მმართველი პარტიის თავმჯდომარის, ბიძინა ივანიშვილის რეიტინგმა ხელისუფლებაში „ქართული ოცნების“ მოსვლის შემდეგ ყველაზე დაბალ ნიშნულს მიაღწია. ორშაბათს გამოქვეყნებული აშშ-ის „ეროვნულ დემოკრატიული ინსტიტუსის“ („ენ-დი-აი“) კვლევის მიხედვით, ივანიშვილის მიმართ უარყოფითი დამოკიდებულება გამოკითხულთა 39%-მა დააფიქსირა.

ანალიტიკოსი კორნელი კაკაჩია „რეზონანსთან“ შუალედური არჩევნების  შედეგებს აფასებს და ამბობს, რომ რეალურად არჩევნების დღეს გაყალბება არ ყოფილა, თუმცა ხელისუფლებამ ამაზე ერთი კვირით ადრე  იზრუნა. კაკაჩია აცხადებს, რომ „ოცნებამ“ გაყალბების მეთოდები შეცვალა და ამას არჩევნებამდე მოსახლეობის მოსყიდვით, დაშინებით და ადმინისტრაციული რესურსის გამოყენებით ახრეხებს. 

„აჟიოტაჟი არაფრის გამო ატყდა. „ნაციონალური მოძრაობა“ არ არის „ოცნება“, განსხვავებული აზრის გამოთქმის გამო ხალხს პარტიიდან რომ რიცხავენ. პარტიაში ყოველთვის იყო და იქნება განსხვავებული აზრი, რომელიც საჯაროდ გამოდის და  კულუარებში არ იმალება“, - ასე ეხმაურება პარლამენტარი რომან გოცირიძე ხმებს იმის თაობაზე, რომ „ნაცონალურ მოძრაობაში“ განხეთქილებაა.

ივნისის ბოლოს, სულ რაღაც ერთ თვეში, შესაძლოა რუსეთს ევროსაბჭოში ხმის უფლება დაუბრუნონ, რომელიც 5 წლის წინ ყირიმის ანექსიის გამო ჩამოართვეს. ყირიმი დღესაც ანექსირებულია და ამის ფონზე ხმის უფლების აღდგენა ეს ცინიზმია, ეს იქნება რუსეთის ტრიუმფალური დაბრუნება ევროსაბჭოში, რადგან მოსკოვს ავტომატურად მოეხსნება ბოლო წლების მკაცრი რეზოლუციების შესრულების ვალდებულება, ხოლო ევროპისთვის ეს იქნება რუსეთის წინაშე უპრინციპობის გამოვლენა - ასე მიიჩნევენ უკრაინასა და საქართველოში.

„ჩვენ თავად ვაპირებთ პერმანენტული აქციების დაწყებას, მოთხოვნით - ჩატარდეს არჩევნები პროპორიცული სისტემით. ეს არის ჩვენი პარტიის „კანონი და სამართლის“ ძირითადი მოთხოვნა, რათა საქართველოში არჩევნები საერთოდ ფიქციად არ იქცეს“, - ასე ეხმაურება პარტია „კანონი და სამართალის“ თავმჯდომარე თაკო ჩარკვიანი ზუგდიდის მერობის ყოფილი კანდიდატის სანდრა რულოვსის მიერ დაანონსებულ საპროტეტსო აქციებს, რომელიც ზუგდიდიდან დაიწყება.

აფხაზეთში, ფინანსების მოზიდვის ერთერთი მთავარი წყარო -ტურისტული სეზონი ჩაშლის ზღვარზეა. რუსმა ტურისტებმა მასიურად დაიწყეს ზაფხულისათვის აფხაზეთის სასტუმროებში დაჯავშნული ნომრების ჯავშანის გაუქმება. ოპოზიციის აქციების გამო კი აფხაზებმა 2 დღეში 1.5 მილიონი რუბლი (დაახლოებით 64 ათასი ლარი) დაკარგეს, რაც შესაძლოა რუსი ტურისტების ვიზიტებს მოეტანა.

