გოგი თოფაძის ორკვირიან, ბრალდებების შემდეგ, რომ საგარეჯოს შუალედური არჩევნები თავდაცვის მინისტრმა თინა ხიდაშელმა გააყალბა, პროკურატურამ გამოძიება დაიწყო და ახლა უკვე გამოძიების დაწყებაზე კეთდება განსხვავებული განცხადებები კოალიციის წევრებს შორის - "რესპუბლიკელების" ნაწილმა ვარშავის სამიტის წინ გამოძიების დაწყება და თავდაცვის მინისტრთან დაკავშირებით კითხვის ნიშნის გაჩენა არასახელმწიფოებრივ ქმედებად შეაფასა. პარლამენტის ვიცე-სპიკერი მანანა კობახიძე კი პასუხად ამბობს, რომ "ასეთი დრამატიზება საჭირო არ არის".

"სახელმწიფოს შრომითი უფლებების კუთხით ერთიანი პოლიტიკა არ აქვს შემუშავებული, რაც ყველაზე დიდი პრობლემა მგონია. სამწუხაროდ, მთავრობის მხრიდან ერთგვარი წაყრუებაცა და თვითდინებაზე მიშვებაც იგრძნობა, თითქოს ეს ყველაფერი თავისით მოგვარდება, რაც ასე ნამდვილად ვერ იქნება," - ამბობს "რეზონანსთან" საუბრისას სახალხო დამცველი უჩა ნანუაშვილი და დასძენს, რომ ამგვარი დამოკიდებულებით, შესაძლოა, პრობლემა კიდევ უფრო დამძიმდეს.

"ტროას ცხენი", "აქილევსის ქუსლი", "შენელებული მოქმედების ნაღმი" - ეს ის ეპითეტებია, რომელსაც აფხაზი პოლიტიკოსები ხშირად იყენებენ გალის რაიონის ქართულ მოსახლეობაზე საუბრისას. სეპარატისტთა განსაკუთრებულ გაღიზიანებას ადგილობრივთა მოქალაქეობის დამადასტურებელი საბუთები იწვევს.

მმართველი კოალიციის პოლიტსაბჭოს სხდომა, რომელზეც "რესპუბლიკელები" "მრეწველებიდან" გოგი თოფაძის, ან კოალიციიდან "მრეწველების" გაშვებას მოითხოვენ, გაურკვეველი ვადითაა გადადებული. პოლიტსაბჭო აქამდე, როგორც წესი, კვირაში ერთხელ იკრიბებოდა, თუმცა უკვე ორი კვირაა სხდომა არ გამართელა. პოლიტსაბჭოს წევრებმა კი არც ამის მიზეზი იციან და არც ის, თუ როდის გაიმართება შემდეგი შეხვედრა.

26 თებერვალს, დილით, დიდი დიღმის მესამე მიკრორაიონის მცხოვრებლებს 30-მდე ავტომანქანის საბურავები დაჭრილი დახვდათ. დაზარალებულთა უმრავლესობა ეჭვობს, რომ ეს მათივე ერთ-ერთმა მეზობელმა ჩაიდინა, რომელმაც კორპუსთან საკუთარი ავტომობილის დაყენება ვერ შეძლო და მეზობლებზე ასე იყარა ჯავრი. ამ ეჭვს ისიც ამყარებს, რომ ყველა დაზიანებული ავტომობილი ერთ ადგილას ერთმანეთის გვერდიგვერდ იდგა.

ევროკავშირის საემიგრაციო კრიზისისა და ბრიტანეთის შესაძლო გასვლის თაობაზე უამრავი მსოფლიო ლიდერი შეშფოთებას გამოთქვამს. ერთადერთი ლიდერი, ვინც ამ თემაზე არაფერს ამბობს, რუსეთის პრეზიდენტია. როგორც ეკონომიკური პოლიტიკის ექსპერტი ანდერს ასლუნდი წერს, პუტინის ინტერესში ევროკავშირის დაშლა შედის, რადგანაც ოფიციალური მოსკოვი ამ შემთხვევაში მნიშვნელოვნად განიმტკიცებს ზესახელმწიფოს სტატუსს და ნაკლები ძალისხმევა დასჭირდება პოსტსაბჭოთა სივრცის საკუთარი კონტროლის ქვეშ მოსაქცევად.

