მიხეილ სააკაშვილისთვის უკრაინის მოქალაქეობის ჩამორთმევა, შესაძლოა - პოლიტიკურად სასარგებლო, ხოლო საქართველოსა და უკრაინის იმიჯისთვის დამაზიანებელი აღმოჩნდეს. იურისტების ნაწილი მიიჩნევს, რომ ამით სააკაშვილს საშუალება ეძლევა, ორივე ქვეყანაში სამართლებრივი პროცედურები წამოიწყოს, ხოლო გაეროს მისი მფარველობის ქვეშ აყვანა სთხოვოს. ნაწილის აზრით კი, მისი მხრიდან გადაწყვეტილების გასაჩივრებას უკრაინაში მაინც არ დააკმაყოფილებენ, იმის ალბათობა კი, რომელიმე ქვეყანამ თავშესაფარი მისცეს, მინიმალურია.

"ჩვენი ხელისუფლების წარმომადგენლებს უნდა ეყოთ გონიერება, რათა სააკაშვილის ექსტრადირება არ მოითხოვონ. ისეთ ვითარებაში, რომელშიც ჩვენი საბრალო კონსტიტუციაა და ცეცხლოვანი პოლიტიკური გარემო, არ არის აუცილებელი, ცეცხლზე ნავთი დავასხათ და საქართველოში იმ ადამიანის დაბრუნება მოვითხოვოთ, რომელსაც თითქმის 5 წელია, არ უცხოვრია ამ ქვეყანაში, აღარ არის ჩვენი ქვეყნის მოქალაქე," - აცხადებს პოლიტოლოგი სოსო ცისკარიშვილი "რეზონანსთან" საუბრისას.

"მერობის ნიბისმიერ კანდიდატს მხარს დავუჭერდი მხოლოდ იმ შემთხვევაში, თუ მოსვლის მეორე დღესვე ქალაქგეგმარების აუდიტს დაიწყებს. სააკაშვილის თუ ამჟამინდელი ხელისუფლების დროს აშენებული ყველა შენობის ნებართვის გამცემი, ხელის მომწერი თუ არქიტექტორი უნდა გამოჩნდეს, ვინც ასე უნამუსოდ მოექცა საკუთარ ქალაქს და ეს ინფორმაცია გასაჯაროვდეს. მაშინ დავიჯერებ, რომ ამ მერს ქალქისთვის სიკეთე უნდა," - აცხადებს არქიტექტორ-ურბანისტი ლადო ვარდოსანიძე "რეზონანსთან" საუბრისას.

უკრაინის "რადიკალური პარტიის" წევრ იგორ მოსიიჩკის მიერ ფეისბუქზე გავრცელებული ინფორმაციით, საქართველოს ყოფილ პრეზიდენტ მიხეილ სააკაშვილს უკრაინის მოქალაქეობა ჩამოართვეს, რასაც ოდესის ყოფილი გუბერნატორის პრესმდივანი დარია ჩიჟი უარყოფს. "საიმიგრაციო სამსახურის სპიკერმა ახლახან ოფიციალურად უარყო ინფორმაცია სააკაშვილისთვის მოქალაქეობის ჩამორთმევის შესახებ", - განუცხადა ჩიჟმა უკრაინულ მედიას.

რუსეთმა ჩრდილოეთ ოსეთში სარაკეტო სისტემა "ისკანდერები" სრულ სამხედრო მზადყოფნაში მოიყვანა, ოკუპირებულ სამხრეთ ოსეთშიც ორშაბათიდან გრძელდება მასშტაბური რუსული სამხედრო წვრთნები, რაც, უსაფრთხოების სპეციალისტების განცხადებით, არის "მოსკოვის ძალის დემონსტრირება მუქარის ქვეტექსტით."

"ეროვნულ-დემოკრატიული ინსტიტუტის" კვლევის თანახმად, ევრაზიულ კავშირში გაწევრიანების მსურველთა რიცხვი, წინა კვლევასთან შედარებით, მომატებულია. კვლევის მიხედვით, გამოკითხულთა 23% ეთანხმება მოსაზრებას, რომ საქართველო უნდა გაწევრიანდეს ევრაზიულ კავშირში.

"დასავლეთმა კონკრეტული მოთხოვნები უნდა წაუყენოს მოსკოვს და არა მხოლოდ მინსკის შეთანხმების შესრულება უნდა იყოს სავალდებულო, არამედ მან პასუხისმგებლობა უნდა აიღოს ყირიმის, აფხაზეთისა და ცხინვალის რეგიონის პრობლემების მოგვარებაზეც"- აცხადებს პოლიტოლოგი ნიკა ჩიტაძე "რეზონანსთან" ინტერვიუში და აქვე აღნიშნავს, რომ აღმოსავლეთ უკრაინაში სიტუაციის დასარეგულირებლად აუცილებელია, უკრაინას შეტევითი ხასიათის იარაღი გადაეცეს.

"აშშ-ის ვიცე-პრეზიდენტის ვიზიტი კიდევ ერთხელ დაამტკიცებს, რომ ახალი ადმინისტრაცია არ აპირებს სტრატეგიული მოკავშირეების უყურადღებოდ დატოვებას და ერთგულია იმ მისწრაფებების, რაც აკავშირებს საქართველოსა და უკრაინასთან," - აცხადებს პოლიტოლოგი, თსუ-ს პროფესორი კორნელი კაკაჩია "რეზონანსთან" საუბრისას.

5-წლიან დავაზე, რომელიც 2010 წელს კომპანიის აქციონერების მიერ ქონების იძულებით დათმობას ეხება, თბილისის საქალაქო სასამართლომ "თბილავიამშენის" აქციონერების სარჩელი არ დააკმაყოფილა. "თბილავიამშენის" საკონტროლო პაკეტის ყოფილი მფლობელი პანტიკო თორდია საქალაქო სასამართლოს გადაწყვეტილებას უსამართლოს უწოდებს. მისი თქმით, პროცესი ზემდგომი პირებისგან იმართებოდა, პროცესის მონაწილეები მათ დავალებებს ასრულებდნენ.

"როგორც იქნა, ტრამპმა მოიცალა საქართველოსთვის", - ასე ეხმაურებიან პოლიტოლოგები აშშ-ის ვიცე-პრეზიდენტის ვიზიტს საქართველოში. როგორც ცნობილია, მაიკ პენსი 31 ივლისს, ორი დღით ჩამოვა და საქართველოს პირველ პირებს, პრეზიდენტსა და პრემიერ-მინისტრს შეხვდება.

ოკუპირებულ "სამხრეთ ოსეთში" შესაძლოა, მალე რუსეთის საპატრიარქოსადმი დაქვემდებარებული ეკლესია აშენდეს და თან, ოსმა ახალგაზრდებმა რუსეთის სასულიერო აკადემიაში ისწავლონ.

"რუსეთი ავადმყოფურად განიცდის საქართველო-ნატო-ს, საქართველო-დასავლეთის დაახლოებას და ცდილობს, რომ ამას ხელი შეუშალოს", - აცხადებს "არსენალის" მთავარი რედაქტორი ირაკლი ალადაშვილი "რეზონანსთან" საუბრისას.