„როდესაც ამომრჩეველთა აქტივობა დაბალია, ყოველთვის გადამწყვეტი ხდება პარტიული აქტივი და დაფინანსება, შედეგებიც შესაბამისია," - ასე აფასებს 19 მაისს გამართული შუალედური არჩევნების შედეგებს კობა დავითაშვილი, რომელმაც მთაწმინდის რაიონში მაჟორიტარობის დამოუკიდებელ კანდიდატად იყარა კენჭი.

თუკი აფხაზეთის ე.წ. პრეზიდენტი რაულ ხაჯიმბა ოპოზიციის მოთხოვნებს არ გაითვალისწინებს, აფხაზეთში შესაძლოა სისხლისღვრა დაიწყოს. ამის შესახებ „რეზონანსთან“ საუბრისას. ქართულ-აფხაზური სამოქალაქო დიალოგის პროექტის ქართული მხარის კოორდინატორმა პაატა ზაქარეიშვილმა განაცხადა.

„კობიაშვილის მდგომარეობაში შევდივარ - ის საქართველოს ფეხურთის ფედერაციის პრეზიდენტია და საერთაშორისო თვალსაზრისით რამხელა დარტყმაა... საქართველოში ფეხბურთი ჩვენთვის მართლაც წმინდაა, ჩვენი ცხოვრების ნაწილია და რაც არ უნდა მკაცრები ვიყოთ, ის ფეხბურთელები შესაცოდები იქნებიან, რომელებიც ასეთ ცდუნებაში ჩავარდნენ," - ასე აფასებს „რეზონანსთან" საუბრისას პარლამენტის სპორტის კომიტეტის თავმჯდომარე მიხეილ ყაველაშვილი გარიგებულ მატჩებთან დაკავშირებით ფეხბურთელების დაკავებას.

„მთაწმინდაზე არჩევნები მართლაც რომ საჩვენებელი იყო. მიუხედავად სიმძაფრისა, პოლიტიკურ ველზე ვინც ვიყავით, პიროვნულ დონეზე ბოლომდე შევინარჩუნეთ  ურთიერთპატივისცემა. ვფიქრობ, მეორე ტურში აქტივობა მაღალი იქნება და ამომრჩეველი არჩევანს გააკეთებს კონსტრუქციას და დესტრუქციას შორის“, - აცხადებს „ქართული ოცნების“ მაჟორიტარი დეპუტატობის კანდიდატი მთაწმინდის ოლქში ლადო კახაძე „რეზონანსთან“ საუბრისას.

ანალიტიკოსმა რამაზ საყვარელიძემ „რეზონანსთან" საუბრისას NDI-ის („ენ-დი-აი") დღეს გამოქვეყნებული კვლევები შეაფასა. საყვარელიძე ამბობს, რომ პარტიების რეიტინგის ნაწილში კვლევა სანდოა, რადგან ეხმიანება ძველი კვლევების შედეგებს.

„ამ განცხადებაში სექსისტურს ვერაფერს ვხედავ. ეს არის ძალიან კეთილი რჩევა, თუ გაითვალისწინებს კარგი იქნება. ძალიან გონივრული რჩევაა სწორედ არსებული ვითარებიდან გამომდინარე, - ოჯახს და შვილებს სჭირდებათ დედა, მეუღლესაც ალბათ სჭირდება ცოლი," - ასე აფასებს „რეზონანსთან" საუბრისას უმრავლესობის წევრი ნუკრი ქანთარია პარტია „ქართული ოცნება - დემოკრატიული საქართველოს" პოლიტიკური მდივნის ირაკლი ღარიბაშვილის მიერ ზუგდიდის მერობის ყოფილ კანდიდატ სანდრა რულოვსზე გაკეთებულ განცხადებას, რომელსაც საზოგადოების ნაწილი სექსისტურად მიიჩნევს.