საკონსტიტუციო სასამართლოს თავმჯდომარის, გიორგი პაპუაშვილის განცხადებას მოსამართლებზე ზეწოლისა და შანტაჟის შესახებ, პოლიტოლოგ რამაზ საყვარელიძის აზრით, პოლიტიკური სარჩული აქვს. მისი თქმით, პაპუაშვილი თავისუფალი არ არის იმ პოლიტიკურ ძალთა გავლენისგან, რომლმაც თავის დროზე ის მოიყვანა.

"ქართული ოცნებას" პარტიული სიის შევსება არც ამჯერად გამოსდის პორტირებული "ნაციონალების" გარეშე და პირველი ყოფილი "ნაციონალი" მაჟორიტარად სამეგრელოში, ხობში უკვე გამოჩნდა. საუბარია იმაზე, რომ მმართველი პარტია არც სხვა რეგიონებში უღალატებს უკვე ტრადიციად ქცეულ პოლიტიკას და ამომრჩეველი 8 ოქტომბრის საპარლამენტო არჩევნებისთვის ბრძოლაში "ოცნების" სახელით მებრძოლ "ნაციონალებს" სხვაგანაც იხილავს.

რუსეთის თავდაცვის სამინისტრომ აფხაზეთისა და ცხინვალის რეგიონის ტერიტორიაზე მასშტაბური სამხედრო წვრთნები დაიწყო. წვრთნები ასევე მთელს ჩრდილო კავკასიას მოიცავს. რუსეთის თავდაცვის სამინისტროს ოფიციალური ვერსიით, ეს გეგმიური წვრთნაა, თუმცა თბილისში ეს ეეჭვებათ. ქართველი ექსპერტები ამ მოვლენას ათიოდე დღის წინ რუსეთის თავდაცვის მინისტრის მიერ გაკეთებულ განცხადებას და თურქეთში არსებულ დაძაბულ მდგომარეობას უკავშირებენ.

ამერიკელი პოლიტოლოგი ტედ კარპენტერი თავის სტატიაში "ნატოს სასიკვდილო დაავადება შეეყარა", ნატოს შესაძლო დაშლის მიზეზებზე საუბრობს. მისი თქმით, ამ დაავადების რამდენიმე ძირითადი მიზეზი არსებობს.

"არავის ვურჩევ, რომ გადაბირებებით და რაღაც მეთოდებით დაიწყონ ადამიანების მოსყიდვა. ეს ყველაფერი რეაგრების გარეშე არ დარჩება", - ამის შესახებ "ეროვნული ფორუმის" ერთ-ერთი ლიდერი ანი მიროტაძე "მთელ კვირასთან" საუბრობს.

"ჩვენი პარტიის წევრებზე მინისტრების დონეზე რომ იყო გადაბირების მცდელობები, ამის ფაქტიც გვაქვს აგულაშვილის სახით", - აცხადებს "რესპუბლიკური პარტიის" ერთ-ერთი ლიდერი დავით ზურაბიშვილი "მთელ კვირასთან" საუბრისას.

სააკაშვილის მმართველობის 9+1- წელზე რეჟისორ გოგა ხაინდრავას მიერ გადაღებული 24-სერიიანი მხატვრული ფილმი უკვე დასრულებულია და მისი სატელევიზიო ჩვენება სექტემბრის დასაწყისში (ან აგვისტოს ბოლოს) დაიწყება. ფილმის სათაური შეცვლილია და ერქმევა - "ჰეროკრატია", მთავარ გმირს, პრეზიდენტს - ჰერო.

აბიტურიენტებისთვის ზოგადი უნარების გამოცდის პასუხი ცნობილი მომავალ კვირაში გახდება. შემდეგ კი იმ საგნების ქულები დაიდება, რომლებშიც აპლიკანტთა ყველაზე მცირე რაოდენობა იყო. როგორც გამოცდების ეროვნული ცენტრის ხელმძღვანელი მაია მიმინოშვილი "რეზონანსთან" ინტერვიუში ამბობს, ნახევრადელექტრონული ფორმატი წარმატებული იყო და, პრინციპში, ხარვეზი არ ჰქონია.

"ჩვენ მთავრობას არა ერთხელ მივმართეთ და ავუხსენით, რომ ეს მაგისტრალი მძღოლებისთვის სასიკვდილო ზონას წარმოადგენდა. თუმცა მათგან პასუხი დღემდე არ მიგვიღია," - აცხადებს "ეკო ტრანსპორტ ცენტრის" აღმასრულებელი დირექტორი ვასო ურუშაძე, რომელიც "რეზონანსს" ქართველი მორაგბეების ავტოავარიის შესაძლო მიზეზებზე ესაუბრა.

"მშფოთვარე ეპოქაში ვცხოვრობთ, პოლიტიკური ტემპერეატურა ასე აწეული კარგა ხანია არ ყოფილა. ამიტომ, არ შეიძლება საქართველოში მიმდინარე პროცესები განვიხილოთ იზოლირებულად ევროპისა და მთელი მსოფლიოს ვითარების გაუთვალისწინებლად. მე ვფიქრობ, რომ მიმდინარეობს შეხედულებათა გადაფასების მტკივნეული პროცესი. ევროპა კლასიკური გაგებით დღეს უკვე აღარ არსებობს. ევროპისაკენ გაუჩერებლად მოედინება მსოფლიოს ცხელი წერტილებიდან ლტოლვილთა გაუთავებელი ნაკადი და სტუმარი მოსახლეობის შენელებას ალბათ ვერავინ შეძლებს. ამ ბოლო დღეებში გადატრიალების ცდამ შეძრა თურქეთი, და ჩვენს მეზობელ სომხეთშიც დაძაბული ვითარებაა. ეს ყოველივე, მსოფლიოს ცხოვრების წესის შეცვლა, მოქმედებს საქართველოზე," - აცხადებს მწერალთა კავშირის თავმჯდომარე, შოთა რუსთაველის პრემიის ლაურეატი რევაზ მიშველაძე, რომელსაც "რეზონანსი" ქვეყანაში მიმდინარე პოლიტიკურ ვითარებაზე ესაუბრა.

"აჭარამედია ჯგუფის" დამფუძნებელი, ჟურნალისტი ჯონი მიქელაძე, რომელმაც მიხეილ სააკაშვილს ღირსების ორდენი უკან დაუბრუნა, საქართველოში დაბრუნებას და პოლიტიკაში ჩართვას აპირებს. ამბობს, რომ ქვეყანაში მიმდინარე პოლიტიკურ მოვლენებს შორიდან ვერ უყურებს. ის კენჭისყრას აჭარაში აპირებს.

"ისლამური სახელმწიფოს" მხრიდან არსებული საფრთხე მსოფლიოსთვის კიდევ უფრო საშიშ სახეს იღებს, რადგანაც ამ ორგანიზაციამ ბრძოლის მეთოდი და ტაქტიკა რადიკალურად შეცვალა. ექსპერტები უსაფრთხოების საკითხებში ამბობენ, რომ საქართველო მსოფლიოსთან ერთად გამონაკლისი არ იქნება და სიტუაცია კავკასიაში შეიძლება მას შემდეგ კიდევ უფრო დაიძაბოს, თუ რუსეთი და თურქეთი ტერორიზმის წინააღმდეგ ერთობლივად იბრძოლებენ.