"გაყალბების საშიშროება იქნება მაშინ, თუ ამას მოინდომებენ არამარტო "ქართული ოცნება", არამედ "ნაციონალური მოძრაობა" და ის პარტიები, რომელთაც წევრები ჰყავთ საოლქო კომისიაში. სხვაგვარად გაყალბება გაჭირდება. არა მგონია, კარუსელებზე და რაღაცებზე იყოს საუბარი. გულწრფელად ვთქვათ, "ქართულ ოცნებას" ეს არ სჭირდება", - ამბობს "რეზონანსთან" საუბრისას ანალიტიკოსი ვახტანგ ძაბირაძე.

სექტემბრის თვეში ბათუმის შოთა რუსთაველის სახელობის სახელმწიფო უნივერსიტეტმა უმასპინძლა მე-9 საერთაშორისო კონფერენციას "მშენებლობისა და არქიტექტურის პრობლემებზე". "რეზონანსი" კონფერენციის მიზნებისა და შედეგების შესახებ ესაუბრა მის ორგანიზატორსა და ხელმძღვანელს საქართველოში, ააიპ "განათლებისა და მეცნიერების პროგრესის" პრეზიდენტს, საქართველოს მეცნიერებისა და ტექნიკის დარგის სახელმწიფო პრემიის ლაურეატს, ტექნიკის მეცნიერებათა დოქტორს, პროფესორ გელა ყიფიანს.

საოკუპაციო რეჟიმის მიერ გალში მცხოვრები ქართველებისთვის ე.წ. ბინადრობის ნებართვის გაცემა გრძელდება და უკვე გაირკვა, რომ, მინიმუმ, 4 000 ქართველს ეს საბუთი აღარ მიეცემა, რაც იმას ნიშნავს, რომ 4 000 გალელს საკუთარ სახლში ჩასვლის უფლებას აღარ მისცემენ და აფხაზეთიდან ქართველების თანდათანობით გამოსახლება მოხდება.

"პროპორციულ სისტემაზე გადასვლა მას შემდეგ გადავადდა, რაც "ევროპულმა საქართველომ" ცვლილების მხარდაჭერაზე "ოცნებასთან" დახურულ კარს მიღმა შეხვედრისას უარი თქვა", - განაცხადა პარლამენტის თავმჯდომარე ირაკლი კობახიძემ ახალი კონსტიტუციის დამტკიცებისას პარლამენტის რიგგარეშე სხდომაზე.

"აღმოსავლეთ პარტნიორობის" ნოემბრის სამიტის მოახლოებასთან ერთად, სულ უფრო იკვეთება მისაღები გადაწყვეტილებების კონტურები. გასულ კვირას ევროკავშირის წევრი ქვეყნების წარმომადგენლებმა შეათანხმეს დეკლარაციის ყველაზე სადავო პუნქტი, ხოლო ევროპარლამენტის საგარეო საქმეთა კომიტეტმა მიიღო რეზოლუცია, რომელიც მოიცავს პარლამენტარების რეკომენდაციებს.

მოახლოებული არჩევნების ფონზე საქართველოს დედაქალაქი განსაკუთრებული ყურადღების ქვეშაა. თბილისი ირჩევს მერს, რომელმაც მომავალი 4 წლის განმავლობაში უნდა უზრუნველყოს ქალაქის ახლებურად განვითარება. მმართველი გუნდის მერობის კანდიდატი კახა კალაძე წინასაარჩევნო პროგრამაში აქცენტს რამდენიმე მნიშვნელოვან მიმართულებაზე აკეთებს. სატრანსპორტო პრობლემებისა და ინფრასტურქტურული პროექტების განვითარებასთან ერთად, აქცენტი გაკეთდება ახალგაზრდა თაობის სრულფასოავნ მონაწილეობაზე დედაქალაქის აქტიურ ცხოვრებაში.

