაესი სასამართლოს მოსამართლეობის კანდიდატების შერჩევის საკითხზე მმართველმა გუნდმა 2 თებერვლას კიდევ ერთხელ იმსჯელა.

"მაღალაშვილის სახით უნიჭიერესი, თვალსაჩინო პიანისტი დაიბადა" - ასეთი მაღალი შეფასება მისცა პარიზის კონსერვატორიის კურსდამთავრებულს, შემდგომში შოპენის ყველა დროის ერთ-ერთ საუკეთესო შემსრულებელ ნიკიტა მაღალაშვილს მსოფლიოში ცნობილმა მუსიკოსმა მორის რაველმა.

„საბოლოო გადაწყვეტილება იმასთან დაკავშირებით, თუ რა განთავსდება პრეზიდენტის სასახლეში მმართველ გუნდში მიღებული არ არის, თუმცა ცალკეულ ვერსიებზე მსჯელობა მუდმივად მიმდინარეობს“, - ასე ეხმაურება საპარლამენტო უმრავლესობის წევრი ნუკრი ქანთარია ინფორმაციას იმის შესახებ, რომ ავლაბრის პრეზიდენტის სასახლეში კულტურის მუზეუმის გახსნას იგეგმება.

თელავის მუნიციპალიტეტის სოფელ ყარაჯალაში 19 წლის მამაკაცი ცეცხლსასროლი იარაღით  1 თებერვალს საკუთარმა თანსოფლელმა ჩაცხრილა. როგორც ადგილობრივები „რეზონანსთან“ ყვებიან, ახალგაზრდა შურისძიების მოტივით მოკლეს. 

სკოლებში ე.წ. ანონიმური ყუთების განთავსების ინიციატივას გივი სიხარულიძე ამორალურად და მიუღებლად მიიჩნევს. „ეს ბავშვების გახრწნაა“, - განაცხადა მან „რეზონანსთან“ საუბრისას.

„ანრი ოხანაშვილი თავისთავად ძალიან აზრიანი ადამიანია, მაგრამ ერთერთი მნიშვნელოვანი ტვირთი იქნება მოსამართლეთა შერჩევის წესზე მუშაობა ანუ რამდენად ნეიტრალური იქნება ეს ადამიანი ამ წესზე მუშაობის დროს, რა პოზიციას დაიკავებს და ა.შ.", - აცხადებს „რეზონანსთან" გასულ შაბათს საპარლამენტო უმრავლესობის დახურულ სხდომაზე მიღებული გადაწყვეტილებების კომენტირებისას პოლიტოლოგი რამაზ საყვარელიძე.

პანკისის მოსახლეობა სოფელ ბირკიანში ჰესების მშენებლობის მიმართ საკმაოდ აგრესიულადაა განწყობილი, თუმცა იმის შანსი, რომ პროტესტმა სახიფათო სახე მიიღოს, არც ისე მაღალია. ამის შესახებ ექსპერტმა მამუკა არეშიძემ, „რეზონანსთან" საუბრისას განაცხადა.

ევროპისთვის ახალი, სახიფათო რეალობა დაიწყო - „საშუალო და ახლო რადიუსში მოქმედი რაკეტების ლიკვიდაციის შესახებ" 1987 წლის შეთანხმება დატოვა აშშ-მაც და რუსეთმაც და უკვე გამოაცხადეს კიდეც, რომ ბალისტიკური რაკეტების გამალებით მოდერნიზება-წარმოება ს იწყებენ, რის შემდეგაც ევროპის კონტინენტის ბირთვული სამიზნეებით აივსება.

„ანრის კანდიდატურას მხარს დავუჭერ იმიტომ, რომ ნიჭიერი ახალგაზრდაა და მშრომელი პიროვნებაა", - ასე შეაფასა საპარლამენტო უმრავლესობის წარმომადგენელმა ზაქარია ქუცნაშვილმა იურიდილი კომიტეტის თავმჯდომარის პოსზე ანრი ოხანაშვილის კანდიდატურის წარდგენა.

„რეზონანსის“ ინფორმაციით, უახლოეს მომავალში მთავრობაში საკადროსთან ერთად შესაძლოა სტრუქტურული ცვლილებებიც განხორციელდეს. უფრო კონკრეტულად კი ხელისუფლება განათლების, მეცნიერების, კულტურისა და სპორტის გაერთიანებული სამინისტროსაგან კულტურის სფეროს გამოყოფასა და ცალკე კულტურის სამინისტროს შექმნის საკითხს განიხილავს.

ვენესუელის ე.წ. პრეზიდენტმა ნიკოლას მადურომ კარაკასში გამართულ აქციაზე, თავისი მომხრეების წინ სიტყვით გამოსვლისას ქვეყანაში შექმნილი კრიზისის აღმოსაფხვრელად ვადამდელი საპარლამენტო არჩევნების ჩატარება დააანონსა, რომელსაც ვენესუელაში 2020 წლის ნაცვლად 2019 წელს ჩაატარებენ. ამის შესახებ „როიტერსი" იუწყება.