პენსიებისა და სამუშაო ადგილების გაზრდა - უკვე 2 ათეული წელია საქართველოში წინასაარჩევნო დაპირებები არ იცვლება. ეს ის მთავარი თემებია, რომელთა მიმართაც ქართულ პარტიებს შორის ნამდვილი დოღი იმართება. ამ მარათონში "ქართული ოცნება" ოფიციალურად ჯერ არ მონაწილეობს. პარტიის ეკონომიკური ჯგუფი, ისევ პასიურობს და საზოგადოებისთვის პროგრამის წარდგენას აგვიანებს. ეს პირდაპირ მიუთითებს მმართველი პარტიის სისუსტესა და ჩამოუყალიბებლობაზე.

საკონსტიტუციო სასამართლოს ირგვლივ ატეხილი სკანდალი, რომელიც მოსამართლეებზე შესაძლო ზეწოლის ფაქტებს უკავშირდება, ისევ გრძელდება. პარასკევს 5-მა მოსამართლემ საკონსტიტუციო სასამართლოს თავმჯდომარის, გიორგი პაპუაშვილის განცხადება უარყო, მეორე დღეს კი ახლა უკვე ამ მოსამართლეებს საკონსტიტუციო სასამართლოს სამი წევრი - კონსტანტინე ვარძელაშვილი, ქეთევან ერემაძე და მაია კოპალეიშვილი - წერილობით პასუხობს.

"საკონსტიტუციო სასამართლო დღეს თავის ფუნქციას ვერ ასრულებს, აშკარად პოლიტიზებული და დისკრედიტირებულია, ამიტომ საჭიროა რადიკალური ნაბიჯების გადადგმა. ამ ეტაპზე შეიძლება საერთოდ გაუქმდეს საკონსტიტუციო სასამართლო და მისი ცხრავე წევრი გადავიდეს უზენაეს სასამართლოში, სადაც შეიქმნება ახალი, ადამიანის უფლებათა და კონსტიტუციურ საქმეთა პალატა," - აცხადებს სამართლის დოქტორი ავთანდილ კახნიაშვილი, რომელსაც "მთელი კვირა" საკონსტიტუციო სასამართლოში მიმდინარე მოვლენებზე ესაუბრა.

ჯანდაცვის სამინისტროს ინფორმაციით, ცე-ჰეპატიტის აღმოფხვრის (ელიმინაციის) პროგრამა უაღრესად წარმატებით მიმდინარეობდა - 5 ათასზე მეტმა პაციენტმა უკვე დაასრულა მკურნალობა და მათი 92% სრულად განიკურნა ამ სახიფათო ვირუსული დაავადებისგან.

"ქართული ოცნების" საარჩევნო კამპანია უკვე აქტიურ ფაზაშია გადასული, მაჟორიტარების ნაწილი უკვე დასახელებულია, თუმცა ბიძინა ივანიშვილის დაპირების მიუხედავად, რომ ის საკუთარი პარტიის საარჩევნო კამპანიაში აქტიურად ჩაერთვებოდა, ექსპრემიერი არც ერთ შეკრებაზე არ გამოჩენილა.

მთავარ პროკურატურაში საგამოძიებო პროცესი დაწყებულია "საკონსტიტუციო სასამართლოში სამართალწარმოების განხორციელებაზე ზეგავლენის მიზნით სასამართლოს საქმიანობაში ამა თუ იმ ფორმით უხეში ჩარევის, ასევე პირადი ცხოვრების საიდუმლოს უკანონოდ მოპოვებისა და გამოყენების შესაძლო ფაქტზე". რა გადაწყვეტილებას მიიღებს პროკურატურა ამას მომავალში გავიგებთ, თუმცა, საკონსტიტუციო სასამართლოში მიმდინარე პროცესებს ამ დარგის სპეციალისტები შემაშფოთებელს უწოდებენ და არ გამორიცხავენ, რომ ამ მოვლენებს გართულებები მოჰყვეს, რაც სერიოზულად დააზარალებს დემოკრატიისათვის აუცილებელ ამ სახელმწიფო ინსტრუმენტს.

აშშ-ის ეროვნულ-დემოკრატიული ინსტიტუტმა (ენდიაიმ) წინსაარჩევნოდ მის მიერ წარმოებული კვლევითი შედეგები გამოაქვეყნა. კვლევის მიხედვით, ამომრჩეველთა 57%-მა არ იცის ვის მისცემს ხმას.

"ხელისუფლებას, ნაცვლად იმისა, რომ სამყაროს "ნაციონალური მოძრაობის" პრიზმაში უყუროს, ურჩევნია, ძირითად პრობლემას - ამომრჩეველს მიხედოს, რომელიც დაკარგა. მისი მთავარი პრობლემა ეს არის და არა "ნაციონალური მოძრაობა", რომელსაც მუდმივად ეზომება და ეომება", - ამის შესახებ პოლიტოლოგმა გია ხუხაშვილმა "რეზონანსთან" საუბრისას განაცხადა.

მოსამართლეებზე შანტაჟის შესახებ სკანდალური განცხადებიდან ერთი კვირის შემდეგ საკონსტიტუციო სასამართლოს თავმჯდომარე, როგორც იქნა, მთავარ პროკურატურაში მივიდა და პროკურორს შეხვდა. საგამოძიებო უწყებაში მივიდა მოსამართლეების ერთი ნაწილიც, რომლებმაც შენობიდან გამოსვლისას თქვეს, რომ მათ კონკრეტულ ფაქტებზე ილაპარაკეს, დაასახელეს გვარებიც, ვისზეც იყო ზეწოლა, თუმცა მის გასაჯარვებას არ აპირებენ. ერთადერთი, რაც აღინიშნა, ისაა, რომ შანტაჟი ეხებოდა ერთ-ერთი მოსამართლის ოჯახის წევრის ბიზნესს.

ოთხშაბათს ბათუმს რუსეთის კომპარტიისა და სახელმწიფო დუმის წევრი ვლადიმირ სიმაგინი სტუმრობდა, გუშინ კი რუსეთის ფედერაციის საბჭოს წევრმა რიაზანის ოლქიდან იგორ მოროზოვმა ოკუპირებული ცხინვალის რეგიონის მიმდებარე ქართული სოფლები მოინახულა.

9 აგვისტოს სანკტ-პეტერბურგში თურქეთისა და რუსეთის პრეზიდენტების შეხვედრა გაიმართება. სავარაუდოდ, ამით საბოლოოდ დაესმევა წერტილი ორ ქვეყანას შორის თითქმის ერთწლიან დაძაბულ ურთიერთობას. მეტიც, ზოგიერთი ანალიტიკოსი მიიჩნევს, რომ მოსკოვისა და ანკარის ახლანდელი დაახლოება სიმპტომატურია და მნიშვნელოვნად ცვლის სიტუაციას რეგიონში.

მმართველი პარტიისა და საპარლამენტო უმრავლესობის ერთ-ერთი ლიდერი გია ვოლსკი ამბობს, რომ "ვიღაცები" ცდილობენ გიორგი კვირიკაშვილის ფიგურასა და ავტორიტეტს ჩრდილი მიაყენონ. მისი თქმით, პრეზიდენტის ადმინისტრაციის განცხადებები იმის შესახებ, რომ ხელისუფლებაში გარკვეული ჯგუფი არსებობს, რომელიც პრემიერის გვერდის ავლით გადაწყვეტილებებს იღებს, ეს პრემიერის შეურაცხყოფის და საზოგადოებაში დისკრედიტაციის მცდელობაა.