მას შემდეგ, რაც შვეიცარიელმა პირადმა ბანკირმა ექსპრემიერი ბიძინა ივანიშვილი თაღლითურად 100 მილიონი ფრანკით (დაახლ. ამდენივე დოლარი) აზარალა, ქართველი მილიარდერის ადვოკატებმა სამშაბათს სარჩელი დამქირავებელი "კრედიტ სვისის" წინააღმდეგ შეიტანეს, რომელიც აქტივებით შვეიცარიის სიდიდით მეორე ბანკია.

შპს "სტუდია მაესტროს" თანამშრომლები "მაესტროს" ყოფილ გენერალურ დირექტორ ბაია გადაბაძეს მათზე განხორციელებულ ზეწოლაში ადანაშაულებენ და "ახალგაზრდა იურისტთა ასოციაციას" უფლებების დაცვას სთხოვენ. საუბარია იმ ადამიანებზე, რომლებმაც "ტელეკომპანია მაესტროს" დირექტორის ბაჩო კიკაბიძის შეთავაზება არ მიიღეს და ძმებ გაჩეჩილაძებთან დარჩენა არჩიეს.

თბილისის სახელმწიფო უნივერსიტეტის სოციალურ-პოლიტიკურ მეცნიერებათა ფაკულტეტის სრული პროფესორის, კორნელი კაკაჩიას აზრით, თსუ-ში მიმდინარე მოვლენები უნივერსიტეტში წლობით დაგროვილ, კომპლექსურ პრობლემებს უკავშირდება. მისი თქმით, ვითარების უკეთესობისკენ შესაცვლელად განათლების სისტემის ძირეული ცვლილება და რადიკალური რეფორმებია საჭირო, რაზეც ხელისუფლებამ ერთიანი ძალიხმევით, კოორდინირებულად უნდა იზრუნოს და განათლება პრიორიტეტად აქციოს. კაკაჩია მიიჩნევს, რომ ამ ეტაპზე სისტემის რეფორმირების მზაობა ხელისუფლების არც ერთი ორგანოდან არ შეინიშნება, რაც მდგომარეობას კიდევ უფრო ართულებს.

საკვლევ-საკონსულტაციო ცენტრ "ფსიქო პროექტის" დამფუძნებელი, ფსიქოლოგი ზურაბ ბიგვავა ვარაუდობს, რომ ფარული ჩანაწერების გავრცელებაში ქვეყნიდან გაქცეული მაღალჩინოსნების ხელი ურევია და ამ მოსაზრებას იმით ამყარებს, რომ ისინი ამით ორ მოწინააღმდეგეს ერთდროულად შეულახავდნენ იმიჯს - ხელისუფლებასა და კონკურენტ ოპოზიციურ პარტიას.

ერთიანი ეროვნული გამოცდებისათვის რეგისტრაცია ორშაბათს დასრულდა - აბიტურიენტთა რაოდენობა 41 633-ია. როგორც შეფასებისა და ერთიანი ეროვნული ცენტრის ხელმძღვანელმა მაია მიმინოშვილმა "რეზონანსთან" საუბრისას განაცხადა, წინა წელთან შედარებით აბიტურიენტთა რაოდენობა გაზრდილია.

"დამოუკიდებელ ექსპერტთა კლუბის" თავმჯდომარე სოსო ცისკარიშვილი აცხადებს, რომ ქვეყანაში ბოლო დროს მიმდინარე მოვლენებიდან გამომდინარე, არ არის გამორიცხული, ვიღაც ქვეყანაში დესტაბილიზაციასა და გადატრიალებას გეგმავდეს.

>გიორგი გაფრინდაშვილის მიერ კანდიდატურის მოხსნა თსუ-ის სტუდენტური თვითმმართველობის წევრებმა გააპროტესტეს. 15 მარტს მათ გამართეს კონტრაქცია და რექტორ ვლადიმერ პაპავას გადადგომა მოითხოვეს. მათი თქმით, მიმდინარე დესტრუქციული პროცესები პაპავას მიერ იყო მართული და ის, როგორც სუსტი და პირადი ინტერესების მქონე რექტორი, უნდა გადამდგარიყო.

ტელეკომპანია "მაესტროს" გარშემო კვლავ ვნებათაღელვაა - 300 თანამშრომლიდან ძმებ გაჩეჩილაძეებთან დარჩენას 7 ადამიანი გეგმავს. დანარჩენი მუშაობის გაგრძელებას შპს "ტელეკომპანია მაესტროს" დირექტორ ბაჩო კიკაბიძესთან აპირებს, რომელიც ახალი ტელევიზიის გახსნას რამდენიმე დღეში გეგმავს, თუმცა "მაესტროს" სახელისა და ლოგოს გარეშე, რადგან საქალაქო სასამართლომ კიკაბიძეს "მაესტროს" სახელის გამოყენების უფლება შეუზღუდა.

ჯერ კიდევ უცნობია, ვინ და საიდან ატვირთა ბოლო დღეებში გავრცელებული პირადი ცხოვრების ამსახველი უკანონო ჩანაწერები ინტერნეტში. პროკურატურა გამოძიებაში დასახმარებლად ეფ-ბი-აის და "მეზობელი ქვეყნის სპეცსამსახურებს" მიმართავს. სამი თვის წინ "ქრონიკა პლუსის" რედაქტორთან მიტანილი ფარული ჩანაწერების გამო კი თბილისში ორშაბათს შუაღამით ორი პირი დააკავეს. პროკურატურის ცნობით, ამ ფაქტზე სს-ის საქმე ჯამში 5 პირის მიმართ მიმდინარეობს და მათგან 4 დაკავებულია.

"ყოფილი პოლიტპატიმრები - ადამიანის უფლებებისთვის" თავმჯდომარე ნანა კაკაბაძე აცხადებს, რომ ფარული კადრების გავრცელების უკან გარკვეული პოლიტიკური ძალები დგანან, რომლებიც წინასაარჩევნოდ პოლიტიკურ სივრცეს ისუფთავებენ. ისინი პირველ რიგში დარტყმას ავტორიტეტულ პოლიტიკურ ფიგურებზე აკეთებენ, რომელთა ჩამოშორების შემდეგ გზას გამოითავისუფლებენ.

გაზეთ "ქრონიკა%"-ის რედაქტორი ელისო კილაძე ამბობს, რომ არ იცნობს პროკურატურის მიერ დაკავებულ ზურაბ ჯამალაშვილსა და ირაკლი ფხალაძეს და არ იცის, აქვთ თუ არა შეხება მათ იმ პირთან, რომელმაც რედაქციაში ერთ-ერთი დეპუტატის პირადი ცხოვრების ამსახველი ჩანაწერები მიუტანა და გავრცელებას სთავაზობდა.

"გაერთიანებული დემოკრატების" წევრი დიმიტრი ლორთქიფანიძე დარწმუნებულია, რომ გავრცელებულ კადრებთან "ნაციონალური მოძრაობის" ყოფილი მაღალჩინოსნები უშუალო კავშირში არიან და იმისათვის, რომ ეს პროცესი შეწყდეს, ქვეყნიდან გაქცეული ოპერატიულ-ტექნიკური სამსახურების ხელმძღვანელები უნდა დააკავონ.