ქვეყანაში შემოსული ტურისტების რაოდენობა მათ მიერ დახარჯულ თანხებთან შეუსაბამოა. ოფიციალური მონაცემებით, საქართველოში 6 მლნ ვიზიტორია შემოსული, თუმცა ეს მაჩვენებელი სპეციალისტებში უნდობლობას იწვევს. მათი თქმით, 6 მლნ-დან მხოლოდ 2 მლნ-ია რეალური ტურისტი. რაც შეეხება მათ მიერ დახარჯულ თანხას, ის საკმაოდ მცირეა.

თბილისის მერობისთვის 14 კანდიდატი იბრძვის, მათ შორის დამოუკიდებელი კანდიდატია ერთი - ალეკო ელისაშვილი; ქალი კანდიდატია ორი - ელენე ხოშტარია და ირმა ინაშვილი; სამ მათგანს აქვს ბიზნესი - კახა კალაძეს, ირმა ინაშვილსა და კახა კუკავას; ყველაზე მდიდარია კახა კალაძე; ხუთ მათგანს სხვადასხვა დროს პოლიტიკური შემოწირულობა აქვს განხორციელებული.

საქართველოს ყოფილი პრეზიდენტი, ამჟამად უკარინის "ახალი ძალების მოძრაობის" ლიდერი მიხელ სააკაშვილი უკრაინის პრეზიდენტს გადადგომისკენ მოუწოდებს. აღნიშნულის შესახებ მან კიევში უკრაინის პარლამენტის წინ გამართულ აქციაზე განაცხადა, რომელიც პოლიციასთან შეტაკებითა და კარვების გაშლით გაგრძელდა.

სავაჭრო ობიექტებში საკვებ და საყოფაცხოვრებო პროდუქტებზე ვადის შეცვლის შემთხვევები საკმაოდ ხშირია. არაკეთილსინდისიერ მეწარმეთა "ფაქტზე გამოჭერა" არც ისე იოლია, ამიტომ მომხმარებელთა უფლებების დამცველ ორგანიზაციებში ამბობენ, რომ სხვადასხვა მიზეზის გამო, ასეთ შემთხვევებზე რეაგირება ყოველთვის ვერ ხერხდება, ამიტომ აუცილებელია, რომ საქმეში შესაბამისი სტრუქტურა ჩაერთოს.

"გამოკითხვები აჩვენებს, რომ ხელისუფლებას გამარჯვების ყველაზე დიდი შანსი აქვს. რატომ უნდა გააყალბოს, რომ შემდგომ ოპოზიციამ იძახოს, არჩევნები გაყალბდაო? ოპოზიცია ცდილობს, შექმნას ის კლიმატი, რომ არჩევნების შედეგებში ეჭვი გააჩინოს," - აცხადებს "რეზონანსთან" ინტერვიუში პოლიტოლოგი რამაზ საყვარელიძე.

2018 წლის ბიუჯეტი ზედმეტად სოციალურია. სპეციალისტების შეფასებით, მთავრობის მხრიდან ქვეყნის მთავარი ფინანსური დოკუმენტი საკმაოდ თამამი ჩანს. მიუხედავად იმისა, რომ ქვეყანაში სოციალური ფონი მძიმეა, სასურველია, ბიუჯეტი განათლებაზე მიიმართოს. გარდა ამისა, მკვეთრად უნდა შემცირდეს საშინაო და საგარეო ვალების ოდენობაც.

"ქვეყანა ადგილობრივი თვითმმართველობის საარჩევნო მარათონშია ჩაბმული. ხელისუფლება და ოპოზიცია დიდ სამზადისშია. "ქართული ოცნება" ოპოზიციის - "ნაციონალური მოძრაობის", "ევროპული საქართველოსა" და ლეიბორისტული პარტიის სამიზნეა. ერთმანეთში ირევა ტყუილი და მართალი, დემაგოგია და ჭეშმარიტება. ალბათ, ამ ადგილობრივი მმართველობის არჩევნებმა ბევრ კითხვას უნდა გასცეს პასუხი", - აცხადებს ისტორიულ მეცნიერებათა დოქტორი იგორ კვესელავა, რომელსაც "რეზონანსი" თვითმმართველობის არჩევნებთან დაკავშირებით გაესაუბრა.

