მთელი საქართველოს მასშტაბით შრომის უსაფრთხოებას მხოლოდ 40 ინსპექტორი ამოწმებს. მიუხედავად იმისა, რომ კანონში ცვლილება უკვე შევიდა და შრომის ინსპექციის უფლება-მოვალეობებიც გაიზარდა, სტატისტიკა კვლავ შემაშფოთებელია. 2019 წლის პირველ სამ თვეში სამუშაოს შესრულების დროს 14 ადამიანი დაიღუპა. რეფორმა ფასადურია და საქართველოში შრომის პროცესში სიკვდილის რისკი ძალიან მაღალია.

მიწის ორგანული კანონის პროექტში გამონაკლისების დაშვებით უცხოელებზე მიწა მაინც გაიყიდება. ბოლო დროს სხვადასხვა გამონაკლისი იმდენად გახშირდა, რომ მალე კანონში ასაკრძალი შეიძლება აღარაფერი დარჩეს. კანონპროექტის ავტორები თითქმის არაფერზე იხევენ უკან და მაქსიმალურად ცდილობენ, რომ ამდენი გამონაკლისით სასოფლო-სამეურნეო მიწის უცხოელებზე გაყიდვის მოტივაცია გაზარდონ.

საქართველოში, გასული საუკუნის 50-იანი წლების შემდეგ, პირველი წყალსაცავის მასშტაბური მშენებლობა იწყება. პროექტი იძლევა რეალურ შესაძლებლობას, რომ თეძამი, დღეს ერთი ჩვეულებრივი სოფელი, რამდენიმე წელიწადში ერთ-ერთ თანამედროვე, ნაყოფიერ სოფლად იქცეს და უამრავი მოქალაქის ცხოვრება სასიკეთოდ შეცვალოს. მდინარე თეძამზე აშენდება წყალსაცავი, რომელიც წყლით 10 000 მოქალაქეს მოამარაგებს და შესაძლებელი გახდება 7 000 ჰექტარის მოცულობის მიწის მორწყვა, რომელიც დღეს ფაქტობრივად გამოუყენებელია.

გავლენიანი ლობის საშუალებით სათამაშო ბიზნესი შესაძლოა, კვლავ მკაცრი კონტროლის მიღმა დარჩეს. მიუხედავად იმისა, რომ ამ ბაზარზე ფულის გათეთრების სქემები რეალურად დადასტურდა, არასამთავრობო სექტორში ნაკლებად აქვთ მოლოდინი, რომ მსგავს ფაქტებზე მთავრობა რეაგირებას მოახდენს.

ორშაბათიდან ქვეყანაში პოლიეთილენის პარკები სრულად აიკრძალება და ბიოდეგრადირებადი პარკებით ჩანაცვლდება. ასეთია მთავრობის დადგენილება, რომელიც 1-ლ აპრილს ამოქმედდება. კანონდამრღვევები პირველ ჯერზე - 500, ხოლო განმეორების შემთხვევაში 1 000 ლარით დაჯარიმდებიან. ორივე შემთხვევაში გათვალისწინებულია ქონების კონფისკაცია.

"თიბისი კაპიტალის" მიერ მომზადებული კვლევა საცხოვრებელი უძრავი ქონების სექტორის შესახებ 2018 წლის სრულ ანალიზს მოიცავს. კვლევის მომზადება ბაზრის მონაწილე დეველოპერების მზარდმა მოთხოვნამ განაპირობა, რომ მიიღონ რელევანტური, სანდო და კომპეტენტური ინფორმაცია სექტორის შესახებ. შესაბამისად, კვლევის მიზანია, კომპანიებსა და პოტენციურ ინვესტორებს დაანახოს ბაზრის მიმდინარე მდგომარეობა და სექტორის განვითარების პოტენციალი.

