"არ მინდა, ამ ინციდენტზე (ფარცხალაძის მიერ თორდიას ცემა) რაიმე წინმსწრები დასკვნები გამოვიტანო. გამოძიება ვალდებულია, სრულყოფილად გამოიძიოს ეს საქმე, ეს თავდასხმა არის სახელმწიფო თანამდებობის პირის ჯანმრთელობის ხელყოფა. აქ უკვე ხელისუფლების პრესტიჟზეა საუბარი და ძალიან გამიკვირდება, თუ ეს საქმე ჩაიფარცხება და ეს ხელისუფლებისადმი ნდობაზე აისახება," - აცხადებს ანალიტიკოსი ზაალ ანჯაფარიძე.

საქართველო, უკრაინა და მოლდოვა ევროკავშირს თანამშრომლობის ახალ ერთობლივ ფორმატს შესთავაზებენ. საუბარია აღმოსავლეთ პარტნიორი ქვეყნების და ასოცირებული სახელმწიფოების დიფერენცირებაზე, თუმცა უფრო კონკრეტულად, რა შეთავაზება იქნება ასოცირებული პარტნიორების მხრიდან, უცნობია. ოფიციალური თბილისი აცხადებს, რომ ამ საკითხზე ახლა მსჯელობენ.

 საქართველოს საპარტნიორო ფონდის თავმჯდომარე დავით საგანელიძე ჩინეთში, სოფლის მეურნეობის საერთაშორისო გამოფენაზე, ორგანიზატორების ეგიდით გამართულ შეხვედრებში აფხაზეთის დე ფაქტო ხელისუფლების ოფიციალურ პირთან, სენერ გოგუასთან ერთად მონაწილეობდა.

საპარლამენტო უმრავლესობის წევრ გუგული მაღრაძის თქმით, თვითმმართველი ქალაქების რაოდენობა უნდა შემცირდეს. "ქართული ოცნების" მიერ თავის დროზე განხორციელებულმა რეფორმამ არ გაამართლა. ამბობს, რომ საზოგადოების პროტესტს და მოთხოვნას იმ შემთხვევაში გაითვალისწინებენ, თუ ამასთან დაკავშირებით დასაბუთებული არგუმენტი ექნებათ.

"გათავხედებული საპარლამენტო ნაწილისთვის უინტერესოა სახალხო განხილვაზე ფიქრი, რადგან ვიდრე ამაზე დაიწყებდნენ საუბარს, მათ უკვე ჰქონდათ სრულიად მკაფიო მითითება, რა როგორ უნდა ყოფილიყო შეცვლილი. ეს განხილვა ევროპული დემოკრატიის სივრცეში ვერ მოთავსდება და დემოკრატიის უკეთესი სტანდარტები ალბათ რომელიმე მიყრუებულ სოფელში უნდა ვეძიოთ", - აღნიშნულ შეფასებას პოლიტოლოგი სოსო ცისკარიშვილი "რეზონანსთან" საყოველთაო-სახალხო განხილვასთან დაკავშირებით აკეთებს.

უახლოეს დღეებში ბათუმში საქართველო, თურქეთი და აზერბაიჯანი თავდაცვის სფეროში ურთიერთობის გაღრმავებისთვის სამმხრივი ფორმატის თანამშრომლობის მემორანდუმის გაფორმებას გეგმავენ, რაც ექსპერტების ნაწილში უკვე ფასდება, როგორც რეგიონში ერთგვარი ახალი საპირწონე ალიანსის შექმნა - თურქულ-ქართულ-აზერბაიჯანული თანამშრომლობა სომხურ-რუსულ და ალბათ პლუს ირანის გაერთიანების დასაბალანსებლად.

5 მაისს აშშ-ის პრეზიდენტ დონალდ ტრამპის მიერ საქართველოს ტერიტორიული მთლიანობის მხარდამჭერი აქტის ხელმოწერას ოკუპირებული აფხაზეთის ე.წ. საგარეო საქმეთა სამინისტროს მწვავე გამოხმაურება მოჰყვა.

სოფელ იონჩასთან, ზნაურის მიმართულებით, ზაფხულიდან ახალ მავთულხლართებს გააბამენ, - ამის შესახებ ინფორმაციას ჟურნალისტი გოგა აფციაური ავრცელებს.

საკონსტიტუციო კომისიის სახალხო განხილვა დასასრულს უახლოვდება. კონსტიტუციის პროექტთან დაკავშირებით 7 რეგიონში მოსახლეობამ საკუთარი პოზიცია უკვე გამოთქვა. როგორც აღმოჩნდა, ძირითადი შენიშვნები საარჩევნო საკითხებს ეხებოდა, თუმცა გაიზიარებს თუ არა "ოცნება" მათ პოზიციას, უცნობია. შეხვედრების შეჯამებას პარლამენტის თავმჯდომარე სახალხო განხილვის დასრულების შემდეგ აპირებს.

პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი სამხედრო-სავალდებულო სამსახურში გაწვევისგან თავის არიდებასთან დაკავშირებით საკანონმდებლო ცვლილებებზე მუშაობას იწყებს, რისი მიზეზიც პოლიტიკური გაერთიანება "გირჩის" მიერ რეგისტრირებული რელიგიური ორგანიზაცია "ბიბლიური თავისუფლება" გახდა. აღნიშნული ორგანიზაციის მიზანი კი ახალგაზრდების მღვდელმსახურებად კურთხევა და ამ გზით სავალდებულო სამხედრო სამსახურის გადავადებაში დახმარებაა.

"არ მიმაჩნია, რომ საკონსტიტუციო განხილვა კარგად არის გააზრებული. ასეთი დებატები მოსახლეობას შეუძლია ნახოს გადაცემებში, პარლამენტში და ა.შ. სახალხო განხილვის მთავარი რესურსი არის ის, რომ საზოგადოების მონაწილეობა გახდეს უფრო აქტიური და მათი მხარე დაინახონ პოლიტიკოსებმა, ვიდრე პირიქით. ეს რესურსი კი არასდროს არის გამოყენებული და განხილვა კარგავს ფუნქციას", - აცხადებს პოლიტოლოგი რამაზ საყვარელიძე "რეზონანსთან" საუბრისას.

2007 წლიდან დღემდე, 10 წლის განმავლობაში, სამუშაო ადგილებზე დაღუპულია 429 ადამიანი, მძიმედ დაშავებულია 728. ეს არის სტატისტიკა მშრალი ციფრებით და დიდი ტრაგედია თითოეული გარდაცვლილის ოჯახისთვის. ამას სამშაბათს ტყიბულის შახტში 4 ადამიანის სიკვდილიც შეემატა.