"საქართველო ჯადოსნური კუთხეა, და იმწამს, როცა თქვენ მას ტოვებთ, ყველაფერი სიზმარს ემსგავსება. აქ ხალხიც ჯადოსნურია. სინამდვილეში, ეს ერთ-ერთი ყველაზე უხვი და ულამაზესი ადგილია დედამიწაზე და მისი ხალხი ამის ღირსია", - ეს სიტყვები ეკუთვნის მე-20 საუკუნის კლასიკოსს, ნობელის პრემიის ლაურეატ ჯონ სტეინბეკს, რომელმაც 1947 წელს საბჭოთა კავშირში იმოგზაურა, მოსკოვში, კიევში, სტალინგრადში, მოგზაურობის ბოლო მარშრუტი კი იყო საქართველო, სადაც მან ათი დღე დაჰყო.

ოკუპირებული აფხაზეთის მთავრობა რომ ბოლო პერიოდში განსაკუთრებით გააქტიურდა ევროპაში, ამას აფხაზეთის მედიაში გავრცელებული ინფორმაციაც მოწმობს, რომლის მიხედვითაც, ევროპარლამენტში შესაძლოა, აფხაზეთის მხარდამჭერი სადეპუტატო ჯგუფი შეიქმნას. აღნიშნულ ინიციატივას პოლიტოლოგები ქართული დიპლომატიის პასიურობას უკავშირებენ და არ გამორიცხავენ, რომ რუსეთის ფულით 5-10 კაციანი ჯგუფი შეიქმნას, რომელსაც მართალია, არც გავლენა ექნება და არც ჩვენი ქვეყანის დანგრევას გამოიწვევს, მაგრამ უსიამოვნო ნამდვილად შეიძლება იყოს.

კახა კალაძე, ალეკო ელისაშვილი, ზაალ უდუმაშვილი და ელენე ხოშტარია - ეს კანდიდატები მიიჩნევიან თბილისის მერობისთვის ბრძოლაში მთავარ ოთხეულად და სწორედ ამ ოთხეულზე არის უმთავრესი ყურადღებაც მიპყრობილი - ვინ რა პოზიციებიდან მოდის თბილისის პირველობისთვის ბრძოლაში და ვის რა ძლიერი მხარე აქვს.

"ქართული ოცნება - დემოკრატიული საქართველოს" ვაკის მაჟორიტარობის კანდიდატი გიორგი ბირბიჩაძე მის მთავარ კონკურენტად იმ გამოწვევებს მიიჩნევს, რომლებიც ქალაქის წინაშე დგას. მმართველი გუნდის კანდიდატი პირობას დებს, რომ გააკეთებს მაქსიმუმს, რათა თბილისი ინკლუზიურ ქალაქად იქცეს. მისი აზრით, წარმომადგენლობით და აღმასრულებელ ორგანოებს შორის მჭიდრო თანამშრომლობა და ჯანსაღი ურთიერთობა ქალაქის განვითარებისთვის უმნიშვნელოვანესია.

მარჯვენასაჭიანი მანქანების იმპორტი განბაჟების ახალი ტარიფის დაწესებამაც ვერ შეაჩერა. მართალია, ამ კატეგორიის ავტომობილები რაოდენობრივად ძალიან ცოტა ჩამოდის, მაგრამ ეს ბიზნესი სრულად მაინც არ განადგურებულა, რისი მოლოდინიც იყო. საქართველოს შინაგან საქმეთა სამინისტროს მომსახურების სააგენტოს მონაცემებით, 2017 წლის 1-ლი იანვრიდან 11 ოქტომბრის ჩათვლით, ახალი ტარიფით 1319 მარჯვენასაჭიანი სატრანსპორტო საშუალება განბაჟდა.