"როგორც წესი, დამსაქმებელს მიდრეკილება აქვს იმისკენ, რომ, უბედური შემთხვევა იქნება თუ საწარმოო ადგილზე ტრავმა, დააბრალოს უშუალოდ მსხვერპლს... სამწუხაროდ, ძალიან ხშირად ადგილზე მორიგებები ხდება, როდესაც დამსაქმებელი რაღაც მინიმუმს მიუგდებს დაზარალებულის ოჯახს," - სამუშაო ადგილებზე გარდაცვლილთა და მძიმედ დაშავებულთა შესახებ საუბრობს გაერთიანებული პროფკავშირების მთავარი იურისტი რაისა ლიპარტელიანი.

ტელეკომპანია "თრიალეთი" ჟურნალისტებზე ზეწოლაზე საუბრობს და ამაში ხელისუფლებას, კერძოდ - "ქართული ოცნების" ქარელის რაიონის მაჟორიტარ დეპუტატ გიორგი თოთლაძეს ადანაშაულებს. თავად თოთლაძე ბრალდებას აბსურდულს უწოდებს და კომენტარის გაკეთებისგან თავს იკავებს.

საკონსტიტუციო პროექტთან დაკავშირებით არასაპარლამენტო ოპოზიცია ვენეციის კომისიის დასკვნას ელოდება. იმედოვნებენ, რომ ყველა მათი შენიშვნა ასახული იქნება, რომელსაც შემდეგ ხელისუფლება გაითვალისწინებს. წინააღმდეგ შემთხვევაში კი "პროცესის რადიკალიზაციით" იმუქრებიან. "როდესაც ჩიხური ვითარებაა და სხვა გამოსავალს ხელისუფლება არ ტოვებს, იწყება ქუჩის აქციები გამოსვლები და სხვა", - ამბობს "რეზონანსთან" საუბრისას "დემოკრატიული მოძრაობა - ერთიანი საქართველოს" წევრი გიორგი ახვლედიანი.

"მმართველობის პატრონყმურ სისტემას ვერანაირი კონსტიტუცია ვერ შეცვლის, თუმცა სამომავლოდ სჯობს, კარგი ტექსტი გვქონდეს და არა ცუდი. ახლანდელი პროექტი ნამდვილად სჯობს იმას, რაც სააკაშვილმა დაგვიტოვა," - აცხადებს ექსპერტი პეტრე მამრაძე, რომელსაც "რეზონანსი" საკონსტიტუციო ცვლილებეთან დაკავშირებით გაესაუბრა.

მიწის უცხოელებზე გასხვისების საკითხთან დაკავშირებით პარლამენტის თავმჯდომარე ირაკლი კობახიძემ საკონსტიტუციო ცვლილებების პროექტის საყოველთაო-სახალხო განხილვაზე განაცხადა, რომ ხელისუფლებამ შუალედური მიდგომა აირჩია.

"ორ თვეში ძალზე მნიშვნელოვანი საპარლამენტო არჩევნებია საფრანგეთში და არანაკლებ გადამწყვეტ როლს შეასრულებს საფრანგეთის ახალ პრეზიდენტ ემანუელ მაკრონის გამარჯვება ან დამარცხება საპარლამენტო არჩევნებში," - აცხადებს პოლიტოლოგი სოსო ცინცაძე, რომელსაც "რეზონანსი" საფრანგეთში საპრეზიდენტო არჩევნების შედეგზე გაესაუბრა.

საპატრიარქოში დიდი უკმაყოფილებაა იმის გამო, რომ წმინდა სინოდის კრებაზე, გაფრთხილების მიუხედავად, ჭყონდიდის მიტროპოლიტი პეტრე ცაავა მედიაში ისევ აგრძელებს აქტიურობას და საპატრიარქოსა თუ შორენა თეთრუაშვილის კრიტიკას.

ტელეკომპანია "რუსთავი 2"-ის დამფუძნებლები დავით დვალი და ჯარჯი აქიმიძე პროკურატურამ დაზარალებულ მხარეებად ცნო. შეიცვლება თუ არა ტელეკომპანიის წილებთან დაკავშირებით რამე, უახლოეს მომავალში გაირკვევა. დვალი ორ მნიშვნელოვან საკითხზე საუბრობს და ამბობს, რომ გამოძიების შემდეგ დავას სასამართლოში გააგრძელებენ. მისი თქმით, სამართლიანობის აღდგენაზე უარს არავითარ შემთხვევაში არ იტყვიან.

9 მაისს ფაშიზმზე გამარჯვების 72-ე წლისთავი აღინიშნება. ამ დღესთან დაკავშირებით, თბილისის მერიის ჯანდაცვისა და სოციალური მომსახურების საქალაქო სამსახურის "ომის ვეტერანთა დახმარების" პროგრამის ფარგლებში, ფაშიზმზე გამარჯვების დღესთან დაკავშირებით, ომის ვეტერანებს ერთჯერადი ფინანსური დახმარება გაეწიათ - მეორე მსოფლიო ომის მონაწილე 326 ვეტერანს 600-600 ლარი ჩაერიცხა.

"იმ სასტიკი ომის სიმბოლო, რომელიც 2012 წელს მოვიგეთ, იყო გირგვლიანი, ხოლო მურუსიძე იყო ანტისიმბოლო. ამ ხელისუფლებამ ეს ანტიგმირი დღეს ქართული სასამართლოს სახე გახადა, ლამის ეკრანებიდან არ ჩამოდის. გირგვლიანი, როგორც ამ ქვეყანაში სამართლიანობის აღდგენის სიმბოლო, ამ ხელისუფლებამ ჩაანაცვლა ანტისიმბოლოთი - მურუსიძით და ეს არის ტრაგედია... ყველაფერი, რისთვისაც მე სხვებთან ერთად, ფაქტობრივად, თავი გავწირე, თავდაყირა დადგა და რადიკალი როგორ არ გავხდე?! რისთვის ვიბრძოდი?!" - აცხადებს "რეზონანსთან" საუბრისას პოლიტოლოგი გია ხუხაშვილი.

საქართველოში უქმეებზე მოსკოვის ყოფილი მერი იმყოფებოდა. ამან საზოგადოებაში გაურკვევლობა გამოიწვია, რადგან ყველასთვის ცნობილია, რომ ის, სულ მცირე, ერთხელ მაინც იმყოფებოდა ოკუპირებულ ტერიტორიაზე (აფხაზეთში) თბილისის ნებართვის გარეშე, რაც, საქართველოს კანონმდებლობით, სს-ის დანაშაულია.

"კორეასა და საქართველოს შორის ბევრი მსგავსებაა - კორეელებისათვის და ქართველებისათვისაც დიდი მნიშვნელობა აქვს გეოპოლიტიკურ ვითარებას. გარშემორტყმული ვართ დიდი ქვეყნებით, რომლებიც სხვადასხვა პერიოდში გვიპყრობდნენ და ცდილობდნენ ჩვენს გადაგვარებას.