რეგულაციამ მიკროსაფინანსო ორგანიზაციებს საყრდენი გამოაცალა. სწრაფი სესხების კომპანიები საფინანსო ბაზარს ტოვებენ და ეს ტენდენცია საკმაოდ სწრაფი ტემპით გრძელდება. ამჯერად ფინანსური კრიზისის წინაშე შპს "ჯაბა კრედიტი" დგას. კომპანია, რომელსაც 500-მდე მეანაბრე ჰყავს, ვალდებულებებს ვერ ასრულებს. უკვე ერთი კვირაა, რაც "ჯაბა კრედიტი" მეანაბრეებს ვერც ჩადებული თანხის პროცენტს და ვერც სრულ თანხას ვერ უბრუნებს.

სამშენებლო კომპანიები ბინებს ვერ ყიდიან. კრიზისი ბაზრის კვლევით საბოლოოდ დადასტურდა. როგორც აღმოჩნდა, მიმდინარე წლის იანვარში დამტკიცებული იპოთეკური სესხების ოდენობა 47%-ით შემცირებულია წინა წელთან შედარებით. მენაშენეების ნაწილი პრობლემის მიზეზად ეროვნული ბანკის რეგულაციას მიიჩნევს და ამბობს, რომ არასწორი რეფორმის გამო სებ-ის პრეზიდენტო უნდა გადადგეს. ამ პოზიციას სამშენებლო კომპანიების ნაწილი არ იზიარებს და მთავრობას გონივრული, ქმედითი ნაბიჯის გადადგმისკენ მოუწოდებს.

მთავრობა, ერთი შეხედვით, გადასახადების ლიბერალიზაციას იწყებს, თუმცა ბიზნესის დარგში დაწესებული გადასახადების დიდ ნაწილს ცვლილება არ შეეხება. ამ ეტაპზე აქცენტი მცირეშემოსავლიან სოციალურ ჯგუფზე კეთდება, რაც შეიძლება, მოსახლეობის დამაგრების მცდელობითაც აიხსნას, ახალგაზრდა და შრომისუნარიანი მოქალაქეები მასობრივად გადიან ქვეყნიდან და საგადასახადო ტვირთის შემცირებით ამ კატეგორიას ფინანსური ტვირთი შეუმსუბუქდება.

ფინანსურმა ინსტიტუტებმა და ტექნიკის მაღაზიებმა იანვრიდან ამოქმედებული საბანკო რეგულაციების გვერდის ასავლელად ახალი სქემა მოიფიქრეს. შეიძლება ითქვას, რომ ადამიანი საკუთარ ტექნიკას ქირაობს და საბოლოო შეძენისათვის რეალურ ღირებულებაზე ბევრად მეტს იხდის. ამისათვის მას შემოსავლის დადასტურებას არავინ სთხოვს და ეროვნული ბანკის რეგულაციაც გვერდზე რჩება.

"საქსტატში" ამტკიცებენ, რომ ქვეყნაში საშუალო ხელფასი 1202 ლარია. ეს ციფრი გასაშუალოებული მონაცემია და არ აქვს გამოკლებული დაბეგრილი 20%, რომელიც მოსახლეობის რეალური შემოსავალი არ არის. მონაცემების გამოქვეყნება ქვეყნაში მუდმივად ხდება აჟიოტაჟის საფუძველი, რადგან მოსახლეობის დიდი ნაწილის ხელფასი 500 ლარს არ აღემატება, ციფრების ზრდა კი უთანასწორობის განცდის პირდაპირპროპორციულია.

ღია წვის კამერიან გაზის დანადგარებს მოსახლეობას მასობრივად უჭრიან. სპეციალისტების ნაწილი ფიქრობს, რომ ეს კერძო საკუთრების ხელყოფაა, მით უმეტეს, რომ სოციალურად გაჭირვებული ფენისათვის ახალი მოწყობილობის შეძენა თითქმის წარმოუდგენელია - განვადებებზე ხელმისაწვდომობა გართულდა და ახალი ტექნიკის შესაძენად მომხმარებელს რეალურად არანაირი შეღავათი არ აქვს.