წინასაახალწლო დღეებმა ლარს თავისი ხელი დაატყო. ერთ დღეში ეროვნული ვალუტა 5 პუნქტით გაუფასურდა. სადღესასწაულო პერიოდის გარდა ეროვნული ვალუტის რამდენიმეპუნქტიან ვარდნაზე ბიუჯეტის დეფიციტურმა ხარჯვამაც მოახდინა გავლენა. 

"აუცილებლად უნდა დაველოდოთ გამოძიებას ამ შემთხვევაში. ბუნებრივია, პანკისის მხარე არის ჩვენი აქილევსის ქუსლი. ეს პრობლემა შევარდნაძის დროს წარმოიშვა და ამ მხარისგან ყოველთვის მოსალოდნელია გართულებები", - აღნიშნულ შეფასებას პოლიტოლოგი იგორ კვესელავა "რეზონანსთან" პანკისში ჩატარებულ სპეცოპერაციასთან დაკავშირებით აკეთებს.

"ევროკომისიის ანგარიში, საუბარია, რომ საქრთველო კვლავ რჩება სხვადასხვა უკანონო საქოლის გადასაზიდ სატრანზიტო ქვეყნად და ევოკავშირის ქვეყნებში მაღალია ქართულ ორგანიზებულ ჯგუფთა დანაშულებრივი ქმედებები. თუე ს მდგომარეობა არ შეიცვლება, მაშინ შესაძლოა, რომ საქართველოსთვის, ვიზალიბერალიზაციის შეჩერების საკითხი მართლაც დადგეს", - ამის შესახებ რეზონანსთან "პოლიტოლოგმა იგორ კვესელავამ განაცხადა.

საქართველოში ელექტროენერგიის მოხმარება მომდევნო 3 წელიწადში დაახლოებით 20%-ით მოიმატებს. მართალია, მიმდინარე პერიოდში დენის საყოფაცხოვრებო მოხმარებაც მატულობს, მაგრამ გადამწყვეტი გავლენა ამ შემთხვევაში არამწარმოებლური დარგების მოზღვავებამ იქონია, რაც ბოლო დროის ერთ-ერთი სერიოზული პრობლემაა როგორც საქართველოში, ასევე მსოფლიოს უამრავ ქვეყანაში. საქართველოში დენის მოხმარების მასშტაბური ზრდა უკავშირდება ბიტკოინის მოპოვების პროცესს, რომელიც მსხვილი ორგანიზაციიდან ლამის ოჯახებშიც შევიდა და ისრუტავს დაახლოებით იმდენივე ელექტროენერგიას, რაც გიგანტურ ქარხნებს საწარმოო პროცესისთვის სჭირდება.

აშშ-თურქეთს შორის დაპირისპირების ფონზე, რომელიც ბოლოს გაერო-ში იერუსალიმის საკითხზე თურქეთის რეზოლუციამ კიდევ უფრო გაამწვავა, რეგიონში ვაშინგტონის საიმედო პარტნიორად თბილისი რჩება, რაც იმას ნიშნავს, რომ შესაძლოა, საქართველოს მიმართ შეერთებული შტატების დაინტერესება და ფასი გაზარდოს და, პოლიტოლოგების შეფასებებით, დიდია ალბათობა, ქვეყნის ტერიტორიაზე ამერიკული სამხედრო კომპონენტების განთავსება მოხდეს.

იმ აზიურ ფაროსანასთან ბრძოლისათვის, რომელიც მოსავალს პირწმინდად ანადგურებს, სახელმწიფომ დამატებით 35 მილიონი ლარი გამოყო. ამ თანხით ახალი ტექნიკისა და პრეპარატების შეძენა მოხდება. მთელი ქვეყნის მასშტაბით განთავსდება 100 ათასზე მეტი ფერომონიანი ხაფანგი. გარემოს დაცვისა და სოფლის მეურნეობის მინისტრმა 2018 წლის სტრატეგია წარადგინა და სამომავლო გეგმებზე დეტალურად ისაუბრა.

2017 წლის განმავლობაში ნახტომისებურმა ინფლაციამ პენსიონერებისა და მათი ოჯახების შემოსავლების მსყიდველუნარიანობა მკვეთრად დააქვეითა. წელიწად-ნახევარია, რაც პენსიის რაოდენობა არ გაზრდილა და ეს ტენდენცია კიდევ გაგრძელდება. ამ პერიდოში სხვადასხვა მოხმარების ნივთზე, სურსათსა და სამედიცინო მომსახურებაზე მომატებული ფასები პენსიონერების მდგომარეობას ართულებს. იმისათვის, რომ ინფლაციის უარყოფითი ზეგავლენა მცირედით მაინც გაენეიტრალებინათ, პენსიის ოდენობა 2017 წელს დაახლოებით 10-15 ლარით უნდა გაზრდილიყო.

"უკრაინის მხრიდან კონფლიქტის სამხედრო გზით გადაჭრის მცდელობის შემთხვევაში, რუსეთი აქტიურად და მასშტაბურად ჩაერთვება. საწინააღმდეგო ვარიანტი დაახლოებით აფხაზური (ან ცხინვალის) სცენარი იქნება", - აცხადებს ბრიგადის გენერალი, ანალიტიკოსი სამხედრო-პოლიტიკურ და უსაფრთხოების საკითხებში ამირან სალუქვაძე "რეზონანსთან" საუბრისას.

"ქართული ოცნება" მაინცდამაინც პროგნოზირებადობით არ გამოირჩევა. ღარიბაშვილი, რომელმაც 2 წლის წინ საზოგადოებას ანგარიში ჩააბარა და მთელი რიგი სამომავლო გეგმები დასახა, ზუსტად 2 დღეში თანამდებობიდან გადადგა.

მსხვილ ქსელურ სუპერმარკეტებს პრობლემები არ ელევათ. მაღალი კონკურენციის პირობებში მაღაზიების უმეტესობას პოზიციების შესანარჩუნებლად ბრძოლა უწევს. რამდენიმე მოთამაშე ბაზრიდან გავიდა კიდეც, ზოგს დიდი ძალისხმევა სჭირდება, რომ კონკურენციისთვის არცთუ ჯანსაღ გარემოში კუთვნილი ნიშა შეინარჩუნოს. ამასობაში მოვლენები ბაზარზე ელვის სისწრაფით იცვლება. პრობლემას სპეციალისტები მაღაზიების არასწორ მენეჯმენტს უკავშირებენ.

აშშ უკრაინისთვის ლეტალური იარაღის მიწოდებას იწყებს. როგორც ცნობილია, ამის მიზეზი უკრაინის სეპარატისტულ რეგიონებში არსებული ვითარებაა. აშშ-ის სახელმწიფო დეპარტამენტის განცხადებით, სამხედრო-ტექნიკური თანამშრომლობა უკრაინის ტერიტორიული მთლიანობის დაცვასა და თავდაცვითი სისტემების შექმნას ემსახურება.

თბილისის მერიამ თბილისის მიწათსარგებლობის გენერალური გეგმის დამტკიცებაზე უარი განაცხადა. საქმე იქამდეც მივიდა, რომ ჯარიმა დაეკისრა გენგეგმაზე მომუშავე ორგანიზაცია "სითი ინსტიტუტი - საქართველოს", რომელმაც, მერიის ინფორმაციით, ხარვეზი გონივრულ ვადაში არ გამოასწორა.