პოლიეთილენის პარკების აკრძალვასთან დაკავშირებით რეგულაციები არ გადავადდება, თუმცა ადგილობრივ მწარმოებლებს მთავრობა პროდუქციის ექსპორტში დაეხმარება. პარლამენტში უკვე აღიარეს, რომ რეგულაციები ნაჩქარევად არის მიიღებული და გადაწყვეტილება შეიძლება, გადაიხედოს. მიუხედავად ამისა, როგორც გარემოს დაცვისა და სოფლის მეურნეობის სამინისტროში აცხადებენ, ცვლილებები ამ ეტაპზე არ იგეგმება და აქტიურად მიდის მუშაობა, რომ მწარმოებლებმა პროდუქციის რეალიზება ქვეყნის გარეთ შეძლონ.

საქართველოში შემოსავლიანი მოსახლეობის ნახევარზე მეტმა შესაძლოა, ბინის შეძენაზე ვერც იოცნებოს. რეგულაციების გამო კრედიტებზე ხელმისაწვდომობის შეზღუდვამ ბინის ყიდვის მსურველებს სერიოზული ბარიერი შეუქმნა. საშუალოდ, დედაქალაქში 60 კვ/მ ფართის ბინის შესაძენად მოქალაქეს 9-10 წლის ხელფასი სჭირდება, ესეც იმ შემთხვევაში, თუ ოჯახის მინიმალური შემოსავალი 2500 ლარს შეადგენს. იმ პირობებში, როცა ხელფასის გარდა, ოჯახს შემოსავლის სხვა წყარო არ გააჩნია, ბინის შეძენისათვის 20-22 წელია საჭირო.

საზღვარგარეთ სამუშაოს მაძიებელთათვის გეოგრაფიული არეალი შაგრენის ტყავივით დაპატარავდა. ევროპაში ქართველი არალეგალები მასობრივად იდევნებიან, ხოლო იმ ქვეყნებში, სადაც დასაქმება ჯერ კიდევ შესაძლებელია, მწირი ანაზღაურების გამო, მუშაობა აზრს კარგავს. შეიძლება ითქვას, რომ არც გამოსავალი ჩანს. სამშობლოში თუ შორეულ ემიგრაციაში, ყველა გაძლებაზეა, მაგრამ ცალკე პრობლემაა ის, რომ ამ ადამიანების გაჭირვებით ნაშოვნი ფული სამშობლოში უყაირათოდ იხარჯება.

ბიზნესმენები ეროვნული ბანკის პოლიტიკას აკრიტიკებენ. ისინი ამბობენ, რომ ლარი დოლართან მიმართებით 2.55-ზე მეტი არავითარ შემთხვევაში არ უნდა იყოს და დღევანდელი სავალალო კურსი სებ-ის ცუდი პოლიტიკის დამსახურებაა, რაც ბიზნესს ძალიან აზარალებს.

საქართველო აღდგომას გამორჩეული სიძვირით ხვდება. განსაკუთრებით საგრძნობია იმ საკვების ფასი, რომელზეც სადღესასწაულო დღეებში დიდი მოთხოვნაა. გაძვირდა კვერცხი, ხორცი, რძის პროდუქტები, ყველაზე თვალში საცემი კი მაინც ფქვილის ფასია, რომელიც, შარშანდელთან შედარებით, თითქმის 30%-ით გაძვირდა. მომხმარებლისათვის ყველაზე მტკივნეული ისაა, რომ წელს სააღდგომო პასქებიც უკვე გაძვირდა.

ბოლო 10 თვეში ქვეყანაში ეკონომიკური მდგომარეობა ფაქტობრივად არ შეცვლილა, მიუხედავად იმისა, რომ პრემიერ გიორგი კვირიკაშვილის გადაყენების მიზეზი სწორედ სიღარიბის მატება გახდა, რასაც მთელი სამთავრობო ეკონომიკური გუნდი შეეწირა. ეკონომისტები ამბობენ, რომ კვირიკაშვილის მმართველობის შემდეგ, მხოლოდ გვარები შეიცვალა, ეკონომიკა მხოლოდ ლარში გაანგარიშებულ ციფრებში იზრდება, ხალხი კი გაჭირვებიდან ვერა და ვერ ამოდის.

