პრემიერ-მინისტრის დამოკიდებულება საქართველოს საინვესტიციო გარემოსადმი ზედმეტად ოპტიმისტური ჩანს. ინვესტიციებში იმდენად მაღალი ჩამორჩენაა, რომ ნაკლებად დასაჯერებელია, ქვეყანაში კაპიტალდაბანდებით ვინმე რეალურად ინტერესდებოდეს. ოფიციალური სტატისტიკა ადასტურებს, ინვესტიციებში მკვეთრი კლებაა, რითაც დასტურდება, რომ ქვეყანა საინვესტიციო მიმზიდველობას კარგავს.

1-ლი იანვრიდან ამოქმედებულმა რეგულაციებმა ტექნიკის მაღაზიებში რეალიზაცია მინიმუმზე დაიყვანა. "პასუხისმგებლიანი დაკრედიტების სისტემის" სრულად ძალაში შესვლის შემდეგ მაღაზიებში განვადებები 70%-ით შემცირდა. ამის გამო სავაჭრო ობიექტები თანამშრომლების გათავისუფლებასა და რეგიონებში ფილიალების შემცირებას გეგმავენ.

უკრაინის პრეზიდენტ პეტრო პოროშენკოს განცხადებით, ქვეყანა 2024 წელს ევროკავშირში გაწევრიანების შესახებ განაცხადს შეიტანს. ექსპერტთა ნაწილი ვარაუდობს, რომ ასეთი განაცხადი შესაძლოა, უკრაინამ, საქართველომ და მოლდოვამ ერთდროულად გააკეთოს, თუმცა "ქართულ ოცნებაში" შეკითხვაზე, თუ რას გეგმავს საქართველო, ბუნდოვანი პასუხი აქვთ - რომ საბოლოო მიზანი ევროკავშირის წევრობაა, მაგრამ ახლა ევროკავშირი არაერთი გამოწვევის წინაშეა და ამ ეტაპზე მთავარია, შევასრულოთ ის საშინაო დავალებები, რომლებიც ასოცირების ხელშეკრულების შედეგად გვაქვს.

განათლების მინისტრის ყოფილი მოადგილე დავით ზურაბიშვილი სასკოლო და ერთიან ეროვნულ გამოცდებში დაგეგმილ დიდ ცვლილებებს „რეზონანსთან“ აფასებს. ზურაბიშვილი სკოლის საატესტატო გამოცდების გაუქმებასა და ასევე 2020 წლიდან ერთიან ეროვნულ გამოცდებზე ზოგადი უნარების გამოცდის არასავალდებულოდ გადაქცევას მიესალმება.  

„მოტივი შეიძლება იყოს შურისძიება, ან რაღაც პოლიტიკური ინტერესი. თუ შურისძიებაზეა ლაპარაკი, ეს არის ვიღაც ნაძირლების და ბრიყვების გაკეთებული, რადგან პოლიტიკა ასეთ მეთოდს არ იცნობს. თუმცა, ბრიყვების და ნაძირლების სიმცირეს, სამწუხაროდ, საქართველო არ უჩივის," - აცხადებს ანალიტიკოსი გია ხუხაშვილი „რეზონანსთან" საუბრისას.

„შესაძლოა კომპრომატებით ომი იყოს, თუმცა კომპრომატსაც ვერ დავარქმევთ ამას, რადგან რაიმე დანაშაულის დოკუმენტი კი არ არის, უბრალოდ სრულიად ნორმალური ცხოვრების ამსახველი კადრებია და დარღვეული ეთიკური ნორმები. ეკრანზე გამოტანილია ის, რაც არ უნდა იყოს გამოტანილი.

ჩინჩალაძეს დახურული სივცრის შიში აქვს, რომ არ ჩაწერონ, ამიტომაც შეხვედრები ღია ცის ქვეშ დაიწყო - ასე აფასებენ „რეზონანსთან“ მესამე სექტორის წარმომადგენლები პარლამენტარ ვანო ზარდიაშვილის მოსამართლეებსა და იუსტიციის უმაღლესი საბჭოს მდივანთან  შეხვდრის ფაქტს, რომლის  ფოტოც „ტაბულას“ ჟურნალისტმა გადაიღო.  

დონეცკისა და ლუგანსკის სეპარატისტული რესპუბლიკების ტერიტორიაზე არსებული კონფლიქტის მშვიდობიანი რეგულირებისთვის ახალი გზა გამონახეს. კერძოდ, მინსკის შეთანხმება შესაძლოა, რომ ახალმა გეგმამ ჩაანაცვლოს, რომელიც გაერო-სა და ევროპის უშიშროებისა და თანამშრომლობის ორგანიზაციის (ეუთოს) ძალებს გააერთიანებს. გარდა ამისა, ახალი ინიციატივის მიხედვით, ევროკავშირმა უნდა შექმნას სააგენტოები, რომელთა ფუნქცია რეგიონის აღდგენა იქნება და ეს ორგანიზაციები უნდა თანამშრომლობდნენ ეუთო-სა და გაერო-სთან. 

"მადუროს ხელისუფლება საერთაშორისო იზოლაციაში ექცევა და თუ ეს პროცესი გაგრძელდა, ალბათ, შორს არ არის ის დრო, როდესაც მისი რეჟიმი დაემხობა, ხოლო ხელისუფლებას ჩაიბარებს გარდამავალი მთავრობა, რომელიც შემდეგ მოამზადებს ვენესუელას ახალი, დემოკრატიული არჩევნებისთვის",-ასე შეაფასა პოლიტიკურმა ექსპერტმა კორნელი კაკაჩიამ ამერიკის შეერთებული შტატების მიერ ვენესუელისთვის ახალი სანქციების დაწესება.

სასკოლო და ერთიან ეროვნულ გამოცდებში დიდი ცვლილებები იწყება. 2019 წელს მე-11 კლასელები საატესტატო გამოცდებს აღარ ჩააბარებენ. 2020 წელს კი ე.წ. კატის გამოცდები მე-12 კლასელებისთვისაც უქმდება. ასევე 2020 წლიდან სავალდებულო აღარ იქნება ერთიან ეროვნულ გამოცდებზე ზოგადი უნარების გამოცდის ჩაბარება, თითოეულ საგანზე გადასალახ ბარიერს დააწესებენ თავად უნივერსიტეტები და ასევე შეიცვლება საგრანტო დაფინანსების წესი - გათვალისწინებული იქნება სავალდებულო საგანთა ახალი ნუსხა.

მიხეილ სააკაშვილი აცხადებს, რომ ის მზად არის საქართველოში ჩამოსასვლელად და ივანიშვილის სახლში გასაშვებად, ოღონდ ერთი პირობით, მისმა მომხრეებმა უნდა უზრუნველყონ, რომ 72 საათის განმავლობაში ის არ დააკავონ და თავისუფლად შეძლოს გადაადგილება.

მაღალჩინოსნების ხელშეწყობით ოზურგეთის მუნიციპალიტეტში მიწის ნაკვეთები ჩალის ფასად, სულ რაღაც 30-50 თეთრად გაიყიდა. მიწის მინიმალურ ფასად რეალიზაცია კანონის მრავალჯერადი დარღვევით მოხდა, რაც კორუფციულ გარიგებებაზე მიანიშნებს და ხაზს უსვამს იმ განუკითხაობას, რომელიც მუნიციპალური ქონების გასხვისების მხრივ რეგიონებში არსებობს.