საქართველოს საპენსიო დანაზოგების დაბანდების შესაძლებლობა არ აქვს. დიდია ალბათობა, რომ მოსახლეობის ფული საბოლოოდ საბანკო სექტორში აღმოჩნდეს, რადგან სხვა ალტერნატივა რეალურად არც არის. დიდია საფრთხეც, რომ საპენსიო ფონდიდან ლარის გასვლამ ეროვნულ ვალუტას პრობლემა შეუქმნას და დევალვაცია კიდევ უფრო გაღრმავდეს. ფასიანი ქაღალდების ბაზარი, სადაც ძირითადად, საპენსიო დანაზოგი შეიძლება დაბანდდეს, ჯერ განვითარებული არ არის, ხოლო მსხვილი საინვესტიციო პროექტები ვერ ხორციელდება.

1-ლი ოქტომბრიდან, ხორბლის შემოტანა მხოლოდ რკინიგზისა და გემის საშუალებით იქნება შესაძლებელი. წესით და რიგით ქვეყანაში,  ყაზახური ხორბლის წილი უნდა გაზრდილიყო, თუმცა ამ მხრივ ძალიან არასახარბიელო ვითარებაა. გვალვების გამო, წელს კასპიისპირა სახელმწიფოში 1 ჰექტარზე მხოლოდ 500 კგ მოსავალი მოვიდა და შესაბამისად, ექსპორტზეც ვერ გაიტანს მოსავალს. ეკონომიკის სამინისტროში კომენტარს არ აკეთებენ, თუ რას გეგმავს სახელმწიფო და ელოდება თუ არა საქართველოს ხორბლის დეფიციტი შემოდგომის ბოლოდან.

საქართველოში სოციალური ფონის გაუარესების გამო, ახალი მიგრაციული ტალღა დაიწყო. ლარის გაუფასურესებამ და სამომხმარებლო პროდუქტებზე ფასების კატასტროფულმა ზრდამ, მოსახლეობა პანიკაში ჩააგდო. დემოგრაფების აზრით, საქართველოს ისტორიაში ახლა ერთ-ერთი ყველაზე მძიმე პერიოდია, რომელიც მომავალზე ძალიან ცუდ გავლენას მოახდენს.

ლარის კურსის გაუფასურების გამო, შიდა საქალაქო და საქალაქთაშორისო ტრანსპორტის ფასის გაზრდა გარდაუვალია. ამის მიზეზი კი იმპორტირებული საწვავია, რომლის ღირებულებაც ლარის კურსის გაუფასურების პარალელურად იზრდება. სფეროს წარმომადგენლები და სპეციალისტები მგზავრობის ტარიფების კიდევ უფრო მატებას ვარაუდობენ, თუკი ვითარება მყისიერად არ გამოსწორდა.

სასწავლო წელი სტუდენტების ნაწილისათვის უკვე დაიწყო, რამდენიმე დღეში კი მთელი ქვეყნის მაშტაბით ყველა უნივერსიტეტი საგანმათლებლო პროცესს განაახლებს. მთავარი საფიქრალი ისევ სწავლის გადასახადია მათთვის, ვისაც სრული სახელმწიფო დაფინანსება არ აქვს. შარშანდელთან შედარებით ქვეყნაში ეკონომიკური მდგომარეობა გაუარესდა და სტუდენტთა ოჯახებსაც გაცილებით გაუჭირდებათ სწავლის ღირებულების დაფარვა.

ბიზნესის პრობლემები, რომელიც ლარის შეუქცევადმა გაუფასურებამ და სახელმწიფოს მიერ დაწესებულმა რეგულაციებმა გამოიწვია, უკვე პიკს აღწევს. კერძო სექტორის წარმომადგენლები ამბობენ რომ ან სამუშაო ადგილების ან ხელფასის შემცირება, გარდაუვალად მოუწევთ.

ავტომობილების ტექდათვალიერების პირობები მკაცრდება. ცვლიელბა კანონმდებლობაში სექტემბრის ბოლოს შევა და მთლიანად ევროდირექტივებს დაეფუძნება. ბოლო დროს პერიოდული ტექნიკური ინსპექტირების რეგლამენტში თითქმის მუდმივად შედის ცვლილები, რისი მიზანიც ავტოპარკის განახლებაა. თუკი აქამდე ვიზუალურ ეფექტს ნაკლები ყურადღება ექცეოდა, ამიერიდან ეს პირობაც გამკაცრდება. ე.წ. `დაშპაკლული~ და ნაავარიები მანქანები, თუკი ჩაითვლება, რომ საგზაო უსაფრთხოებას რისკს ქმნიან, ტექდათვალიერებას ვერ გაივლიან.

სახელმწიფოს მიერ მედიკამენტებისათვის გამოყოფილ თანხას ჯანდაცვის სამინისტრო ვერ ითვისებს. ამ დროს კი, მოსახელობას წამლების შესაძენი ფული არ აქვს და ოჯახების შემოსავლის დიდი ნაწილი აფთიაქში იხარჯება.

ეროვნულმა ბანკმა, რეფინანსირების განაკვეთი ნახტომისებურად, 0.5 პროცენტით გაზარდა. ფასების სტაბილურობაზე გავლენას კი მარტიდან ელოდება. როგორც ჩანს, სებ-ი პოლიტიკას ცვლის და თუ აქამდე კატეგორიულად არ ამკაცრებდა ფულად საკრედიტო პოლიტიკას, ახლა უკვე ინფლაციის შიში გაუჩნდა. საქმე ისაა, რომ ეროვნული ბანკის ეს ნაბიჯი უკვე დაგვიანებულია, ინფლაციამ თუ ლარის გაუფასურებამ მოსახლეობას და ეკონომიკას გამოუსწორებელი ზიანი მიაყენა.

ლარის გაუფასურების კვალდაკვალ ფასების ზრდის ტემპი მატულობს. ოფიციალურ დონეზეც კი ინფლაცია იმდენად მაღალია, რომ წლის ბოლომდე 7-8%-ს თავისუფლად მიაღწევს. წლის ყველაზე იაფ თვეში - აგვისტოში, წინა წლის ანალოგიურ პერიოდთან შედარებით, ინფლაციის მაჩვენებელმა საქართველოში 0.8 პროცენტი, ხოლო წლიური ინფლაციის დონემ 4.9 პროცენტი შეადგინა. თუკი ასე გაგრძელდა, დეკემბერში ინფლაცია 7-8%-ს მიაღწევს, თუმცა არაოფიციალურად მან ამ ნიშნულს უკვე გადააჭარბა კიდეც.

საზღვაო კურორტები სეზონს სრული კრახით ამთავრებენ. განსაკუთრებით მცირე სასტუმროები დაზარალდნენ. რუსეთიდან ფრენებისა და საქართველოს ტურების გაყიდვის შეჩერებამ ტურიზმს სერიოზული საფრთხე შეუქმნა. არსებული მონაცემით, ბათუმში დამსვენებლების რაოდენობამ 20%-ით იკლო, ქობულეთში უფრო მეტი პრობლემაა და ზარალმაც 30%-ს მიაღწია.

ლარმა კიდევ ერთი ანტირეკორდი დაამყარა და `ბლუმბერგის~ სისტემაში, 2 სექტემბერს, 2.97 ნიშნულსაც გადააჭარბა. მიუხედავად იმისა, რომ ეროვნულმა ბანკმა ინტერვენცია განახორციელა და მთავრობაც ამის შემდეგ დამაიმედებელ პროგნოზს აკეთებდა, ლარი ისევ უფასურდება და 3.0-ის ნიშნულს უფრო და უფრო უახლოვდება.