გადასახადების სიმძიმე ქვეყნის ეკონომიკის განვითარებას აფერხებს. იმის ნაცვლად, რომ ბიზნესის სტიმულირება მოახდინონ, მაღალი გადასახადის დაწესებით სამეწარმეო საქმიანობას ხელი ეშლება. მიუხედავად იმისა, რომ უცხოელი ექსპერტები და ქართველი ანალიტიკოსებიც მთავრობას გადასახადების შემცირებისკენ მოუწოდებდნენ, დღემდე ამ მიმართულებით არაფერი შეცვლილა, თუ არ ჩავთვლით დღგ-ს გადასახადის 18%-მდე შემცირებას, მაგრამ ეს ბიზნესისთვის დიდი შეღავათი ნამდვილად არ არის.

ძველ, საბჭოურ პერიოდში აშენებულ ბინებზე ფასი მოიმატებს. როგორც დეველოპერები ამბობენ, ამის მიზეზი მშენებლობების ტემპის დაცემაა, რამაც შეიძლება, მიწოდების მხრივ პრობლემა შექმნას. სპეციალისტების ინფორმაციით, მშენებლობების დიდი ნაწილი შეჩერებულია, მასშტაბური პროექტების განხორციელებაზე კი საუბარიც არ არის. ასეთ ვითარებაში უძრავი ქონების ბაზარი საბანკო და სამშენებლო რეგულაციების გამო აღმოჩნდა. რა ტენდენცია გამოიკვეთა და როგორი იქნება რეგულაციების გავლენა სექტორზე, სპეციალისტებს შეფასება უჭირთ. ბაზარზე დიდი გაურკვევლობაა.

დედაქალაქში მეორეული საბურავებითა და ავტონაწილებით ვაჭრობა დაჯარიმდება. პირველ ჯერზე ფიზიკური პირი 500, ხოლო იურიდიული პირი 1000 ლარით დაჯარიმდება. მაქსიმალური სანქცია 6000 ლარს შეადგენს. კანონის ამოქმედება ქვეყანაში ათასობით ადამიანს სამუშაო ადგილის გარეშე დატოვებს. გენგემის მიხედვით, უნდა მოხდეს ელიავას, ისნისა და ელმავალმშენებელი ქარხნის მიმდებარედ არსებული ავტონაწილების ბაზრობების გადატანა.

საქართველოში ხორბლის ფასთან დაკავშირებით პარლამენტი საკომიტეტო მოსმენას ან სამუშაო შეხვედრას გამართავს. დეპუტატები ფიქრობენ, რომ ბაზარზე ყველა პირობაა საიმისოდ, რომ საერთაშორისო ფასმა გავლენა მოახდინოს და გაიაფება საქართველოშიც დაიწყოს, თუმცა რეალობა სრულიად საპირისპიროა. მსოფლიოში მარცვლეული 30%-ით გაიაფდა, საქართველოში კი 15%-ით გაძვირდა.

საქართველოს მთავრობამ "გაზპრომთან" ახალი ხელშეკრულება 2 წლის ვადით გააფორმა. ეკონომიკის სამინისტროს განცხადებით, პირობები წინა კონტრაქტთან შედარებით გაუმჯობესებულია. გაზრდილია ტრანზიტის საფასური, ხოლო რუსული გაზის შესასყიდი ფასი შემცირებულია იმ შემთხვევაში, თუ რომელიმე კერძო წარმომადგენელი დაინტერესდება მისით. სპეციალისტები გაუმჯობესებას მიესალმებიან, თუმცა იქვე აღნიშნავენ, რომ ეს ხელშეკრულება ბევრად ცუდია, ვიდრე 2017 წლამდე გვქონდა.

უცხოელს, მიწის დაუმუშავებლობის შემთხვევაში, შესაძლოა, მიწის გაყიდვა აღარ მოუწიოს, მაგრამ ყოველ წელს 20-30 ათასი ლარით დააჯარიმებენ. ეს ერთ-ერთი ცვლილებაა კანონპროექტში, რომელიც პარლამენტში უკვე განიხილება. გარდა ამისა, არის სხვა ცვლილებებიც, რომლებსაც დეპუტატები ამ დღეებში ინტენსიურად იხილავენ.

