"ცენტრ პოინტის" დაზარალებული მობინადრეებისთვის ბოლო შანსიც მოისპო. თბილისის მერიასა და კომპანია "მ2"-ს შორის შეთანხმება ვერ შედგა, რაც ნიშნავს, რომ "ცენტრ პოინტს" პერსპექტივა აღარ აქვს და დაზარალებული მეანაბრეები ბინებს ვერ მიიღებენ, რისი იმედიც მათ ბოლო დრომდე ჯერ კიდევ ჰქონდათ.

საქართველოს მთავრობა აფხაზეთის ენერგომომარაგების საკითხში მიდგომას დროებით ცვლის და დღეიდან ოკუპირებულ რეგიონს დენს გრაფიკით მიაწვდის. ამით, როგორც ქართველი ენერგეტიკოსები ამბობენ, აფხაზეთში ბრუნდება 90-იანი წლების ხანა, როცა ქვეყანა ნახევრად ჩაბნელებული იყო. გრაფიკის დაწესების საფუძველი ამ ეტაპზე წყალსაცავში წყლის დაწეული დონეა.

ავტომობილების სავალდებულო დაზღვევა, რომელიც ივლისიდან ამოქმედდება, თითოეულ ავტომფლობელს, საშუალოდ, 150 ლარი დაუჯდება. კანონპროექტი პარლამენტში უკვე განიხილეს. კანონის ძალაში შესვლის შემდეგ მოქალაქეებიდან წლიურად 180 მლნ ლარის ამოღება მოხდება. აღნიშნული კანონპროექტის მომზადებაში ჩართული არ ყოფილან არასამთავრობო ორგანიზაციები და დარგის სპეციალისტები სამოქალაქო სექტორიდან, შესაბამისად, ამ კუთხით მოსალოდნელია დიდი დაპირისპირება.

სრული მასშტაბით ამოქმედებულმა საბანკო რეგულაციებმა საოჯახო და საყოფაცხოვრებო ტექნიკის ბაზარს თავისი წვლილი უკვე დაატყო და ამ ფაქტზე მაღაზიების უმეტესობა ღიად საუბრობს.

"თიბისი ბანკის" მმართველებმა "ფულის გათეთრების" საქმეზე პირველი კომენტარი გააკეთეს. ხაზარაძე და ჯაფარიძე ფაქტს სრულად უარყოფენ და აცხადებენ, რომ მზად არიან, ტრანზაქციის ყველა დოკუმენტი ნებისმიერ დაინტერესებულ მხარეს გააცნონ.

აუდიტის სამსახურის დასკვნა შესაძლოა, აფხაზეთის მთავრობის თავმჯდომარის პოსტიდან ვახტანგ ყოლბაიას გათავისუფლების საფუძველი გახდეს. ოფიციალური უწყება მას საბიუჯეტო სახსრების არამიზნობრივ ხარჯვაში ამხელს. ყოლბაიას საქმიანობა საზოგადოების, განსაკუთრებით კი დევნილების მხრიდან კრიტიკას ყოველთვის იწვევდა, თუმცა აქამდე მისი განთავისუფლების საკითხი არ დამდგარა. აუდიტის სამსახურის კრიტიკული დასკვნის შემდეგ აფხაზეთის მთავრობის თავმჯდომარის შეცვლის აუცილებლობაზე უკვე მმართველ გუნდშიც საუბრობენ.

როგორც იქნა, საქონლის ხორცმა გაიაფება დაიწყო. სამომხმარებლო ბაზრებში ფასი უკვე 1 ლარით შემცირდა. მოვაჭრეები ვარაუდობენ, რომ მომდევნო თვეებში ხორცის ღირებულება კიდევ 1-2 ლარით დაიწევს. საფასო ცვლილებას ისინი მსხვილფეხა რქოსანი (მოზარდი) პირუტყვის ექსპორტის აკრძალვას უკავშირებენ და ამბობენ, რომ მთავრობის გადაწყვეტილებამ ქვეყანაში ხორცის მარაგი გაზარდა.

საქართველოში 54 000 სტუდენტს აქვს სტატუსი შეჩერებული, აქედან უმრავლესობის პრობლემა ფინანსური მდგომარეობაა და სწავლას მხოლოდ იმიტომ ვერ აგრძელებს, რომ სწავლის გადასახადი არ აქვს დაფარული. ასეთი სტუდენტების რაოდენობა წლიდან წლამდე კატასტროფულად იზრდება.

საქართველოს მთავრობამ რუსული გაზისადმი დამოკიდებულება შეცვალა. ეკონომიკის მინისტრი აცხადებს, რომ გაზი მხოლოდ აზერბაიჯანიდან არ უნდა შემოდიოდეს, ალტერნატივად კი არც ერთ სხვა გზას არ განიხილავს, გარდა რუსეთისა. ენერგეტიკოსებში აზრი ორიდ არის გაყოფილი, ვითარება კი თანდათან რთულდება, რადგან ბუნებრივი აირის მოხმარება დიდი სისწრაფით იზრდება.

კოეფიციენტების მატება და K2 კოეფიციენტის "გაყიდვა" აიკრძალება, მაგრამ უკვე გაცემულ ნებართვებს მერია ვერაფერს უხერხებს. კომპანიებს, რომლებსაც ეს ნებართვა უკვე ნაყიდი აქვთ, სართულიანობის ზრდას უპრობლემოდ მოახერხებენ. თბილისის მერის გადაწყვეტილებით ახალი რეგულაცია მხოლოდ სამომავლო პროექტებს შეეხება.

ახალი მინისტრები სულ უფრო საოცარი განცხადებებით გამოდიან. ბოლო მათგანი ასე ჟღერს - "ქვეყანა უფრო გაბედული და სწრაფი ნაბიჯებით უნდა წავიდეს შიდა ვალის აღებისკენ". ეს არის მთავრობის პოზიცია, რომელიც ფინანსთა მინისტრმა "ახარა" საზოგადოებას. ამიტომაც 2019 წელს 500 მლნ შიდა ვალის აღებაა დაგეგმილი. ხელისუფლება თანდათან ბანკების მძევალი ხდება.

საქართველოს ბანკმა, ქვეყნის წამყვანმა ბანკმა, დეველოპერულ კომპანია ,,რედკოსთან" და სამშენებლო კომპანია ,,ანაგთან" თანამშრომლობის შესახებ განაცხადა. აღნიშნული თანამშრომლობა გულისხმობს წამყვანი ბანკის მხრიდან აღნიშნულ კომპანიებთან ფინანსურ პარტნიორობას, რეგიონალური ინფრასტრუქტურული პროექტებისა და ტურიზმის განვითარების მიზნით.