"ქართულ ოცნებაში" კონსენსუსი არ იყო - ეს ზღაპრები მოუყვნენ თავიანთ ბავშვებს სახლში. თუ არსებობს პოლიტიკური ნება, კონსენსუსი შიდა პარტიაში ყოველთვის შეიძლება იყოს მიღწეული",- განაცხადა პოლიტოლოგმა გია ხუხაშვილი "მთელ კვირასთან" საუბრისას.

თბილისის მერობის რამდენიმე კანდიდატი გამარჯვების შემთხვევაში მერიაში დიდ საკადრო რეორგანიზაციასა და შემცირებას გეგმავს. ზოგიერთი მათგანი აცხადებს, რომ მერიაში სულ 50 თანამშრომელს დატოვებს, ზოგიერთი კი რიცხვს არ არასახელებს, თუმცა ნეპოტიზმთან ბრძოლას აანონსებს.

დედაქალაქის ინფრასტრუქტურის განვითარებასთან დაკავშირებით თბილისის მერობის კანდიდატებს თითქმის ერთნაირი გეგმები აქვთ - გზების რეაბილიტაცია, სარეკრეაციო ზონების მოწყობა, ძველი სახლების გამაგრება, ლიფტების, სახურავების შეკეთება და ა.შ. აქ განსხვავება მხოლოდ ის არის, რომ ზოგიერთი კანდიდატისთვის ეს საკმაოდ მნიშვნელოვანი პრობლემაა, ზოგიერთი კი აქცენტს მაინც სოციალურ და სატრანსპორტო პროგრამებზე აკეთებს.

21 ოქტომბერს თვითმმართველობის არჩევნებზე ეგზიტპოლს მხოლოდ 2 ტელეკომპანია ჩაატარებს - "რუსთავი 2" და "იმედი". საზოგადოებრივმა მაუწყებელმა წელს ტრადიციას უღალატა და ეგზიტპოლის ჩატარებაზე უარი თქვა. შედეგები საარჩევნო უბნების დახურვის შემდეგ, 8 საათზე გამოქვეყნდება და არ არის გამორიცხული, მკვეთრად განსხვავებული მონაცემები დაიდოს.

ამ კონსტიტუციით ევროპული დემოკრატიის ნაცვლად მივიღეთ "ბიძინოკრატია"; არ გაგიკვირდეთ, თუ მომავალში 1-ლარიანი სურვილი მილიარდერს ისევ გაუჩნდეს და 1 ლარის ფარგლებში მან, მაგალითად, პრეზიდენტის სასახლეც მიითვისოს. დიახ, ბელადი უკვე გვყავს და ახლა ველოდებით, რა გვარის იქნება 21-ე საუკუნის ლავრენტი ბერია. სადაც ბელადია, იქ მისი სურვილების შემსრულებელიცაა," - აცხადებს "დამოუკიდებელ ექსპერტთა კლუბის" პრეზიდენტი სოსო ცისკარიშვილი.

აფხაზეთის დე ფაქტო პრეზიდენტმა რაულ ხაჯიმბამ აფხაზეთის ტერიტორიაზე გართულებული კრიმინოგენული სიტუაციის გამო ე.წ. შს მინისტრი, ასლან კობახია გადააყენა. მის ადგილზე გენერალი გარი არშბა დაინიშნა, რომელიც 11 წლის განმავლობაში რუსეთის ფედერაციის ძალოვან უწყებებში სხვადასხვა სამმართველოს უფროსად მუშაობდა. თუმცა, მის მიერ აფახაზეთში კრიმინალური სიტუციის გამოსწორების იმედი კავკასიოლოგ მამუკა არეშიძეს არ აქვს. როგორც “რეზონანსთან”  საუბრისას აცხადებს, გარი არშბა სოხუმის მილიციის უფროსიც იყო, თუმცა, მისი ხელმძღვანელობის დროს სოხუმში სიტუაცია არ შეცვლილა.