საზოგადოებრივი კომუნიკაციების მართვის სპეციალისტი, ილიას უნივერსიტეტის უკვე ყოფილი ლექტორი არჩილ გამზარდია ამტკიცებს, რომ ილიაუნიში პოლიტიკური და რელიგიური ნიშნით დისკრიმინაციას აქვს ადგილი. დარწმუნებულია, რომ სამსახური, რომელშიც 9 წლის განმავლობაში მუშაობდა, ბიძინა ივანიშვილთან თანამშრომლობის გამო დაკარგა. ამბობს, რომ ილიაუნის ადმინისტრაცია "ნაციონალური მოძრაობის" წარმომადგენლებითაა დაკომპლექტებული და ყველაფერს ზურაბ ჭიაბერაშვილი მართავს.

საქართველოს მოქალაქეებს ევროპაში უვიზოდ მიმოსვლა ნავარუდევზე უფრო ადრე შეეძლებათ. როგორც ოთხშაბათს გახდა ცნობილი, პროცესი დაჩქარდა და ის, რასაც რამდენიმე თვეში ველოდით, რამდენიმე დღეში მოხდება - საქართველოს ვიზალიბერალიზაციის საკითხს, უკრაინისგან განსხვავებით, მსვლელობა მომდევნო კვირიდან მიეცემა.

მაღაროელების 12-დღიანი გაფიცვის შემდეგ მთავრობამ უკან დაიხია - გაუქმებული შეღავათები ისევ აღდგება. სავარაუდოდ, დადებითად გადაწყდება სოციალური საკითხებთან დაკავშირებული მოთხოვნები, თუმცა ხელფასების გაზრდაზე "ინდუსტრიული ჯგუფის" დაყოლიება ვერ ხერხდება. არადა ტყიბულში პროტესტი უკვე პიკს აღწევს. გუშინ ლამის მთელი ქალაქი გაიფიცა.

წინასაარჩევნო პერიოდში პოლიტიკურ პარტიათა რეიტინგების მიმართ განსაკუთრებული ინტერესია - მინიმუმ, ორი კვლევა მარტში უკვე მზად იქნება. მათგან ერთის შემკვეთი კოალიცია "ქართული ოცნებაა" და ხელისუფლებაში დიდი მოლოდინია, რომ მათი რეიტინგი ისე კატასტროფულად შემცირებული არ იქნება, როგორც ეს გასული წლის განმავლობაში რამდენიმე გასაჯაროებულმა კვლევამ აჩვენა.

ტერორისტულ ორგანიზაციასთან თანამშრომლობის ბრალდებით დაკავებული აიუფ ბორჩაშვილი "ისლამური სახელმწიფოს" ერთ-ერთ ყველაზე წარმატებულ საველე მეთაურთან, თარხან ბათირაშვილთან, იგივე აბუ ომარ ალ-შიშანისთან კომენიკაციას აღიარებს, თუმცა არასრულწლოვნების საქართველოდან გაყვანას კატეგორიულად უარყოფს.

მედიაქსპერტი ია ანთაძე უარყოფითად აფასებს ინიციატივას ცილისწამების კრიმინალიზებასთან დაკავშირებით და ამბობს, რომ ეს სიტყვისა და გამოხატვის თავისუფლების შეზღუდვა იქნება. იმ კანონის წინააღმდეგი, რომელიც, მისი აზრით, ყველაზე საამაყოა. მიიჩნევს, რომ არსებული კანონმდებლობით ყველაფერი სათანადოდაა დარეგულირებული, მათ შორის ცილისწამებაც.