რუსეთმა საქართველოზე მუქარანარევ განცხადებებსა და თითის დაქნევას მოუხშირა - გრიგორი კარასინის აღშფოთების შემდეგ ქართველი ოფიციალური პირების მხრიდან "ანტირუსული გამოხდომების მკვეთრად გახშირებაზე" ახლა უკვე თავად რუსეთის საგარეო უწყებაც ავრცელებს ოფიციალურ განცხადებას და იქვე უთითებს, რომ ჟენევის დისკუსიების მორიგი რაუნდის წინ ამგვარი პროპაგანდა დამღუპველ გავლენას ახდენს ამ დისკუსიების წარმატებაზე და სამხრეთ კავკასიაში უსაფრთხოებაზე.

"ანტიდასავლური ძალები რუსული პროპაგანდის თეზისს მიზანმიმართულად ავრცელებენ, რომ თურმე აი, დასავლეთი და ევროპა იმისთვის მოდიან, რომ ერთსქესიანთა ქორწინება დააკანონონ და რომ თურმე ახლა ამაზე პარლამენტში კენჭისყრაა," - ამბობს "რეზონანსთან" საუბრისას "რესპუბლიკური პარტიის" წევრი დავით ზურაბიშვილი კონსტიტუციაში ქორწინებასთან დაკავშირებით ჩასაწერი ცვლილების შეფასებისას.

იერუსალიმში მდებარე ჯვრის მონასტრის შეძენით საქართველოში მცხოვრები ქართველი ბიზნესმენია დაინტერესებული, რომელიც მზად არის, რამდენიმე მილიონი გადაიხადოს. მართალია, პირდაპირ ამ ბიზნესმენის ვინაობა არ სახელდება, მაგრამ ირიბად საუბარია იმაზე, რომ იგი შეიძლება ექსპრემიერი ბიძინა ივანიშვილი იყოს.

გალის ქართულ სკოლებში ქართულად სწავლების აკრძალვამ თავისი პირველი შედეგები უკვე გამოიღო - ადგილობრივთა ცნობით, გალელმა ბავშვებმა ახლა წესიერად არც ქართული იციან და არც რუსული, იმ მოსწავლეებში კი, რომლებიც სწავლების ქართულიდან რუსულ ენაზე გადასვლამდე მაღალი აკადემიური მოსწრებით გამოირჩეოდნენ, ცოდნის დონემ მნიშვნელოვნად დაიწია.

გასულ კვირას, ევროპარლამენტში ევროკავშირ-საქართველოს ასოცირების შეთანხმების ყოველწლიური სამოქმედო გეგმის განხილვისას ცალსახად აღინიშნა მიღწეული პროგრესი. მომავლ არჩევნებთან მიმართებაში ევროკავშირი მოელის, რომ მთავრობა უზრუნველყოფს ურთიერთპატივისცემის ინკლუზიურ ატმოსფეროს და წარმოაჩენს პოლიტიკური სისტემის სიმწიფეს.

პოლიტოლოგი გია ხუხაშვილი არ გამორიცხავს, რომ ფარული ჩანაწერების გავრცელებაში, რაც პირველ რიგში ხელისუფლების იმიჯს აზიანებს, თავად ხელისუფლების წარმომადგენლები იყვნენ გარეული. მისი აზრით, პრემიერის დასუსტება და დაკნინება ხელისუფლების გარეთაც და შიგნითაც ბევრს უნდა და ამისთვის ამგვარ მეთოდებსაც იყენებენ.

"ფარული ჩანაწერების საქმის გახსნასთან დაკავშირებით არ მაქვს არავითარი საფუძველი, რომ ეჭვი შევიტანო დღევანდელი ხელისუფლების უმაღლესი ხელმძღვანელი პირების მართლაც მტკიცე პოლიტიკურ ნებაში, რომ საქმე გამოძიებული იყოს. მაგრამ ხელისუფლება არ არის ერთსახოვანი და არ ვარ დარწმუნებული, რომ კომპეტენტური ორგანოები სრულად ემორჩილებოდნენ ხელისუფლების უმაღლესი პირების ნებას და პრინციპულ პოზიციას", - ამბობს "მთელ კვირასთან" საუბრისას "თავისუფალი დემოკრატების" გენერალური მდივანი ალექსი პეტრიაშვილი.

პირადი ცხოვრების ამსახველ ჩანაწერებთან დაკავშირებით საკანონმდებლო ინიციატივა მზადდება. როგორც თავდაცვისა და უშიშროების კომიტეტის თავმჯდომარე ირაკლი სესიაშვილი "მთელ კვირასთან" საუბრისას ამბობს, ახალ კანონპროექტში სხვადასხვა ტიპის თვალთვალი ერთმანეთისგან გაიმიჯნება.

შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ქეთი ციხელაშვილის თქმით, ქართული მხარე აფხაზეთისთვის კულტურული მემკვიდრეობის ნიმუშების გადაცემას არ აპირებს. მისივე თქმით, მხოლოდ საარქივო მასალა გადასცეს და გრძელდება მოლაპარაკებები.

საარჩევნო საკითხებზე შექნილი სამუშაო ჯგუფის პირველი შეხვედრა 23 მარტს იუსტიციის სამინისტროში გაიმართება. როგორც "ახალი მემარჯვენეების" ერთ-ერთმა ლიდერმა მამუკა კაციტაძემ "მთელ კვირასთან" ინტერვიუში განაცხადა, არასაპარლამენტო ოპოზიციას წინადადება აქვს მომზადებული, სადაც კონკრეტულად აქვთ გაწერილი, სად რა ცვლილება სურთ.

მსოფლიოს დიდ ბიბლიოთეკებს შორის ერთ-ერთი განსაკუთრებული ადგილი უკავია ბოდლის, ევროპის ერთ-ერთ უძველეს ეროვნულ საუნივერსიტეტო ბიბლიოთეკას, რომელიც მისი დამაარსებლის თომას ბოდლის სახელობისაა. იგი დაარსდა 1598-1602 წლებში ინგლისში და დღემდე მასში დაცულია მსოფლიოს უნიკალური ხელნაწერები და ნაბეჭდი წიგნები, მათ შორის ქართული ხელნაწერი და ნაბეჭდი წიგნების მდიდარი კოლექცია; "ვეფხისტყაოსნის" ორი საუკეთესო ხელნაწერი, ასევე მრავალი ძველი ქართული ხელნაწერი; გამოჩენილ ქართველ მწერლებთან, მეცნიერებთან და საზოგადო მოღვაწეებთან მიმოწერით დაგროვილი ძვირფასი ეპისტოლარული მემკვიდრეობა, უნიკალური წიგნები, ფოტოდოკუმენტები და პრესის მასალები.

პარლამენტის საფინანსო საბიუჯეტო კომიტეტის თავმჯდომარე თამაზ მეჭიაური მიიჩნევს, რომ ა/ო "იდენტობის" წარმომადგენლების მისამართით არასწორი არაფერი უთქვამს და მით უფრო, დისკრიმინაციული ტერმინი არ გამოუყენებია. მისივე თქმით, "იდენტობის" მიერ გუშინ პარლამენტთან გამართული აქცია მიზნად ეროვნულობის დისკრედიტაციასა და საზოგადოების გაუკუღმართებას ისახავდა.