ბათუმის საკრებულოს წევრი თემურ კახიძე პარტია „ქართული ოცნებიდან" და საკრებულოს უმრავლესობიდან გარიცხეს. იგი პარტია „ევროპულ საქართველოს" შეუერთდა.

1-ლი ივლისიდან იპოთეკური სესხების სუბსიდირების დაპირებული პროგრამის ამოქმედება ვერ მოხერხდა. წესით, ივლისის დადგომისთანავე მთავრობას მოსახლეობისთვის იპოთეკური სესხების დაფინანსება უნდა დაეწყო, თუმცა, როგორც აღმოჩნდა, სუბსიდირება დადგენილ ვადებში ტექნიკურად ვერ მოესწრო და პროგრამის გაშვება რამდენიმე დღით გადაიწევს. 

„ამით ისინი რამის გამოსწორებას ფიქრობენ თუ ყურადღების გადატანას, ცოტა გაუგებარია", - ასე აფასებს „რეზონანსთან" უმრავლესობის დეპუტატი ნუკრი ქანთარია „ევროპული საქართველოს" ერთ-ერთი ლიდერის, გიგა ბოკერიას განცხადებას იმის შესახებ, რომ „ქართული ოცნება" გერმანიის ელჩის მიერ გაკეთებული განცხადების გამო შექმნილ ვითარებას თავისი კამპანიისთვის იყენებს.

„ოპოზიციის ოპოზიციონერობა - ესაა „ქართული ოცნებისა" და ივანიშვილის საქმე", - ასე პასუხობს „რეზონანსთან", პარტია "ახალი საქართველოს" ლიდერი გიორგი ვაშაძე „სამოქალაქო მოძრაობის" ლიდერის ალეკო ელსაშვილის განცხადებას.

მედიკამენტების რეგისტრაციის ვადა სამჯერ უნდა გაიზარდოს. ასეთია ჯანდაცვის სამინისტროს პოზიცია და მან კანონპროექტი პარლამენტში უკვე წარადგინა. რა იქნება შედეგი და რატომ სურს მთავრობას ბიუროკრატიული ვადების გაზრდა, ეს პარლამენტის დამოუკიდებელ დეპუტატს ეჭვს უჩენს. კანონპროექტს არ ეთანხმებიან არც პროფესიულ წრეებში. მათი აზრით, შედეგი წამლებზე ფასის ზრდა და ბაზარზე ოლიგოპოლია იქნება.

სარეკლამო დრო, ქალთა კვოტირება, დისტანცია საარჩევნო უბნებთან - რა იცვლება საარჩევნო კოდექსში, რომელსაც მმართველი გუნდი დაჩქარებული წესით იღებს. კანონპროექტი იურიდიული კომიტეტის სხდომაზე პირველი მოსმენით მიიღეს. უმრავლესობის წარმომადგენელთა მტკიცებით, ცვლილებები ეუთო/ოდირის რეკომენდაციების საფუძველზეა მომზადებული. ცვლილებები, ძირითადად, ეხება პარტიების დაფინანსების წესს, სიძულვილის ენას საარჩევნო პერიოდში, სარეკლამო დროის გადანაწილებას და პროპორციულ სიაში კვოტირების წესს.

„ძალიან კარგად გვესმის, რომ ამ ხელისუფლების პირობებში საარჩევნო კოდექსი ისეთი ფორმით ვერ იქნება ჩამოყალიბებული, როგორიც ქვეყანას სჭირდება" - ასეთი განცხადება გააკეთა „რეზონანსთან" საუბრისას პარტია „თავისუფალი საქართველოს" ლიდერმა კახა კუკავამ.

საქართველოს ეკონომიკა მაისში 13.5%-ით შემცირდა. მიუხედავად იმისა, რომ საგანგებო რეჟიმი მხოლოდ 22 მაისს მოიხსნა, ეკონომიკის გახსნა უფრო ადრე დაიწყო, მაგრამ, როგორც ჩანს, ეს არ აღმოჩნდა საკმარისი. ახლა მთავარია, როგორი იქნება შემცირების ტემპი შემდეგ თვეებში და მოახერხებს თუ არა საქართველო მშპ-ის ვარდნის შეჩერებას მაინც, რადგან 2020-ში ზრდის მოლოდინი ნულოვანია.

ულუმბოს მონასტერი, რომელიც მდებარეობს ქართლში მდინარე ჭერათხევის ერთ-ერთ ხეობაში, ვახუშტი ბატონიშვილის ცნობით, ულუმბოს დაუარსებია მიქაელ ულუმბოელს, ასურელ მამათაგან ერთ-ერთს. „ჭერთახევის... სერს ზეით არის მონასტერი ულუმბას, უგუნბათო, დიდი, დიდშენი, მიქაელ იგ (13) მამათაგანის ქმნილი, და დაფლულ არს მიქაელ მუნვე ზის წინამძღვარი“ - წერს ვახუშტი ბატონიშვილი.

„ხელისუფლებას არ აწყობს „გაერთიანებულ ოპოზიციაში" ბლოკების შექმნა, რადგან, დიდი ალბათობით, ყველაზე მეტ მანდატს მაინც „ოცნება" მიიღებს, კონსტიტუციით კი მას ექნება უპირატესობა დააკომპლექტოს მთავრობა. ერთიანი ბლოკის შექმნა არ აწყობს „ნაციონალურ მოძრაობას", რადგან 1%-იანი ბარიერის შემთხვევაში, თუ „ძალა ერთობაშიაში" შემავალი პარტიებიდან ბარეირი ვერ გადალახეს, მაშინ „ნაციონალურ მოძრაობას" მოუწევს თავისი ხმების ჩუქება", - აცხადებს პოლიტოლოგი ვახტანგ ძაბირაძე ოპოზიციაში რამდენიმე ბლოკის შესაძლო შექმნასთან დაკავშირებით.

კორონავირუსის ახალმა მუტაციამ შესაძლოა მისი ვირულენტობა გაზარდოს, რასაც ეპიდემიის უფრო ფართოდ გავრცელება მოჰყვება - ამის შესახებ „რეზონანსს" თბილისის ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ განუცხადა.

„ქართული პოლიტიკოსების განცხადებებზე ალბათ, დასავლეთი იფიქრებს, რომ ტემპერამენტი მაღალი გვაქვს", - ასე ეხმაურება „რეზონანსთან" საუბრისას პოლიტოლოგი რამაზ საყვარელიძე დასავლეთის კრიტიკაზე ქართველი პოლიტიკოსების რეაქციებს.