საქართველოს მოსახლეობა ორ დღეში გაიგებს, ვინ არის მისი ქვეყნის მეხუთე პრეზიდენტი. წელს პრეზიდენტს არჩევნების მეორე ტურზე პირველად ვირჩევთ. ამომრჩევლების მიერ მეორე ტურში გასული კანდიდატებისთვის 28 ოქტომბრის კენჭისყრისას თითქმის თანაბარი მხარდაჭერა მიუთითებს, რომ საპრეზიდენტო არჩევნები მაღალი კონკურენტულობით გამოირჩევა.

"ახლა აღარავის აინტერესებს, პრეზიდენტი ვინ იქნება, ორივე მხარე ძალაუფლებისთვის იბრძვის. ამიტომ პროცესი არჩევნებთან ერთად არ დასრულდება და არჩევნების შემდეგ თუ არა, გაზაფხულზე მაინც გადავა ქუჩაში, ჩვენ ქუჩას უკვე ვერ ავცდებით", - აცხადებს ანალიტიკოსი ვახტამგ ძაბირაძე.

უკრაინაში მოსკოვის საპატრიარქოსთვის ტაძრების ჩამორთმევის პროცესი იწყება. უკრაინის იუსტიციის სამინისტრომ პოჩაევის ლავრის ნაგებობებით სარგებლობის იურიდიული უფლება გაუუქმა მოსკოვის საპატრიარქოს დაქვემდებარებულ უკრაინის ეკლესიას და ის სულ ახლახან კანონიკურად აღიარებულ უკრაინის მართლმადიდებელ ეკლესიას გადასცა.

ოდესის პორტიდან მარიუპოლის მიმართულებით მოძრავი სამი უკრაინული ხომალდი გუშინ აზოვის ზღვაში შევიდა. უკრაინული წყაროების ინფორმაციით, მათ რუსული სანაპირო დაცვის რამდენიმე საბრძოლო ხომალდი და ვერტმფრენი მიაცილებდნენ, რომლებიც უკრაინული ხომალდებისაგან ახლო მანძილზე სახიფათოდ მანევრირებდნენ.

სასტიკი მკვლელობა ბათუმში - მამაკაცმა ეჭვიანობის ნიადაგზე ერთი ქალი მოკლა, მეორე კი დაჭრა. თვითმხილველების ინფორმაციით, დაჭრლია ერთი მამაკაციც, რომელიც, სავარაუდოდ, ქალებს ახლდა. შემთხვევა პარასკევს ბათუმში, სამორინე "პრინცესაში" მოხდა.