მსოფლიო ახალი ეკონომიკური კრიზისის საფრთხის წინაშეა. მიზეზი ტრამპის მიერ წამოწყებულ სავაჭრო ომებთან და არაბულ ქვეყნებში 50% შემცირებულ ნავთობმოპოვებასთან ერთად, აშშ-ს ობლიგაციების ინდიკატორებიცაა. ფინანსისტები ფიქრობენ, რომ ახალი კრიზისი ყველაზე დიდ დარტყმას, სწორედ საქართველოსნაირ, განვითარებადი ეკონომიკის ქვეყნებს მიაყენებს.

პენსიებთან დაკავშირებით, მთავრობა ახალ ინიციატივას ამზადებს, კონკრეტულად რა მოდელს შესთავაზებს სახელმწიფო მოსახლეობას ცნობილი არ არის, თუმცა სპეციალისტები ამბობენ, რომ რეფორმა არა დაგროვებით პენსიაში მონაწილეებზე, არამედ ასაკით პენსიონერებზე უნდა იყოს ორიენტირებული.

ახალი სასწავლო წლის დაწყებასთან ერთად, მშობლებს ახალი საზრუნავი უჩნდებათ - შვილების სასკოლოდ მომზადება, რაც უკვე დიდ თანხებთანაა დაკავშირებული. თითო ბავშვის სასექტემბროდ მომზადება, საშუალოდ, 500 ლარი ჯდება. ექსპერტების თქმით, სახელმწიფო მეტად უნდა ზრუნავდეს მოსწავლეების კეთილდღეობაზე და მხოლოდ უფასო წიგნები არ არის საკმარისი.

აზარტული თამაშების რეგულირება "ქართული ოცნებისათვის" კვლავ ხელშეუხებელი თემაა. რვა წლის განმავლობაში არაერთი დაპირების მიხედავად, ვერ მოხერხდა არათუ თავად ბიზნესის, არამედ რეკლამირების დარეგულირებაც კი. ამ დროს აზარტულ ინდუსტრიაში ყოველ წელს 3-4 მილიარდი ლარი მიედინება და იგი უკვე საფრთხეს არა ცალკეულ მოქალაქეებს და ოჯახებს, არამედ ქვეყნის ეკონომიკას უქმნის.

საქართველოში ღვინის მარნების რაოდენობა წლიდან წლამდე იზრდება. 2012 წელს მათი რაოდენობა 100-მდე იყო, დღეს კი თითქმის 1000-ს აღწევს. აქედან უმეტესი მცირე და საშუალო მარანია. საქართველოში ძალიან ბევრია წარმატებული მცირე მარანი, რომლებიც მსოფლიო მედიისა და ღვინის პროფესიონალების ყურადღებას იქცევს.

სამუშაო ადგილებზე უსაფრთოების წესების დარღვევის სტატისტიკა 50%-ზე მეტით გაიზარდა. ასეთია 2019 წლის იანვარ-ივლისის ოფიციალური მონაცემი. არასამათავრობო სექტორში აცხადებენ, რომ სრულ სურათს იგი არ იძლევა და რეალურად გაცილებით მძიმე ვითარება და ბევრი დარღევევაა. შრომის ინსპექცია კი 1-ლი იანვრიდან ინსპექტორების რიცხვის 40-დან 100-მდე გაზრდას აპირებს, რაც გაზრდის ზედამხედველობასაც.

პერიოდულმა ტექნიკურმა ინსპექტირებამ გამონაბოლქვის დონის შემცირებაზე ვერ იმოქმედა. რეფორმა, რომელიც დიდი ხნის განმავლობაში მზადდებოდა რეალობაში არაქმედითი აღმოჩნდა. ტექდათვალიერების ახალი ტალღა 2020 წლიდან უნდა დაიწყოს. იქამდე კი, ჩავლილი 2 წელი მძღოლების ხრიკებისა და სისტემის ტექნიკური ხარვეზების გამო თითქმის უნაყოფო აღმოჩნდა.

საქართველოში ყოველი მეორე ადამიანი საბანკო სესხზეა დამოკიდებული. ასეთია ეროვნულ-დემოკრატიული ინსტიტუტის კვლევის შედეგი, რომლის მიხედვითაც სესხი გამოკითხულთა 54%-ს აქვს, საიდანაც 68% საბანკოა. ეროვნული ბანკის მიერ შემოღებულმა რეგულაციებმა, როგორც ჩანს,  სიტუაცია ვერ გარდატეხა. როდესაც მოსახლეობის ნახევარზე მეტი თავის გადარჩენას ნასესხები ფულით ცდილობს, ეს უმძიმეს კრიზისზე მიანიშნებს.

სამ თვეში დიზელი 10-15 თეთრით გაძვირდება. ეს იმ შემთხვევაში, თუ ხელისფულება არ გაითვალისწინებს ბიზნესის და სტრატეგიული პარტნიორის თხოვნას, 1 წლით მორატორიუმი გამოაცხადოს ,,ევრო5”-ის  სტანდარტის დაწესებასთან დაკავშირებით. ოფიციალური მიზეზი, გარემოზე მავნე ზემოქმედების შემცირებაა, თუმცა არავითარი კველევა ამის შესახებ არ არსებობს, რა პოზიტიური როლი ექნება ცვლილებას.

ტენდერები კვლავ რჩება ქვეყნის უმთავრეს პრობლემად. ბიუჯეტიდან გადახდილი თანხა არცთუ იშვიათად, რეაბილიტაციის ნაცვლად, აზიანებს შენობას და ხშირად იქ მყოფ ადამიანებსაც. ყველაზე ცნობილი შემთხვევა ვარკეთილში მეტროს ჭერის ჩამონგრევაა, მაგრამ ახალგარემონტებული შენობა-ნაგებობების შედარებით მცირე მასშტაბის ჩამონგრევა ყოველ კვირა ხდება.

მთავრობა ჯარიმების რეპრესიულ პოლიტიკას აგრძელებს. მოსახლეობისა და ბიზნესისთვის დაწესებული ჯარიმებისა და საურავების მოცულობა წლიდან წლამდე იზრდება, ხოლო ბიზნესისა და მოსახლეობის მდგომარეობა კიდევ უფრო უარესდება. ფაქტობრივად, ხელისუფლებისთვის ჯარიმები ერთადერთი მიმართულებაა, სადაც გეგმა გადაჭარბებით სრულდება. ბოლო წლებიოს სტატისტიკაც ამაზე მეტყველებს. ზრდის ტემპი იმდენად სწრაფია, რომ წლის ბოლომდე ამ ტიპის შემოსავალმა, შესაძლოა, 100 მლნ ლარს გადააჭარბოს.

სიგარეტი 2 ლარად პირდაპირ ქუჩებში იყიდება - კონტრაბანდული თამბაქოთი ვაჭრობამ, რეგიონების შემდეგ, დედაქალაქში გადმოინაცვლა. ახლა უკვე თბილისის ბაზრებსა და ავტოსადგურებზეც ხშირად შეხვდებით, ჩანთაგადაკიდებულ ადამიანებს, რომლებიც უაქციზო თამბაქოს, შეღავათიან ფასად სთავაზობენ მომხმარებელს. არალეგალური სიგარეტის ოდენობა კი ქვეყანაში კი წლიდან წლამდე იზრდება.