"საკითხი ერთი სქესის ადამიანთა ქორწინების შესახებ დღესდღეობით საქართველოში აქტუალური არ არის და ეს თემა მხოლოდ წინასაარჩევნო პოლიტიკური სპეკულაციაა... ეს კამპანია სიძულვილის კაპიტალიზაციას ემსახურება და ის პოლიტიკურად არაეთიკურია," - აცხადებს კონსტიტუციური სამართლის სპეციალისტი ვახუშტი მენაბდე, რომელიც არასამთავრობიებთან ერთად პრეზიდენტთან შეხვედარს აპირებს, რომ ქორწინების თემაზე რეფერენდუმი არ დაინიშნოს.

საკონსტიტუციო სასამართლოს ირგვლივ შექმნილი ხმაური ისევ არ ცხრება. საპარლამენტო უმრავლესობის წევრები საკონსტიტუციო სასამართლოს თავმჯდომარე გიორგი პაპუაშვილს "ნაციონალურ მოძრაობასთან" უშუალო გარიგებაში ადანაშაულებენ და ამბობენ, რომ იგი პარტიის პოლიტიკურ დავალებებს ასრულებს.

"პრაქტიკულად, საკონსტიტუციო არბიტრები ერთი პოლიტიკური ჯგუფის იურიდიულ მომსახურებასაც აღარ თაკილობენ, იმდენად ანგაჟირებულები არიან," - აცხადებს მთავარი პროკურორის ყოფილი მოადგილე ლაშა ნაცვლიშვილი.

"საქართველოში საკადრო პოლიტიკის პრიორიტეტი პროფესიონალიზმი არასდროს ყოფილა, პრიორიტეტი ყოველთვის არის ერთგულება; ამ პრინციპით არჩევენ, ასე იქნება ამ არჩევნებზეც" - ამბობს პოლიტოლოგი სოსო ცინაძე, რომელსაც "რეზონანსი" წინასაარჩევნო გარემოს თავისებურებებზე გაესაუბრა.

პოლიტოლოგ მამუკა არეშიძის განცხადებით, საკონსტიტუციო სასამართლოს თავმჯდომარე გიორგი პაპუაშვილი "ნაციონალური მოძრაობის" დავალებას ასრულებს და ვითარების დესტაბილიზაციას უწყობს ხელს. მისივე თქმით, პაპუაშვილს სურს, "დააყენოს ბუღი", რაც პრინციპში გამოსდის, თუმცა აბსოლუტურად უშინაარსოდ და ულოგიკოდ.

მორიგი ხმაური საკონსტიტუციო სასამართლოს გარშემო. 2 თვის წინ გაერთიანებული საქმეები - ყოფილი მერის, გიგი უგულავასა და ე.წ. კაბელების საქმის-განხილვა გაურკვეველი დროით გადაიდო. გუშინ დანიშნული საპაექრო ეტაპი კი კვორუმის არარსებობის გამო ჩაიშალა. გაერთიანებული საქმის ადვოკატები საკონსტიტუციოში მოსამართლეების გამოუცხადებლობას საბოტაჟს უწოდებენ. თავად სასამართლო ამასთან დაკავშირებით პატარა განცხადებას აკეთებს და არ აკონკრეტებს ზუსტ დროს, თუ როდის გაიმართება მორიგი სხდომა.

სატრაბახო გვაქვს მხოლოდ ის, რომ დღეს ქვეყანაში ცოცხების დეფიციტია," - ამბობს "რეზონანსთან" საუბრისას დამოუკიდებელ ექსპერტთა კლუბის პრეზიდენტი სოსო ცისკარიშვილი.

საქალაქო სასამართლოში გუშინ ფარული ჩანაწერების შენახვა-გავრცელების საქმეზე დაკავებული პირების მორიგი სასამართლო პროცესი გაიმართა, სადაც ბრალდების მხარის მტკიცებულებების გამოკვლევა უნდა მომხდარიყო.

ქალისა და მამაკაცის ქორწინების კონსტიტუციით განსაზღვრასთან დაკავშირებით საქართველოში შესაძლოა რეფერენდუმი ჩატარდეს. თუ პრეზიდენტმა ამ რეფერენდუმს მწვანე შუქი აუნთო, მაშინ ის 8 ოქტომბრის არჩევნებთან ერთად ჩატარდება, აცხადებს საინიციატივო ჯგუფის წევრი ზვიად ტომარაძე.

"საკონსტიტუციო სასამართლოს ისტორიაში ასეთი რამ არასდროს ყოფილა, რომ მოსამართლეთა ერთი ჯგუფი საჯაროდ დაპირისპირებოდა მეორე ჯგუფს. დღეს ამ საქმემ უპრეცედენტოდ რეზონანსული სახე მიიღო," - ამბობს საკონსტიტუციო სასამართლოს ყოფილი თავმჯდომარე, თსუ-ს პროფესორი ავთანდილ დემეტრაშვილი, რომელსაც "რეზონანსი" საკონსტიტუციო სასამართლოში დაპირისპირების გამომწვევ მიზეზებზე ესაუბრა.

ეროვნული ვალუტის გაუფასურება მოსახლეობისთვის კვლავ უმთავრესი პრობლემაა. შესაბამისად, მაშინ, როდესაც ადამიანი საარჩევნო ყუთთან მივა, ბიულეტენის შემოხაზვამდე ლარის თემას კიდევ ერთხელ გაახსენდება. ლარი რომ ამომრჩევლისთვის ფაქიზი თემაა, ამაზე "რეზონანსის" ვებ-გვერდზე ჩატარებული გამოკითხვის შედეგებიც მეტყველებს. 87% მიიჩნევს, რომ ეროვნული ვალუტის გაუფასურება ამომრჩეველთა პოლიტიკურ გადაწყვეტილებაზე გავლენას მოახდენს.

რესპუბლიკური პარტია ხელისუფლებას პოლიტიკურ დევნაში ადანაშაულებს. ამის მაგალითად პარტიის თავმჯდომარე ხათუნა სამნიძემ ხარაგაულის საკრებულოს "რესპუბლიკელი" თავმჯდომარის თანამდებობიდან გადაყენების საკითხის წამოჭრა დაასახელა. იგი სხდომას პარტიის სხვა წევრებთან ერთად დაესწრო და ამბობს, რომ დეპუტატები "ქართული ოცნების" მითითებას ასრულებდნენ, რადგან ვერცერთმა მათგანმა ვერ დაასახელა ის არგუმენტი, თუ რატომ სურდათ თანამდებობიდან ინგა მაღრაძის გადაყენება.