"საქართველოს ბანკმა", ქვეყნის წამყვანმა ბანკმა, საქართველოში სოციალური წარმოების შექმნისა და განვითარების ხელშეწყობის მიზნით ჩატარებული, რიგით მესამე საგრანტო კონკურსის გამარჯვებულები გამოავლინა. გამარჯვებულ ხუთ პროექტზე "საქართველოს ბანკი" 250 000 ლარამდე დაფინანსებას გასცემს. "საქართველოს ბანკის" ფონდ "სიცოცხლის ხის" მიერ ორგანიზებული კონკურსი მესამე წელია, ტარდება. საგრანტო კონკურსის მიზანი ისეთი სოციალური საწარმოების დაფინანსებაა, რომლებიც სოციალურად აქტუალური საკითხის მოგვარებასა და შეზღუდული შესაძლებლობების მქონე პირთა დასაქმებას უზრუნველყოფს.

თბილისში უკვე ნარჩენების დახარისხების 25 სტენდია, სადაც მოქალაქეებს შეუძლიათ მიიტანონ წინასწარ დახარისხებული ნარჩენები – პლასტმასის, PET ბოთლები, ქაღალდი, შუშა და ალუმინის ქილები. აღნიშნული ადგილებიდან დახარისხებული ნარჩენის გატანას უზრუნველყოფს კომპანია “სუფთა სამყარო”, რომელიც ნარჩენებს წინასწარ ამუშავებს და აწვდის გადამამუშავებელ კომპანიებს: ქაღალდსა და შუშას — ადგილობრივ კომპანიებს, ხოლო პლასტმასას და ალუმინს ექსპორტზე გზავნის სხვადასხვა ქვეყანაში  — მათ შორის, თურქეთსა და უკრაინაში.

ენერგეტიკულ სექტორში შექმნილმა პრობლემებმა ქვეყანა რთულ ვითარებაში ჩააგდო. ენერგეტიკოსები აცხადებენ, რომ დარგში ჰესების მშენებლობის შეჩერებამ სერიოზული კრიზისი გამოიწვია და გამოსავალი უნდა მოიძებნოს. საჭიროა ფიქრი ატომური ელექტროსადგურების მშენებლობაზე. საქართველოში მოსახლეობა ჰესების აშენებას გამუდმებით ეწინააღმდეგება და რა მოჰყვება ატომური სადგურის აშენების იდეას, ძნელი წარმოსადგენი არ არის.

დაახლოებით 2 კვირაში პოლიეთილენის პარკებს ბიოდეგრადირებადი პარკები ჩაანაცვლებს. სავარაუდოდ, მომხმარებლისთვის ეს დამატებითი ხარჯი იქნება, მაგრამ არც ერთ სავაჭრო ობიექტში ჯერჯერობით არ არიან ინფორმირებული, რა ეღირება ახალი ტიპის პარკები. სპეციალისტების აზრით, ე.წ. ქაღალდის ჩანთები, შესაძლოა, ორჯერ ან სამჯერ უფრო მეტი ღირდეს, მაგრამ ეკოლოგიისთვის ეს იქნება ყველაზე მეტად წინ გადადგმული ნაბიჯი, რომელსაც საზოგადოება უნდა შეეგუოს.

მაღალმთიანი რეგიონებისა და სოფლების გარდა, ბარის დაცარიელების პროცესიც აქტიურად მიმდინარეობს. კარგი კლიმატური პირობებისა და მოსავლიანობის მიუხედავად, წყალტუბოს რაიონში მასობრივად თითო და ორკაციანი ოჯახებია. რეგიონიდან მიგრაცია უფრო და უფრო იზრდება. პროცესი თუ ადრე ქუთაისსა და დედაქალაქში წასვლით შემოიფარგლებოდა, დღეს უკვე პირდაპირ ევროპის ქვეყნებისკენ უჭირავთ გეზი.

2018 წელს საქართველოში ინვესტიციების კატასტროფული ვარდნაა. 4 კვარტალის შედეგით, პირდაპირი უცხოური ინვესტიციების მოცულობამ 1.232 მლრდ აშშ დოლარი შეადგინა, რაც 34.9 პროცენტით ნაკლებია 2017 წლის შესაბამის მაჩვენებელზე. "რეზონანსის" პროგნოზი გამართლდა და უცხოური კაპიტალის ნაკადი 5-წლიან მინიმუმამდე დაიწრიტა.