შრომის უსაფრთხოების დაზღვევა დასაქმებულების ინტერესებს ვერ იცავს. კანონმდებლობაში უკვე იმდენად ბევრი ხარვეზი დაგროვდა, რომ სახელმწიფოს თითქმის თავიდან უწევს კანონპროექტზე მუშაობა, რომ საბოლოოდ დაკორექტირდეს და ბაზრის მოთხოვნებს მოერგოს.

საქართველოში ერთი ტურისტი, საშუალოდ, დღეში 88 დოლარს ხარჯავს. ქვეყანაში არ მოქმედებს არც ტურისტული მოსაკრებელი და არც კონკრეტული თანხაა დაწესებული, რომელიც სასაზღვრო კონტროლის გავლისას სტუმარს თან უნდა ჰქონდეს. ეკონომიკის მინისტრის განცხადებით, ქვეყანამ მაღალმხარჯველი ტურისტების მოზიდვაზე უნდა იზრუნოს, სერვისი და ინფრასტრუქტურა კი ამისათვის მზად არ არის.

ქართულ ბაზარზე სასოფლო-სამეურნეო პროდუქტები 100%-ით იმპორტულმა ჩაანაცვლა. რეგიონებში კარტოფილის, კომბოსტოსა და ხახვის მარაგი საბოლოოდ ამოიწურა, რაც ფასსაც დაეტყო. ერთი თვის წინანდელთან შედარებით, პროდუქტი ორმაგ ფასში იყიდება. ფერმერების ინფორმაციით, ოჯახში სამყოფი მოსავალიც არ შერჩათ და ისინიც შემოტანილი სურსათის ამარა დარჩნენ, რის მიზეზადაც გლეხები წარმოების სიმცირეს ასახელებენ და ამბობენ, რომ ხალხმა ნათესები შეამცირა.

სამწუხაროდ, ვადაგასული პროდუქტის რეალიზაციის პრობლემა დღესაც მწვავედ დგას. მართალია, სურსათის უვნებლობის სამსახური მაქსიმალური დატვირთვით მუშაობს და საკმაოდ ნაყოფიერადაც, მაგრამ კომპანიები მაინც აგრძელებენ მომხმარებლის მოტყუებას. ამჯერად "რეზონანსმა" პრობლემა სუპერმარკეტ "უნივერსამში" აღმოაჩინა.

ლერი გიორგაძე "ენერგო-პრო ჯორჯიას" უხუცესი თანამშრომელია. რთულ და საპასუხისმგებლო საქმეს იგი კომპანიაში 2007 წლიდან, ჩეხური კომპანიის საქართველოში შემოსვლის დღიდან, ასრულებს, თუმცა მისი საქმიანობის მიღმა საქართველოს ელექტროსისტემაში რამდენიმე ათეული წლის გამოცდილება და 33 გამოგონებაა. ენერგო-პრო ჯორჯიამაც" ბევრი იზრუნა, რომ, სხვა კოლეგებთან ერთად, კომპანიის უხუცესი თანამშრომლის სამუშაო გარემო იყოს კომფორტული, დახვეწილი და თანამედროვე, რაც კომპანიის, საბოლოოდ კი, დარგის განვითარებისთვის ერთ-ერთი მნიშვნელოვანი პირობაა.

საქართველოს პარლამენტის კანონპროექტი მიწის შესახებ კრიტიკას ვერ უძლებს. სპეციალისტების შეფასებით, ის ვერ ასახავს არსებულ გამოწვევებს და ვერ განსაზღვრავს ქართული მიწისა და სოფლის სტატუსს, რის გამოც კანონი, რომელიც ჯერ არც კი მიუღიათ, სერიოზულად შესცვლელია.