ვინ ეფარება რეგიონებში "ქართული ოცნების" სახელს - მცხეთის მაჟორიტარობის კანდიდატ დიმიტრი ხუნდაძის განცხადებით, ოპონენტები ცდილობენ ამომრჩევლები დაარწმუნონ, რომ "ქართული ოცნების" კანდიდატები ისინი არიან და არა ის ხალხი, ვინც გიორგი კვირიკაშვილმა საჯაროდ დაასახელა. მისივე თქმით, ამ აფიორაში განსაკუთრებით დამოუკიდებელი დეპუტატები არიან ჩართული და ასეთი ადამიანები მოდებული არიან თითქმის ყველა რეგიონში, მათ შორის მცხეთაშიც.

პარლამენტის თავმჯდომარე დავით უსუფაშვილი ამომრჩეველს ურჩევს 8 ოქტომბერს, როდესაც ხმის მისაცემად მივა კარგად გაიაზროს ვის აძლევს ხმას. მისი თქმით, 2012 წელს ამომრჩეველმა ხმა მისცა პირველ რიგში, ბიძინა ივანიშვილს და არა მის გარშემო შეკრებილ კოალიციას, წელს კი, მისი თქმით, "ქართული ოცნებისათვის" ხმის მიცემა სულაც არ ნიშნავს ბიძინა ივანიშვილისთვის ხმის მიცემას, მით უმეტეს რომ, როგორც უსუფაშვილი აცხადებს, ნოემბრიდან ივანიშვილი შესაძლოა, საერთოდ ჩამოშორდეს პოლიტიკას.

"პარტიებს შორის მიგრაციული პროცესები ნიშნავს იმას, რომ ჩვენთან პოლიტიკური ელიტა საერთოდ არ არსებობს, ადამიანები მხოლოდ სკამებისა და ძალაუფლებისთვის იბრძვიან და არა იდეისთვის, ან ფასეულობების სისტემისთვის", - ასე აფასებს პოლიტოლოგი გია ხუხაშვილი პარტიებიდან მასობრივი მიგრაციის ფაქტებს.

8 ოქტომბრის საპარლამენტო არჩევნების ერთ-ერთი მთავარი ეპიცენტრი, სავარაუდოდ, გორი იქნება. აქ მაჟორიტარობისათვის თავდაცვის ორი ყოფილი მინისტრი იბრძოლებს. ირაკლი ოქრუაშვილიც და ირაკლი ალასანიაც გამარჯვებაში დარწმუნებული არიან.

სასკოლო სახელმძღვანელოები და კომპიუტერები შეძლებული ოჯახებიდან მოსწავლეებს, შესაძლოა, აღარ გადაეცეთ. შესაბამის ინიციატივაზე საქართველოს განათლებისა და მეცნიერების მინისტრმა ალექსანდრე ჯეჯელავამ ისაუბრა.

"რესპუბლიკური პარტიის" ერთ-ერთი ლიდერის, ლევან ბერძენიშვილის ინფორმაციით, "ქართული ოცნება" რაიონებში მათი თანაგუნდელების გადაბირებას ცდილობს. დეპუტატის თქმით, ამის მაგალითია ფოთის შემთხვევაც, როცა საქალაქო ორგანიზაციის თავმჯდომარემ და პარტიის რამდენიმე წევრმა "რესპუბლიკელებთა" რიგები დატოვეს.

რუსებმა ქართული პროდუქცია ისევ დაიწუნეს, ამჯერად "როსსელხოზნადზორმა" საბაჟოდან ქართული ატამი გამოაბრუნა და მიზეზად ხილში აღმოჩენილი საშიში კარანტინული მავნებელი - "აღმოსავლურ ნაყოფჭამია" დაასახელა. მანამდე, რუსმა დეპუტატებმა ქართული ღვინისა და მინერალური წყლების იმპორტის აკრძალვა მოითხოვეს. ისინი თვლიდნენ, რომ საქართველო, რომელიც ევროკავშირის მიერ ყირიმისა და სევასტოპოლისთვის დაწესებული სანქციების გახანგრძლივებას დაეთანხმა, აუცილებლად უნდა "დაისაჯოს".

არჩევნებამდე 2 თვით ადრე პარტიიდან პარტიაში გადასვლა-გადმოსვლებმა მასობრივი ხასიათი მიიღო. "ბურჭულაძის" შემდეგ საკუთარ თანაგუნდელებს "თავისუფალი დემოკრატებისა" და რესპუბლიკური პარტიის წევრებიც გაემიჯნენ. პოლიტოლოგების ნაწილი ამ პროცესს ბუნებრივს უწოდებს, ნაწილი კი ხელისუფლების შესაძლო ზეწოლაზე საუბრობს. თუმცა მიაჩნიათ, რომ ეს პროცესები გრძელვადიან ხასიათს არ მიიღებს.

"თურქეთს სურს, რომ დამოუკიდებელ მოთამაშედ წარმოჩინდეს, მაგრამ თანამედროვე მსოფლიოში, სადაც გაერთიენების, ინტეგრაციის პროცესებს აქვს ადგილი, ასეთი ქმედება დინების საწინააღმდეგოს უფრო ჰგავს", - ასე აფასებენ პოლიტოლოგები თურქეთში მიმდინარე პროცესებს.

სამხედრო ანალიტიკოსი, ტერორიზმთან ბრძოლის ექსპერტი ვახტანგ მაისაია "რეზონანსთან" საუბრისას აცხადებს, რომ ბოლო პერიოდში რეგიონში განვითარებულმა მოვლენებმა სიტუაცია რადიკალურად შეცვალა. მისი თქმით, რუსეთ-თურქეთს შორის მეზობლური ურთიერთობის ჩამოყალიბება საქართველოზე დადებითად არ აისახება.

"რესპუბლიკელები" თითქოს ოლიმპზე თუ ღრუბლების ზემოთ სხედან და ქვემოთ გვმოძღვრავენ, - ასე ეხმაურება "ქართული ოცნების" დეპუტატი გია ვოლსკის თინა ხიდაშელის კრიტიკას, რომელიც მან საკონსტიტუციო სასამართლოს გარშემო მიმდინარე მოვლენებთან დაკავშირებით გამოხატა.

საქართველოში მოტოციკლეტით საგზაო შემთხვევათა რაოდენობა ყოველწლიურად 10-15%-ით იზრდება - ამის შესახებ "რეზონანსს" ნაციონალური მოტოსპორტის ფერედაციის პრეზიდენტმა განუცხადა.